طلاب الانتساب يغرقون بجده في مواد اللغه الانجليزيه فلايوجد منقذ لهم ..!

[وااهج]

اتوجه بالدعوى ضد استاذه اللغه اللانجليزيه بجامعة الملك عبدالعزيز لطلبة الانتساب
لانهم يعاملونا معاملة طلاب الانتظام من ناحية وضع اسئلة الاختبارات وعدم مساعدتنا

فنحن طلاب الانتظام نختلف اختلاف كلي عن طلاب الانتظام نختلف العمر السني اغلب طلاب الانتساب تتراوح اعمارهم مابين عمر28 الى 45 سنه

فنحن ندرس انتساب ليس لغرض البحث عن وظيفه وانما نبحث عن ترقيه تحسين مستوى العملي للوظيفه ولانبحث عن النسبه او اومعدل نريد النجاح فقط

فأنا عن نفسي تقدمت لاختبار انجليزي 102 مرتين وحملتها بسبب صعوبة اسئلتها
ففي الاختبار الثاني وضعت مدرس لمدة شهر كامل في المدينه اللي اسكن فيها واعطاني جميع ماتحويه الماده وشعرت بالارتياح لانها اصبحت عندي سهله ولما اتيت الى جده لاجراء الاختبار وضعت مدرس انجليزي ثاني في جده وايضا عطاني مايكفيني عن الماده وفوجئت باختبار الانجليف زي 102 بصعوبته وكأني لم ادرسه نهائيا ومع ذلك شوشو علينا المراقبين ازعجونا عملو لنا ارق بعدما جلسنا لنحل الاسئله اصبحو يفرقون بيننا بالطاولات اشغلونا ليتركو بيننا مسافات وبعدين كل شوي قاعد واحد منهم يتكلم يعيد التوجيهات علينا .

وغير ذلك معي ناس من نفس المدينه اللي فيها يدرسون بجامعة المدينه اللي انا فيها محددين لهم ثلاث وحدات وقطعتين وحنا سبعة عشر وحده كأننا منتظمين .

ومع ذلك يفرقون بيننا بالطاولات فقط بمادة الانجليزي والمواد الثانيه العربيه اللتي نستطيع الغش فيها لانها لغتنا مايفرقونا بجنب بعض وماده الانجليزي يسعون لزعزتنا كانهم يحاربونا ولايوجد مساعدات لنا ابدا نهائيا وبعدين الانجليزي مو تخصصنا حنا مو داخلين الجامعه تخصص انجليزي حتى يشددون علينا ويصعبونه علينا وكثافة الوحدات وبعدين حنا عارفين اساسيات الانجليزي في المراحل الدارسيه السابقه لماذا يكررونه علينا مالفائده من وضعه ضمن مقرراتنا هل سنصبح معلمين انجليزي ؟
لا طبعا ولانستخدمها في حياتنا الخاصه نحن انتساب مو انتظام نبحث الشهاده لغرض ما ليس لندرس الماجستير او الدكتوراه

فالمفروض وضع مواد الانجليزي بتخصص اللغه الانجليزيه من خطتهم ولايلزمونا بها
وايضا وضع مادة الرياضيات بتخصص الرياضيات او التخصصات اللتي فيها معادلات حسابيه
فلماذا يعاملونا معاملة طلاب الانتظام.

فمن هنا اناشد المسئولين بجامعة الملك عبدالعزيز بجده :
1- ان يتم حذف مادتين اللغه الانجليزيه 101-102 من السنه التحضريه والزامها بتخصص اللغه الانجليزيه
2- حذف مادة الرياضيات من السنه التحضيريه والزامها بالتخصص اللي في مسائل حسابيه
3وضع اختبارات مناطق لنستطيع اختبار موادنا في مناطقنا ولسنا بحاجة الذهاب الي جده علما بان جده في حاله غير مستقره دائما مهدده بالغرق
4- تخفيض رسوم الدراسه علينا فندفع الغالي والنفيس لتحصيل الرسوم من غير المصاريف والمدرسين اللي نضعهم اثناء الامتحانات
5- جميع مواد الانتساب للطلاب وجوب التنسيق بها ويتم تحديد الفصول والوحدات وتقليصها ولانلزم باخذ المنهج كامل كما هو معمول به في الجامعات الاخرى بالسعوديه .
6- تقريب مواعيد الاختبارات فانا اجي يوم السبت الاول عشان اختبار ماده معينه وتاتي الماده الثانيه من يوم الاثنين من الاسبوع الثاني فطوال الفتره اجلس هذه المده لانتظار الاختبار واتحمل مصاريف الجور علما بارتفاع اسعار الايجارات .

