بنات الـBio افيدوني عن الدكاتره الكويسين

[FoshYa]

السلام عليكم
إن شاء الله تكونو بخير

انا خلصت المستوى الثالث من الـ BiO
ودحين ابغى انزل المواد تبع المستوى الرابع بس مش عارفا ايش الدكاتره الكويسين

فيريت تفيدوني

مين دكتورة كيمياء حيوي لغير طلاب التخصص الكويسسه ؟
ودكتورة الوراثه الكويسسه ؟

وايش تنصحوني بماده حره ؟؟

وايش رمز الكيمياء الحيوي لغير طلاب التخصص

[bishoo]

انا اخدت بس وراثة .. مع لمياء طاحون ..
مررررررررررة من جنب الشرح ماتفهم ولا حاااجة ..
بس أسئلتها في الدوري الاول كانت سهلللة الدوري التاني نص ونص ^^

[FoshYa]

=s

يتسسلمي ياقلبي
وححاول ابعد عن شعبتها

والله يوفقنا اجمعييين

[عِشْقْ]

شوفي يالغلا

كيمياء حيوي اذا مع الدكتوره أمينه مدحت نزليها وانت مغمضه ترى مره سهله

بس اظن ما تدرس هالماده فـ مالك الا سوسن خوجه

رمزها Bioc 371

بالنسبه للوراثه انا اخذتها مع الدكتوره صالحه مشي حالك

وفيه بعد ندى التواتي يقولون كويسه

اما الماده الحره

انا اخذت فقه العبادات الماده حلوه بس اسئلتها مره دقيقه

وبالتوفيق

[وفاء جدة]

أمينة مدحت ماعاد هي فيه من الترم الماضي

[bishoo]

طيب سوسن خوجة كويسة ولا لا ؟

[good_girl1988]

السلام عليكم نصيحه مني لكي لوجه الله لو تبغي درجات
انصحك لمادة الكيمياء الحيوي دكتورة صفاء قصتي
اما مادة الوراثه دكتورة صالحه العقيلي الله يجزاهم الجنة وكل خير
وعموما المادتين دي احس بالنسبة للفهم تعتمد على انك انتي تشرحي لنفسك عشان تفهميها لانها شويه معقده وصعب في ساعه تفهميها من كل جوانبها فهمتي عليا؟؟
والله يوفقك ويوفقنا وياريت تدعي لنا معاكي باللتوفييق والنجاح وراحة البال

[FoshYa]

الف شكر ليكم افدتوني كتير والله
وان شاء الله كلنا يكونو دكاترتنا كويسين وننجح ونتخرج ياااارب

الله يوفقنا ويريح بالنا اجمعين

شكرا ليكم مرا تانيه

[FoshYa]

طيب انا بنزل كيميا حيوي ووراثه وابغى ماده معاهم
(حيوان - نبات - احياء دقيقه )

ايش الماده اللي تنفع معاهم

[عِشْقْ]

نبات او مايكرو

كلهم حلوين وسهلين