ليه الي عمره فوق 30 لالالالا؟

[rozi]

اتمنى احد يرد ويقولي ليه ادا جايب معدل معقول وخبرته معقوله بس عمره تعدى ال30
ليه ما يقدر يكون معيد مع ان فيه احتياج للتخصص
ليه العمر 30 بالذات
اتمنى المسؤولين يرفعون السن شوي 40 مثلا

(يعني معقوله ......لا.ماجستير ولا معيد كمان )والله قهر

[وهج بسمتك]

وش تقولين انظمه محطمه

اتمنى الا يكون السن عائق بكل مكان وزمان

[عبدالله أبوعلي]

الموضوع بسيط عشان يكدونه اكبر مدة ممكنه؟
يعني تخيلي لو شخص تقدم وعمره 35 سنه وابتعث ماجستير اقل شي ثلاث سنوات وزودي عليها اربع او خمس دكتوراه يرجع للجامعة وعمريه 43سنه مثلا ،،، شوف كم بقي عالستين (17) سنه ،، هم ودهم شخص يكد ثلاثين سنه او اكثر ؟

[نـُونْ]

من المؤسف أننا العرب نضع أنظمة لا داعي لها
و مع ذلك تجدنا في أخر التقدم و الرقي الحضاري ..!!!
أرى أن مسألة تحديد العمر في أي مجال هي عقبه مقصود من وراءها التعجيز فقط ..!
اللهم ارزقنا حلالا يكفينا ويغنينا لا عناء فيه ولا كدر

[طموحهـ ولكنـ]

انا سمعت عن هذا النظام . وعشان كذا قلت خليني الحق على عمري وادرس الماستر .

[رقة الورد]

!!!!!!!!!!!!!!!!!!!!!!!!!

حتى لو معاك ماستر لازم ماتتعدي الثلاثينن!!!!

لله في خلقه شؤؤؤن

[مطلع الفجر]

المشاركة الأصلية كتبت بواسطة نـُونْ أرى أن مسألة تحديد العمر في أي مجال هي عقبه مقصود من وراءها التعجيز فقط ..!

صدقتي ..
وللأسف أن نجد هذا النظام في بلاد المسلمين ..بلاد الحرمين
نظام غيررر منطقي أبداااااا ..وليس له مبررإلا التعجير ووضع العقبات ..وأمام من المشكلة !!..أمام المتفوقين وأصحاب الشهادات العليا .!!

ليت هذا الموضوع يصل لخادم الحرمين الشريفين حفظه الله

الله يغنينا عن خلقه ويرزقنا من واسع فضله

إنما أمره إذا أراد شيء أن يقول له كن فيكون سبحانه

[lotysweet]

همة يحطون هالحد من العمر عشان زي ماقال الاخ
فية فترة دراسة لانهم يبونة يكمل ماجستير ودكتوراة وعلى مايخلصها يكون تعدى الاربعين
لو فتحو باب القبول بانه مايتعد 40 سنه متى بيخلص من الدراسة عشان يدريس بالجامعة ويستفيدو منه
ترا التقاعد على سن 60 سنه
بس فية نقطة ذكرتها احد الاخوات بانه حتى لو كملتي ماستر وتعديتي ال 30 مايقبلوك
هنا غلط
انا متاكد من اللي اقولة لانه كانت معنا وحدة مرشحة للاعادة وكان عمرها فوق الثلاثين بس تدرس ماجستير
ورفعو اوراقها والجامعة رفضتها قامو توسطو لها رئيسات الاقسام
سبب رفضهم انها لسا ماخلصت ماستر بس الحقيقة انها كانت على وشك تخلص مابقا لها الا ترم وتنتهي من الرسالة حرام يضيعون الفرصة عليها وخصوصا انها كانت تدرس بالجامعة نظام تعاقد ودرستني ايام كنت طالبة
حرام انا اتوظف وهي اللي درستني تستبعد وبالنهاية وافقو عليها لانه قربت تخلص رسالتها
يعني يابنات وياشباب طالما قاعدين بدون وظيف كملو ماستر عشان ماتضيع عليكم الفرصة

[مطلع الفجر]

أختي lotysweet

مادري شكل كل قسم بمزاجه في التغاضي عن سن فوق الثلاثين لوظيفة معيدة ..

أنا أعرف بنات خلصوا الماجستير وتعدوا الثلاثين بشيء بسيط وماقبلوهم معيدات يوم نزلت وظائف المعيدات في أقسامهم عشان تعدى عمرهم ثلاثين ..وعينوا بدالهم اللي معاهم بكالوريوس !!!!!!!!!!!!!!!!!

[رقة الورد]

المشاركة الأصلية كتبت بواسطة lotysweet همة يحطون هالحد من العمر عشان زي ماقال الاخ فية فترة دراسة لانهم يبونة يكمل ماجستير ودكتوراة وعلى مايخلصها يكون تعدى الاربعين لو فتحو باب القبول بانه مايتعد 40 سنه متى بيخلص من الدراسة عشان يدريس بالجامعة ويستفيدو منه ترا التقاعد على سن 60 سنه بس فية نقطة ذكرتها احد الاخوات بانه حتى لو كملتي ماستر وتعديتي ال 30 مايقبلوك هنا غلط انا متاكد من اللي اقولة لانه كانت معنا وحدة مرشحة للاعادة وكان عمرها فوق الثلاثين بس تدرس ماجستير ورفعو اوراقها والجامعة رفضتها قامو توسطو لها رئيسات الاقسام سبب رفضهم انها لسا ماخلصت ماستر بس الحقيقة انها كانت على وشك تخلص مابقا لها الا ترم وتنتهي من الرسالة حرام يضيعون الفرصة عليها وخصوصا انها كانت تدرس بالجامعة نظام تعاقد ودرستني ايام كنت طالبة حرام انا اتوظف وهي اللي درستني تستبعد وبالنهاية وافقو عليها لانه قربت تخلص رسالتها يعني يابنات وياشباب طالما قاعدين بدون وظيف كملو ماستر عشان ماتضيع عليكم الفرصة

صح كلالالام مطلع فجر

كل قسم بمزاجه يمكن الي تعرفيها يبغوها عشان كذا سو المستحيل عشااان تتوظف

بس مو دائما ذا الشئ ..أنا الحمد لله معايه ماستر ولسى ماتجاوزت الثلاثين الحمد لله

ودخلت المقابلة عادي لكن صحبات ليه أعمارهم 31 ومعاهم ماستر رفضوا يدخلوهم المقابلة

وفي الآخر اختارو وحدة معاها بكالوريوس فقط..!!!!!!

الحمد لله على كل شئ ..كل شئ في الدنيا نصيب سبحان الله

والله يغنينا من واسع فضلة