انا منتسب جديد وعندي بطاقة جامعية - وش اسوي الحين ؟

[Amajed]

السلام عليكم :)

انا منتسب جديد وآخر شيئ صار حتى الان اني استلمت بطاقة جامعية فقط لا غير

هل فيه شيئ اسويه الحين ؟ هل فيه اوراق او اشياء لازم اسويها ؟

انا حرفياً ماادري وش اسوي الحين نهائيا ولا لقيت شيئ يوضح لي بصراحه ،، فياليت تذكرون لي الخطوات الي اسويها من الان الى آخر يوم في السنة التحضيرية

وايضا متى ووين الاختبار ؟
اذاكر اي شيئ ؟ والا فيه اشياء محدده لي ؟
اي شيئ ممكن يفيدني لاني ضايع ولا ادري وش المطلوب

ساكن في مدينة الرياض


وشكرا :)

[صفر على اليمين]

شفت جدولك طيب الي في الاودس ولا لا
هذي اول خطوة تعملها عشان تروح تشتري الكتب

ترى كلنا ضايعين بس ربنا يساعدنا
والاخوات والاخوان هنا مايقصرون مع الكل إن شاء الله

[جمانة الفيصل]

اذا تقدر تجي جده احضر محاضرات مع الانتظام عشان تعرف المنهج وايش هي خطتك الدراسية
الانتساب مايختبرون الا في الاختبارات النهائية اعتقد الا سبوع اللي بعد الجاي يبدأ دوامكم تداومون لمدة اسبوع
والحضور طبعا مو اجباري ع كيفك يعني ..
وبس
اي استفسار انا ف الخدمة

[نبض الخفوووق]

فديت الرياااض . هلا بك اولآ : بجامعتنا
ثانيآ : اللي يسأل مايضيع ..! انت اذا ظرووفك تسمح لك تروح جده روح مر العماده واسأل عن اي شي تبيه بس قبل لازم تحدد اسألتك وتجمعها علشااان ماتنسى شي الرياااض مشواااره بعيد . وغير كذا خلك بإستمرار مع الادوس . الكتب تحصلها بخوارزم .. الإختبااارات بتطلع لك بجدولك .. الاوراق . الملخصات . الأسئله . كلها موجود بالمنتدى بس عادتهم وقت الإمتحااانات تلقى الكل يساعد الثاااني واي شي تبيه تحصله هنا .. اما المحذوف انا انصحك اذا رحت الجامعه تسأل نفس الأساتذه او اسأل اهل اخبره هنا .. وكلنا لبعض مافيه شي اسمه ضااايع .. بس بدووون زعل شد حيلك زين وذاكر واحضر محاظرات زي ماقالوا اذا يسر الله ورحت جده ..
اتمنى لك التوفيق وعقبااال ماتبشرنا بنجااااحك

تقبل مروري

[Amajed]

يعطيكم العافيه

لو بحظر محاظرات مادخلت انتساب ،، الشغل لازمني فمااقدر اطلع برا الرياض ،،

توني داخل على ادوس وشفت الجدول وشفت الخطة ،، مكتوب خطة أ بس مااضني فهمت فعلا وش المطلوب

هل اروح مكان معين اجيب منه ملخصات ؟ او انتظر الى وقت معين تكون الملخصات متوفرة في مكان معروف اخذها واذاكرها ؟ يعني هل هي موجودة في خدمات طالب ؟ والا فقط عن طريق المنتدى ؟
جدول الاختبارات متى يصدر ؟ وهل اختبر في الرياض والا لازم في جدة ؟

والمهم قبل كل شيئ وين اشتري منه الملخصات او المستلزمات ومتى المفروض الواحد يبدأ يذاكر ؟
انا مستغرب فعلا ليش مافيه Guide واضح من الادارة ترشد المنتسب للامور الي مفروض يسويها ،، كان الموضوع بسيط وواضح جدا وقت التسجيل وكان كل شيئ منظم والكتروني ،، بس بعد انتهاء اجراءات التسجيل كل شيئ صار اسود ولا عاد عرفت وين اروح وين اجي



مره ثانيه يعطيكم ألف عافيه وبالتوفيق للجميع :)

