قسم التسويق للانتساب هل هو مضمون أتمنى تردون

[الناعسه]

السلام عليكم

أنا أبنتسب بجامعة تبوك وفاتحين قسم تسويق وسألت كثير قالو بآن التسويق يدخل تحت مسمى مندوبه مبيعات

هل هذا الكلام حقيقي يعني خمس سنوات أدرسها وبالاخير مندوبة مبيعات ؟


أتمنى للي عنده خلفيه عن هالقسم يقول وهل تنصحون أدخله ولا لا؟؟
لاني احترت فيه

والتوظيف كيف بيكون ؟ يعني أقدر أتوظف بالمستشفيات أووظائف إداريه ؟


والشهاده لها مستقبل ؟؟

وجزاكم الله خير

[منتسب طفشان]

على ذمة برفسور مصري في ادارة الاعمال(ان قسم التسويق مطلوب بجميع الشركات بشكل عام) وبانك بنت اتوقع ان مجالات عملك قد تكون محصره في انك تكوني استاذه بثانويه تجاريه او موظفه بنك او موظفه بشركة اتصالات كاموبيلي والاتصالات السعوديه خدمة العملاء قسم النسائي

[شموخ كبريآئي]

وآنآ من إلي سمعتو تقريبآإآ زيكـ مندوبة مبيعآت لآغير ,, وآلله آعلمـ..

[magno]

اكيد ان مندوبة مبيعات مش الوظيفة اللي المفروض تكوني فيها لكن هذا الموجود

[النديم]

أختي الفاضلة إذا الموضوع باقي في يدك إختاري تخصص غير التسويق ....

عشان أوضح مقصدي القسم هذا جدا قوي ورواتبة في الشركات الكبيرة كبيرة جدا جدا ...

لأن أي شركة ناجحة تكون مربوطة بمستوى التسويق فيها لكن مشكلة التخصص هذا للبنات مشكلة كبيرة لحد ما

الا وهي أن التسويق محتاج إجتماعات على مستوى كبير و العمل لوقت متأخر وسفريات مفاجأة وصعب التحكم

بمجريات التسويق وبالنسبة لنظرة المجتمع ما راح تساعد الفتاة في النجاح في هذا القسم ...

فالنصيحة إختاري قسم أخر يكون له نوافذ لوظائف تستطعين النجاح فيها ولا يكون أمامك عائق من المجتمع...

[abdullah_e]

المشاركة الأصلية كتبت بواسطة النديم أختي الفاضلة إذا الموضوع باقي في يدك إختاري تخصص غير التسويق .... عشان أوضح مقصدي القسم هذا جدا قوي ورواتبة في الشركات الكبيرة كبيرة جدا جدا ... لأن أي شركة ناجحة تكون مربوطة بمستوى التسويق فيها لكن مشكلة التخصص هذا للبنات مشكلة كبيرة لحد ما الا وهي أن التسويق محتاج إجتماعات على مستوى كبير و العمل لوقت متأخر وسفريات مفاجأة وصعب التحكم بمجريات التسويق وبالنسبة لنظرة المجتمع ما راح تساعد الفتاة في النجاح في هذا القسم ... فالنصيحة إختاري قسم أخر يكون له نوافذ لوظائف تستطعين النجاح فيها ولا يكون أمامك عائق من المجتمع...

ماهو بشرط انك اذا اخذتي تسويق انك تشتغلي مباشره مندوبه او(( انك محتاجه إجتماعات على مستوى كبير و العمل لوقت متأخر وسفريات مفاجأة وصعب التحكم ))لان ها الكلام على مستوى الادارة وليس التسويق

التخصص بعطيك فرصه اكبر من غيرك لان قسم التسويق من اكثر الاقسام المطلوبه في الشركات
وعندنا شركات كثيره جدا فيها اقسام نسائيه
انصحك تستخيري الله وتسألي اكثر وبالتوفيق

[سؤال واستفسار]

تبين الصراحه الان الشركات ومن ضمنها البنوك للاسف اصبحوا يتعاملون مع البنات كالسلع يعني بالعربي يخلون البنات يتصلون على الشباب للتسويق يعني على بلاطه مايحتاج لها شهاده بس تحتاج وحده صوتها حلو وماتستحي معليش على هالكلمه بس هذا اللي صاير... وبعدين من اللي بيتزوج وحده عملها بس اتصال على الرجال طول الوقت.

نصيحتي شوفي تخصص آخر افضل..

[ابونواف666]

السلام عليكم ورحمة الله وبركاته

شوفي يا أختي وش الاقسام الثانية اللي عندهم وأختاري القسم اللي يكون شامل يعني مو محصور في مجال معين

اما الكلام اللي يقول ان التسويق تتوظفي مندوبه مبيعات فالكلام هذا غير صحيح ويكفي ان الشهادة إدارة اعمال

وبالنسبة لكلام الاخوان اللي تطرقوا فيه لعمل المراءة وحسن صوتها ومدري أيش فأنصحهم انهم يرتقوا بنظرتهم شوي لأنه مو معقول ذا الكلام

وأولاً وأخيراً أستخيري الله سبحانه والله يوفقك ان شاء الله


ابو نواف