احد يطمني

[محطمه]

اخواني واخواتي انا طالبه خلصت ثالث ثانوي بنسبه 98 ونسبه مركبه 89
قدمت على الجامعه وما قبلوني عشاني مو سعوديه ولا من ام سعوديه
قدمت على تسجيل الاجانب وانا دحين منتظره على احر من الجمر وخايفه
بلييييييز اذا احد سجل زيي او يعرف احد مسجل في حق الاجانب يقولي ايش صار معاه وبلييز اذا احد يعرف متى الرد على القبول يقولي عشان انا شويه وحانجلط

[م.م]

السلام عليكم ورحمة الله وبركاته ..
انا ما سمعت عنه بس ان شاء الله خير لا تنجلطين ليه في الاحسن بإذن الله طولي بالك وادعي القبول لسا ما خلص لا تخافين الله يوفقك

[basem]

انا اعرف شخص تم قبوله كأجنبي لأن معدله كان ماشاء الله مرتفع وتم قبوله في اخر اسبوع من التسجيل والان هو خلص ثلاث سنوات في الجامعة وكان ايام تسجيله يراجعهم باستمرار واخذوا جميع البيانات المطلوبة منة وتم الاتصال فيه في اخر اسبوع وتم قبوله وهنا انصحك تراجعين أول بأول عمادة القبول والتسجيل - شطر الطالبات والله يوفقك

[* تركي *]

إنتِ مـآ شآء الله مـُعدَلِكـ مـُرتقع ..،
فـَ إذآ رآجعتي الوَزآرة ، رُبمـآ يـَعطوكِ مِنحة ..،
/
\
روحي لَهُم ، مو خسـرآنة شي :)
موفقة

[قمر1990]

سبحان الله يا محطمه مشكلتك زي مشكلتي وتقريبا نسبنا متقاربه
الله يعينك ويعينني
بس انا عندي سوال : لو قبلوني ادفع رسوم وكم هيا هاذي الرسوم عشان ازبط نفسي من دحين

[نص دافوره]

اختي لا تنجلطين ولا حاجه

ان شاء الله بتنقبلين في الجامعه انا سنة مادخلت الجامعه كان لي صديقه فلسطينيه وماشاء الله نسبتها كانت 98 وانقبلت انتظام في الجامعة بس ترم ثاني وطبعا بدون مايعطوها مكافئة

يعني ليش الحزن والكابة انتي كلميهم دايما وان شاء الله بيجي قبولك

[ام-حمودي]

الله يعينك اختي