[صفر على اليمين]

اذا ع الكتب تقدر تشتريها عن طريق النت وتوصلك بالبريد
يعني موضروري تجي جدة وتشتريها
هذا الي اعرفوا


http://www.khawarizm.com/

وهذا رابط المكتبة تبع خوارزم

[شييري]

اهم شي انك شفت جدولك وعرفت انك خطة أ

ثانيا تشوف الكتب وتطلبها من مكتبة خوارزم انتبه لاتاخذ كتب العام لانه تغيرت

ثالثا اذا تقدر تجي تحضر محاضرات كان بها اذا ماتقدر حاول تعرف احد بجده ويحضر محاضرات عشان تستفيد منه
رابعا سمعت والله اعلم انه بندرس نظام السنترا يعني نفس التعليم عن بعد

خامسا حاول دايم تتابع بالنت كل شي جديد يمكن جدول يتغير اوشي

سادسا تجي وقت الاختبار وانت مذاكر وتختبر ربي يوفقك قول امين

اتمنى اني افدتك لو بمعلومة صغيرة دعواتك

[AbDaLr7mAn]

ماقصرو الشباب الله يعطيهم العافية

وحبيت اضيف الاختبارات ان شاءالله بـ تاريخ 4 \ 2 \ 1432 يعني بعد اربعة شهور تقريبا ( شهر صفر )

وهذا التقويم الجامعي فيه مواعيد مهمة والحين يعتبر ناقص وقريب يكملونه < عاد شف متى

http://founyear.kau.edu.sa/AccessPag...=AR&SYS_ID=228

وموقع الاختبار تقدر تختبر بالرياض بس للسنة التحضيريه على حسب علمي وتدفع ألف ريال

واختبارات خطة أ 5 ايام مدتها والله يوفقنا فيها

والكتب انتظر شوي , ان شاءالله بكره السبت 1 \ 11 موعودين انهم ينزلون المفردات حقت الكتب ( اسماء المألفين )

وهذي تحصلها في الاوديس حقك اذا نزلوها وبعدها رح لمكتبة جرير ولا العبيكان او اي مكتبة كبيرة بالرياض

واسال عن اسماء الكتب والمألفين واذا ماعندهم ...

ادخل موقع مكتبة خوارزم بالنت واطلب الكتب وبالدي اتش ال توصلك بـ مبلغ وقدره

وبخصوص المذاكرة لو على الكيف كان مذاكرين من الصيفية اللي راحت

والله يستر لا تجي الكتب وبعدين يطلع الحماس ذا بس كلام , والله لا اسوي والله لا افعل < اقول استريح بس ههههههه

وعلى الملخصات حاول تخليها شي ثانوي بعد الكتاب , وتلقاها في المنتدى هنا

http://www.skaau.com/vb/forumdisplay.php?f=142

بالتوفيق

[الحاجب]

كل شيء راح يظهر لك بالاوديس ..

اما بخصوص الكتب تجدها بمكتبة المهندس بالرياض ..

اما بخصوص الدورة التأهيلية راح يعلنون عنها بالاوديس وتقد تسجيل حضور دورة تأهيلية ..

وبعدها طال عمرك تحمل برنامج السنترا عن طريق موقع الجامعة او فيه مواضيع بالمنتدى عن السنترا ,, وهذا يشبه نظام الشات الصوتي ..

تدخل وانت ببيتك وتتابع الشرح ..

اما بخصوص الاختبار قبل الاختبارات باكثر من اسبوع راح ينزلون بالاوديس ,, التسجيل باختبار المناطق , تسجل وتروح لمعهد العالمية وتدفع رسوم 1000 ريال , وبعدها تجيك رسالة على جوالك يحددون لك مكان الاختبار بالرياض ..

اما بخصوص الملخصات والاسئلة موجودة بقسم السنة التحضيرية للانتساب , ولاتستعجل راح مايقصرون الشباب ,,

بالتوفيق لك ..

[رهـــووومه]

http://www.skaau.com/vb/showthread.php?t=202872

هذا رابط يفيدك ان شاء الله تلقى فيه شرح وافي