انا قررت ارسب

[gta66]

السلام

ياعالم انا درجاتي مرررررة طايحة في الكيميا

13 في الدوري الاول
و19 في الثاني وياعاااالم في النهائي كم
والاحصاء 23 والثاني مو بعيد عنه
والاحياء 23 وبعدها 26

انا كنت حاط هندسة

لكن الكيميا بتنزلي المعدل مررة خصوصا ان بعض الكليات مشترطة نسبة عالية بالكيميا
فسؤالي هل اقدر احمل الكيميا معايا

واذا حملتها ماراح يأثر على فرصتي في الدخول للكليات او في معدلي ؟؟؟؟؟؟؟؟
ساعدوني الله يخليكم لاني منهاااااااااااار وافكر اسحب من الجامعة الي جابتلي الضغط والسكر

[Eng.SouL]

درجاتك مرة حلوة ^^"
شد حيلك في النهائي،، وبإذن الله عندك فرصه للتعويض في الترم الثاني
ولا تنسى الإنجليزي اللي تساعد شوي في رفع المعدل ..
وبالتوفيق ..

[gta66]

مشكووورحبيبي

لكن الى الان مااحد جاوبني

[Dr.lola]

اتعوذ من الشيطان
وترى درجات كويسة نوعا ما
انت شد حيلك في النهائي وان شاء الله تجيب درجات حلوة
وذكر نفسك دايما انو مهما عملت واجتهدت وجبت درحات حلوة في كل المواد وربي مو كاتب لك تدخل هندسة ما حتدخل
واذا ربي كاتبلك تدخل وحتى لو درجاتك مو حلوة حتدخل
اما فكرت انك ترسب نفسك وتاخذ صيفي شيلها من راسك
اصلا النجاح في الصيفي من 60مو من 100
وابدأ تذاكر من دحين واذا تحتاج خصوصي روح عند خصوصي

[lujain.alsagh]

انجح بالكيمياء <<افهمها يعني حتى لو جبت 60 اهم شي لاتحمل ولا ماده

لانك لو حملت ماده لاتفتكر انها راح تتحسبلك مثل مايتحسب للطالب الي نجح فيها من اول مرا

معدلك راح يصير يطلللع بشكل بطئ والنسبه الموزونه نفس الطريقه

فكرة انك تحمل شيلها من راسك لان لو حملت باول ترم مسيرتك بالجامعه كلها تعتمد عليها يصير حرف f موجود الى ان تتخرج مو مثل الثنوي تشيل الماده تاخد دور ثاني ويتحسبلك عادي لا دي فيها جدول جديد ودراسه من جديد والجدول الاول يكون موجود فيه حرف f ماراح يروح

لو انت مرا فاقد الامل فكر بانك تنجح فيها وبس لاتفكر قد ايش تجيب

ذاكر لدرجه انك ماتلوم نفسك باي علامه جبتها وان شاء الله تنجح

احس الهندسه مو زي الطب شي مو اي احد يحصل عليه

يعني معدلاته حلوه 3.5 وزي كدا


وفي مو فرصه وحده بس عندك في 3 كليات للهندسه بعبد العزيز يعني في ناس جايبه اقل من المطلوب وانا اعرفهم وماشاء الله دحين هندسه ..

وفي فرص تانيه انك تدرس ترم باي كليه والترم ايل بعده تحول هندسه ..



لو اجتهدت وانت حاطت براسك انو الله مستحييييييييييييل يضيع تعبك صدقني باذن الله راح تدخل هندسه لان الله بيقول اسعى ياعبدي وانا اسعى معاك

<< الواضح انك خطه ب احس التخصصات الطبيه تبدع ماشاء الله ب خطه ب <<وجهة نظر

وانت تبغا هندسه صدقني باذن الله خطه أ راح تبدع فيها
وماشاء الله درحاتك ب "ب" جيـده



بالتوفيق

[just emoo]

و ربي حالتنــا مرهـ صعبه =(
ع العموم خير ان شاء الله زي ما قالتلك البنت اللي فوقي و شدي حيلك في النهائي ..
و ربي يوفقــك و يكون فـ عونك =)

[فتى تثليث]

اكيد رح تاخذها صيفي حتى لو جبت معدل عالي .. ما رح تنقبل في الكليات الصحية او كلية الهندسة لانها رح تمتلي بالطلاب انت شد حيلك شيل من راسك هل الافكار وهرجة ان الكليات تشترط 80 في المواد كلااااااام يعني بالعامية (خرييط) انا جبت في الكيمياء 77 و شفني في كلية الطب بالشمال انت شد حيلك وان شاء الله يتحقق الي ببالك وان نشوفك في الكلية الي تتمناها وعذرا على الاطالة

[Ahmed Ibrahim]

ايش التحطيم دا اللي انت عايش فيه
ياخي خليك متفائل
انا اعرف واحد جاب 19 احصاء في الدوري الاول ومفكر في الطب
وشد حيله في الثاني وانا اتوقع انه يدخل طب
الاحصاء الدوري الثاني انت جايب 26 .. طيب اذا جبت درجة حلوة في الفاينل يمكن يحذفولك الدوري الاول
يعني عندك نسبة كبيرة انك تاخذ a .. هذا غير انو في تست بانك
الكيمياء صراحة كلنا نعاني منها
الاحياء جداً سهلة وبالراحة تجيب فوق الـ 85
عندك الآن اسبوعين قبل الاختبارات النهائية .. اذا شديت حيلك انا اضمن لك معدل أكثر من 4
لا تنسى الترم الثاني عندك مادتين ترفع المعدل غير الانجلش (مهارات+حاسب)

[Ahmed Ibrahim]

اها بالنسبة للحمل مرررة لا تفكر فيه
اللي ينجح من اول مرة مو زي اللي يحمل المادة
انت درجتك صحيح مو طيبة في الكيميا
بس في الفاينل يمديك تشد حيلك وتجيب درجة حلوة
الاحصاء درجتك حلوة جداً

[prof.sara]

الرسوب ياثر في المعدل بشكل بطاااااااااااااااال

وممكن السبب الي يخليك ما تاخذ مرتبه الشرف شوف انت ادخل الاختبار النهائي وربك يفرجها وان شاء الله تنجح في المادة اذا رسبت لا قدر الله يكون انت عملت الي عليك اذا نجحت يكون افضل لك وتفتك من الهم