يا حلوين و يا حلوات سؤال عبيط شوية ممكن؟؟

[jezabel]

ابغى اعرف لما ينزل الجدول (و جدولي لسى ما نزل و اليوم الثلاثاء و خايفة اتأخر على الدراسة) هل يحتاج اروح اوقع من استاذة المادة حتى اضمن انو لي مكان عندها؟ لاني انا درست نظام ساعات في الثانوية و كدا كنا نسوي و الى متى الحذف و الاضافة و يعطيكم العافية

[الهوى والنور]

نا زيك نفسي اعرف متى حولت من انتساب اللى انتظام والى اليوم مانزل التخصص ولا جدول لكن على الله كل شيء

[*ثابتة على قيمي*]

أنا كمان عندي سؤال أعبـط منكم :$

إذا أبغى أغير شعبتي إش أسوي .. لأنه الحذف و الإضافه مو موجودهـ ><" !

إش تخـصصكمْ ؟؟..
لأنه إللي إدارة أعمال نزلت لهم الجداول .. و أنا إقتصــاد لسى =( ..!
وَ هل تتوقعوا لو رحت أغــير التخصص يوافقو !!

[امـــ88اني]

ياقلبي عليكم يااهو
اللي ماتخصصت تروح تلحق نفسها وتخصص واللي مانزلها الجدول برضوا تروح من كليتها وتنزلوا يعطونها ورقه تعبيها وتنزل المواد اللي تبغاها حسب خطتها
ثابته على قيمي يمديك تغيري التخصص حتى لو تخصصتي دوبك روحي نفس كليتك واطلبي استمارة تغيير تخصص

[*ثابتة على قيمي*]

أماني قولك كذا ..
أجل بأقوم أتجهــز لأني مرررررهـ مهمووومه بســبب الجدول ..!

إن شاء الله ما أرجع بخفي حنين هذي المرهـ =") ..!

[الهوى والنور]

خوفتيني مره ممكن ينحسب لي غياب ولا كيف

[امـــ88اني]

الهوى والنور لا ماينحسبلك غياب لاتخافي لان هالاسبوع كولوا حذ واضافه بس انا صحبتي راحت نزلت جدولها من عندهم واختارت المواد امس لان مانزلها الجدول

ثابته على قيمي ترا يغيرولك التخصص لو تبغي بس على حسب معدلك

[نملة حامل]

لاتنتظروا جداول والله كل مرشده معاها الف ورقه تنزل مواد للبنات انا عن نفسي رحت ونزلت جدولي وانا واقفه لاني لو انتظرتهم ماراح ادرس

حبيبتي الهوى والنور انا محوله من انتساب لانتظام ونزل لي التخصص واضفت المواد الحمدلله لاتنتظري نزول الجدول روحي انتي ونزلي جدولك لان ماراح ينزل لك شئ الحققي نفسك لان في شعب لبعض المواد قاعده تقفل

[الهوى والنور]

بالله وش اسم مرشدتكي بسرعه

[نملة حامل]

اذا انتي ادارة اعمال روحي عند ندى بدوي زيي

واذا انتي غير ماادري مين مرشدتك ولازم تروحي تعملي جدولك كل البنات اللي حولوا لانتظام قاعدين ينزلوا جداولهم