هذا مااردت توضيحه وارجو ان يصل صوتي الى المسئولين واخذ ملاحظاتي بعين الاعتبار ماافضت به هو مانعانيه

ونسال الله السداد والتوفيق واستجابة دعائي بالعمل بما افضت

الرجاء ان لايتم حذف موضوعي وابقاءه لعل يصادفه فيض سحاب

[سلطان الـــشـــوق]

اضم صووووتي لك اخووي وااهج بقوووووه ماا عداا بعض النقاط .. تخفيف بعض المناااهج بدل حذف المااده للانجليزي ... ومدة الفتره بين اختبارات المواد كل ما طالت من صالح الطالب .. وبالتووفيق إن شاء الله

[وااهج]

سلطان الشوق

حياك اخوي.... وجهة نظر احترمها

ولكن اذا طالت المده مابين المواد على الاقل يومين مو اسبوع

ومادة اللغه الانجليزيه والله اشوف ان مالها داعي صايره لنا مثل لزقة عنزروت

شاكرين مرورك العطر

لك خالص تحياتي

[وااهج]

ارجو من الاخوه التقييم

[علي300]

صح لسانك أخوي وااهج ..

حملت الإنكليزي وجبت مدرس بس قدر الله وما شاء فعل ..

تدري وش المشكلة .. مدرس المادة ... لغته العربية صفر ...
وإن شاء الله نعدي هالمادة

[الجفالي ابولجين]

السلام عليكم
اسمعوا صوتك
وقفلوا الانتساب

[وااهج]

علي
مرورك اسعدني

وانت صادق علي مدرسين اللغه اللانجليزيه لغتهم العربيه صفر

والدليل واحد من اصحابي راح يبي يراجع ورقة الاختبار تبعه مافهمو عليه

يقول مايعرفون عربي وانا ميح بالانجليزي



ورجعت وهم مافهمو عليه هذا يدل على ان استاذة الانجليزي مستواهم اللغوي عالي ويحسبون طلاب السعوديه كلهم فلته بالانجليزي ... مايدرون انا يالله نعدي بالمواد العربيه ..


ان شاء الله يتغيرون ويحطون على الاقل ناس عرب تفهمنا وتفهم وضعنا



لك خالص تحياتي

[الفهد..]

موفقين ان شاء الله

[joony]

هم ليش حطو سنه تحضيريه ؟

عشن تجمع لكل المواااااااااااد وتأسسك صح

ولاتنسا انك انت ممكن تدخل كلية انت ماترغبها
وووووووو المفاضله تكون على حسب المعدلات ^^

انا مو مع كلامك

بالعكس السنة التحضيرية وموااادها حق للجميييييييع ... :)

[aseer alherman]

واهج مساك الله بالخير

أختلف معاك بكثير من النقاط ولكن تأكد من شيء إنك أنت من يعقد الأمور وأنت من يسهلها.. كلما وضعت عقبه أمامك عليك إن تزيلها بنفسك ولا تنتظر غيرك أن يزيلها..
السنه التحضيريه شيء مهم ولازم تكون خليط متكامل من جميع المواد ليتم تحديد إتجاهك.. فكلما كان معدلك أعلى أصبح أمامك الإختيار أسهل.. لذلك أخي العزيز إنت شد حيلك والله يسهل أمورك كلنا عانينا من نفس المشاكل ولكن إذا إستسلمنا فلن نستطيع إكمال المشوار. الرسوم وتدري ما راح تتغير ولكن حاول تجيب أوراق وتقدمها على الجامعه لعل وعسى يشيلونها عنك. المواد مستحيل إنهم يلغونها من السنه التحضيريه لأنها شيء أساسي وإلا لما سميت سنه تحضيريه.. الجدول أنا عانيت من نفس الشيء ولكن طول الأيام ما بينها عشان ما يكون فيها تعارض مع البقيه ولاتنسى إن فيه آلاف الطلاب بالجامعه لذلك لازم ينسقون بالمواد وأنا كان عندي مادتين بنفس اليوم وإختبرتها وعديتها ولله الحمد لأنه لا يحق لك الإعتراض إلا إذا كانت ثلاث أو مادتين بنفس الوقت.. تحديد المواضيع بالكتاب ترجع للدكتور وطريقته ولكن عليك بالإهتام بالدورات التأهيليه لأنها مهمه جدا وأكثر الدكاتره يحدد أجزاء ويحذف أخرى..

بالنهايه أتمنى لك التوفيق وكن متفائلاً وعليك بالبحث عن مكمن الخلل وأبحث عن طرق العلاج المثلى له.