محتاجه مساعدتكم يا أخوان ارجوكم بخصوص مقاييس بحث في رسالة الماجستير !!

[Nahoolah } ~]

بسم الله الرحمن الرحيم ..

السلام عليكم ورحمة الله و بركاته ..

كيفكم ان شاء الله بخير حبايب البي ؟

انا جايتكم و حابة انكم تساعدوني في هذا الموضوع ..

انا طالبة سنة تحضيرية

و عمي في الاردن بيحضر رسالة ماجستير فاتصل عليه و قالي انو يبغى مقاييس لبعض الاستبيانات كالآتي :

1 - مقياس اساليب التنشئة الاسرية من وجهة نظر الابناء , و يا ليت يكون مقنن على البيئة السعودية !

2 - مقياس آيزينك الصورة السعودية

و طبعا تكون كلها مع دليل التصحيح ..


انا وربي ماني فاهمه شيء من هالكلام وهو دق علي لانو محتاج مساعده و يبغى المعلومات من جامعة الملك عبد العزيز لانو حيسوي البحث و الاستبيان و خلاص ما باقي له الا هالترم و ياخذ الشهاده ..

و انا ماقدر اروح الجامعة و مادري ايش اسوي .. فقلت خليني اجي لقسم علم النفس و اكلم الحبايب و الطيبين اللي ما راح يخذلوني و راح يساعدوني ان شاء الله !!

فاتمنى من كل قلبي ماحد يتجاهل الموضوع لانو بجد عمي قاعد يشتغل بشكل رهيب و خلاص قرب يخلص ..

اي شيء ممكن يسآآآعد اتمنى توفروه ..

و اذا احد يقدر يكلم اي دكتور في الكلية تبع الجامعة اكوون ممتنة له و راح ادعي له في صلاتي في ظهر الغيب ان ربي يوفقه دنيا و آخره !!

ارجو من المشرفين ترك الموضوع في هذا المنتدى لاني ابي اي طالب او طالبه يجيب لي المقاييس من نفس كلية علم النفس .

اختكم .

[جمان السماء]

حبيبتي لازم تروحي للجامعه في المبنى الثامن

فيه معمل القياس النفسي

تقدري تستعيري منها المقاييس اللي تحتاجيها وتصورينها وبعدين ترجعينها


بالتوفيق

[Nahoolah } ~]

^

طيب يا اخت جمانه .. المعمل هذا وين الاقيه بالنسبة للطلاب موش للبنات ؟

[اوزلام]

انا بكرا او بعدو راح اروح الجامعه لانو ضروري عندي تسليم بحث حابه اسأل لك بالمعمل ماعندي مشكله ولو لقيتو تبغي اصوروا لك كمان ما عندي مشكله بس هو متى مطلوب عشان اخاف الاقي المعمل مقفل بس بحاول جاهده انو اسال لك مسؤوله المعمل .

[Nahoolah } ~]

اوزلام ..

الله يوفققققققققققققققققققققققققك دنيا و آخره قولي آمين

ياريييييييييييييييييت و الله وربي اكون ممتنة لك و راح ادعي لك ليل ونهار ..

متى ما قدرتي تجيبيه بس لو تعجلي يكون افضل و طبعا فضلا لا امرا حبيبتي ..

تصوري هو و ترسليه ..

< ما تدري وش تقول لك منحرجة مررررررررة :$

[Nahoolah } ~]

للرررررررررررفع

[اوزلام]

مرحبا عزيزتي اليوم رحت الجامعه وجبت لك المقاييس طبعا بصعوبه لانو اساسا مافي اعارات دحين بس الله يسعدها الموظفه تبع المعمل اعرفها ومره خدومه .. لقيت لك ايزنك مطبق عالبيئه الكويتيه وهوا يستدخم عالبيئه السعوديه يعني نفسو ما يفرق اما المقياس التاني مالقيتو بالضبط بس جبت احتياط مقياسيين مشابهه له وهما المعاملة الوالديه والاتجاهات الوالديه لتنشئة الاطفال ..كلها صورتها لك ودحين هيا معايا ..المطلوب يا ستي تحددي موقعك في المملكه عشان احطها لك باي مكان يكون قريب منك وبرضو قريب مني انا عموما بالصفا انتي وين ؟

[اوزلام]

للرفع :)

[مزون عابرة]

اوزلآم يعطيك العافية ما قصرتي

[اوزلام]

ولو الله يعافيك ما سويت حاجه احلى شعور لما تساعدي الناس لانو الا ما تمر علينا مواقف نحتاج فيها مساعدة الغير كلنا لبعض :) وبرضو للرفع