الدورة التأهلية ....هذا ما رأيت !!!

[aboatab]

بسم الله الرحمن الرحيم

الحمد لله رب العالمين والصلاة والسلام على أشرف الانبياء والمرسلين أما بعد :
فالحقيقة قد آلمني ما رأيت من سلوكيات وتصرفات بعض الطلاب السلبية من وجهة نظري والتي أثرت على مستوى التحصيل بشكل عام .
وفي البداية - بحكم أنني لم أحضر الدورة التأهيلية العام الماضي – وجدت سعادة غامرة في الرجوع إلى مقاعد الدراسة وأثارت ذكريات جميلة من أيام الدراسة والشوق والحنين للماضي .
فوائد الدورة التأهيلية :
عرفتنا على أصدقاء جدد غمروني بعطفهم وكرمهم وأعتز جداً بصداقتهم ,كما عرفنا مدى صعوبة المنهج ( ياليت لو كانت تلك الدورة في بداية الترم ) واستطعنا فك بعض طلاسم والغاز الشباتر والتي ستساعدنا على المذاكرة وطريقة الاختبار وبعض المواضيع الداخلة فيه .
أما المحاضرين فلن أذكرهم لأنه لكل شخص طريقته وإللي يضن إنها صحيحة .
سلبيات الدورة التأهيلية :
تصرفات بعض الطلاب ( هداهم الله ) أثرت في إستيعابنا وفهمنا لشرح المحاضر ومنها :
- الحضور المتأخر عن موعد المحاضرة ( كل شوي واحد داخل السلام عليكم ) وكل شوي المحاضر وعليكم السلام ( يشرح شوي ويرد شوي ) بشكل متكرر حتى إننا في بعض المحاظرات نتجاوز ثلاثة أرباع الوقت وحنا على هذا الموال .
- بعض الطلاب يعتقد إنه في درجات على المناقشة ( ماأدري ليش ) وكل شوي ينط يجاوب على أي كلمة أو أي سؤال حتى لو كان المحاضر يقصد به الزيادة في الشرح وما هو موجهه للطلاب ( أزعجنا ) .
- بعض الطلاب يذاكر مقطع أوجزء من المحاضرة وأثناء شرح المحاظر يبدأ بطرح الاسئلة ( يعنني ) وبعد ما يتجاوز الشي اللي ذاكره تجده يخنس ولاينبس بكلمة ( كان من أول ) بعدين من الأصول إنه وقت المادة للشرح وآخر ربع ساعة للأسئلة ( ورينا شطارتك ) لكن يضيع الشرح والوقت بالشكل ذا لا ( حرام ) .
- وأذكر موقف حصل في أول محاضرة للغة الفرنسية عندما ذكر المحاضر إنه النطق ما هو معانا ماهو مطلوب ( ماأدري ليش ما نفهم ) وأتفاجئ ب 90% من الاسئلة عن النطق على طول المحاضرة ( إيش نقول ) .
- بعض الطلاب ما تحلاله السوالف غير والمحاظر يشرح وإلا تلقى واحد يشرح لزميله نقطة معينه ( يعنني ) والمحاظر يشرح ( ما هو وقته أزعجتنا ) .
- بعض الأسئلة من الطلاب أصنفها من نوعية الاسئلة الغبية إذا جاز لي التعبير ( بدون زعل ) ليش لأنه السؤال إنسئل ثلاث أو أربع مرات ومع ذلك الاخ يعيد يكرره ( نائم أو مشغول ) وبعض الاسئلة تزحف بنا بعيد عن الموضوع ( يعنني فاهم ) .
ليش هذه التصرفات ضايقتني ومجموعة من الزملاء لانها تقطع حبل أفكار المحاضر وتشتت إنتباهه وتسلسل نقاط الشرح حتى يستطيع يوصل الفكرة لنا وحتى نقدر نستوعب ونركز على الموضوع ( بعض الاخوة تناسى إن المنهج صعب والوقت جداً ضيق ) فلو سلمنا من هذه التصرفات السلبية لكانت الفائدة أفضل وأحسن ( ياريت ) .
أرجو عدم الزعل فكلي أمل أن نعرف أخطائنا وسلبياتنا حتى نستطيع أن نتفاداها في الدوره القادمة بأذن الله وتقبلوا إعتذاري وأطيب تحياتي .

[منتسـب]

اوك بعيدا عن السلبيات

ممكن تعطينا وش استفدتوا من كلام الدكاترة او على ايش ركزوا

او كيف طريقة الاسئلة لكل مادة

اتمنى ان اجد الجواب

وشكرا لك مقدما

[كابتشينو]

اهلييين aboatab ..

