علم نفس شخصيه

[جنااااااان]

السلام عليكم
حبيت اسال عن مادة علم نفس شخصيه
كبف الماده والمنهج
سهله والا صعبه
وكيف استاذه سميره خطيب
ساعدوني ابغى احضر الدورات
وااذا الماده مو حلوه يمديني اغير
وجزاكم الله خير

[نسيم جده]

الماااااااده ســهــلـه مرره اهم شي ركزي وبث

[جنااااااان]

نسيم جده
الله يسعدك يارب
بس كيف الاستاذه والا مامرت عليك..؟

[عزيزة نفس]

وانا نفس السؤااااااال

[goood man]

ننوه ان المنهج تغير عن السنة الماضية

لذلك الانتباه من استخدام ملخصات او نماذج اسئلة للمادة


بالتوفيق للجميع

[fasol]

الله يعين بس ابغى اعرف ياليت في شي محدد او المنهج كامل تحياتي لكم جميعا

[ALOA]

شوفي حبيبتي المادة حلوة مرة انا حضرت مرتين السنة هذي يوم السبت والاثنين اللي فات مع سميرة الخطيب عن جد دكتورة رائعة ماشاء الله عليها بس ماقدرت اكمل في المادة لانو لازم اخذ مدخل علم النفس اول شفت انها مرتبطة بعلم النفس العام وكمان القياس النفسي
اذا انت اخذتيه ترى المادة حلوة والدكتورة رائعة كثير هنا قالوا لي الدكتور مو كويسة بس والله من محاضرتين ارتحت لها شرحها حلو وقالت اختبارها راح يكون مقالي عشان لو بنت جابت مثلا 57 ماترسبها تحطلها الدرجات الثلاثة الباقية للنجاح على الكلام اللي كاتبته حتى لو كان غلط , بجد انسانه متفاهمة وتاشر معاكي صفحة صفحة وكتير اشياء قالت لاتاخذي منها الا 3 او 4 تعدادات
اتوكلي على الله وربي يوفقك ونصيحة خليكي معاها وهي قالت اللي معانا في المنهج السبعة الفصول الاولى فقط

[بلسم2]

صبايااااااااااااا استاذه سميره متى وقتها وكم رقم شعبتهاااا بليييز افيدوونا

[ALOA]

استاذه سميرة السبت والاثنين والاربعاء من 3 الى 4 و20 دقيقة المبى الرابع غرفة 408 شعبة 1طبعا هذا لعلم نفس الشخصية بس هي قالت انها تعطي كمان علم النفس الاجتماعي بس والله ما اعرف وقته كنت اتمنى افيدكم اكثر
بس نصيحة روحوا عندها انا عجبتني كتير وحسيتها متفاهمة وطيوبة عكس اللي انقالي هنا عن جد ما ادري ليش قالولي عنها كذا وعلى فكرة كمان تاشر معاكي على المصطلحات اللي تحفظيها بالانجليزي تقولك هذا مهم جدا وهذا المصطلح الاول وهذا الثاني دقيقة جدا في تاشيرها وماتاخذ الا الزبدة والمهم والله على ما اقوله شهيد هذا اللي انا شفته في المحاضرتين
الله يوفقكم يارب وينجح الجميع

[جنااااااان]

طيب كيف استاذه صباح الرفاعي