حقيقه كلامك واقعي 100 % ..
مع اني ما قد حضرت ولا دورة ولا استطيع ولكن عن جد هناك من يحووس الشغل كله وانت بحاجة لنصف الدقيقه لكسب معلومة او تلميحه عن الجاي في المادة .. وسع صدرك وانا اخوك وعسى ربك ما يضيع لك جهد وتعب حضور .. وابشرر بالخير .. ترى الفرنسي بالذات القسم كلهم متعاونين وخاصة مع طلاب الانتساب .. وبّاذن اله راح تعدي المادة .. بس والله كان لنا آمل لو ان الدورات التأهيليه تعرض للي بعيـد او تسجل لهم باي طريقة ..عن جد نحتاج لها بس الشكوى لله .. دايم ننتظر الشباب الي يحضرون وفيهم البركه والخير في نقل اللي صار جزاهم الله الف خير عنا ..






كابتشنيو

[خالد السبعي]

الله يوفقك
بالنسبه للدوره التاهيليه صراحه شي جيد وانا لم يسبق لي حضورها قبل الترم ذا
اللي اتمناه انكم تكونو يد وحده وتطالبو انها تكون بدايه الترم لان صراحه تفك تشفير الكتب
والزملا اللي ينقلو الدوره بيض الله وجيههم ووفقهم يكون الوقت عليهم ضيق عشان ينقلو اللي صار لانهم بيذاكرو
ولكن مجهوداتهم إن شاء الله في ميزان حسناتهم

ولكن اذكر اكبر موقف سلبي للطلاب لما كنا نحاول مع دكتور في انه يغير موعد المحاضره نقز طالب وقال تتعارض مع الماده الفلانيه وقلنا الوقت الثاني قام نفسه وقال تتعارض مع الماده الفلانيه
وفي النهايه سئلته انت منزل المواد ذي قال لا تجننت كان يصايح كذااا لقااااافه الله يسامحه

مانقول الا الله يوفقنا واياهم

[أبو سـالي]

كلامك صحيح والله الضغط يرتفع عندي وينزل اكثر من عشر مرات في المحاضرة الوحدة والي يقهرني من جد الي قاعد يتكلم مع الي بجنبه اثناء المحاضرة ويتبادلون الارقام طيب ياخي انت وياه بعد نهاية المحاضر دق حنك انت وزميلك الى ماشاء الله بس لا تذينا

ومشكور على الموضوع اخوي كفيت وفيت أتمنى أن يقرأه من أثأره

[نايف 26]

أرجو أن يتم تقديم موعد الدورة التأهيلية في بداية الترم لنتمكن من مذاكرة المواد وفهم محتواها أنا لم اعد أستطيع التركيز من كثرة المواد والمواضيع المتداخله ونحن في آخر الترم حسبي الله ونعم الوكيل.

[عبدالله بن عبدالرحمن]

هههههههههههههههههه
شباب مادرستو فى التشابتر الاول والثاني اثار الاسترس وانة لازم يكون عندكم ادابتشن
:)

>>>>>>>>>>>>> رايق الاخ

بس بجد اذا الله مبتليك بواحد مزعج فلازم تصبر لاخر المحاضرة عشان تجرب مستوي الادابتشن عندك ومدى الرفلكس عندك على الاسترس

[عبدالله بن عبدالرحمن]

بعدين تعال يبو عتب
دامك حضرت الدورة التأهيلية ولا عمرى شفت النك حق واثريك كل يوم تجي وتاخذ اللى تبية من المنتدي وتطلع ولا نويت تفيدنا باى شي ولا اى معلومة استفدها من الدورة التأهيلية
لية ماتبي تفيد زملائك نفسي مفسي يعنى وجاى تنتقد بعد ياخى بدال ماتنتقد تعال ووضح لنا مثلا وش قال الدكتور فى الرايتنق او الريدنق
سبحان الله والله ضغطى مرتفع من هالعالم
انقاد انقاد انقاد وبدون فايدة
فيد الناس بالاول بعدين تعال عطنا رأيك وتقييمك بالناس

[aboatab]

شكرا للجميع على المرور
الاخ عبدالله عبد الرحمن أنا أنتقدت إللي حضروا الدورة وكانت تصرفاتهم سلبية كما أسلفت
بعدين حلوههههههههه ( نفسي مفسي ) ( انقاد انقاد ) أضحك الله سنك
وبعدين تنصحنا بالاداتبشن وأنت أولى بها
وبعدين كان حضرت وريحت نفسك من الولولللله
وبعدين من أبسط حقوقي أدخل المنتدي وأشيل وأحط ما أخذت من جيبك وما في شروط للمنتدى على ذلك .
أشكر الجميع مرة أخرى ولكم تحياتي .

[خالد العجلان]

تبقى وجهت نظر اما مناقشة الدكتور وسؤاله فمن ابسط حقوقه ولن تنال العلم الا بلسان سؤول وقلب عقول كما قال ابن عباس تحياتى