مارأيكم بمادة علوم سياسية كمادة حرة

[IS_girl]

السلام عليكم ورحمة الله وبركاته

بنات بليز كيف مادة مبادئ علوم سياسية ps101 كمادة حرة..هل يبغالها حفظ وجهد كبير
كيف تيجي الأسئلة؟ مقالي كلها ولا كيف؟

[وحشتني ايامك]

سهله الماده خذيها مع دكتوره زينب عبدالعظيم المذاكره من شرائح الباورمنزلتها في موقعها بس اطبعيها وماتحتاجي تشتري كتاب والاسئله صح وخطا واختاري والافضل كمان نزلي ملخص عذارى روووووعه استفدت منه كتير

[عمرٌ جديد]

طيب

اش ندرس في المادة يعني اش المواضيع

واش تكليفها؟؟

[وحشتني ايامك]

المنهج عن المفكرين السياسيين مثل افلاطون ابن خلدون مارسيلوبادو ميكافيللي واهم افكارهم والدوله ومكوناتهاوانواعها بسيطه اومركبه والنظام السياسي اشياء سهله وتافهه بس ركزي مع الدكتوره ولاتطنشي الماده لانهاتعتمدعلى اسلوب الدكتوره في المحاضره التكليف بحث عن مفكرسياسي من خارج المنهج طبعا تاخذي الدرجه كامله لانه بحث سهل

[صدى الصمت 2]

أنا سمعت من كذا وحدة انه اللي تعطيها دكتورتين د.خالدة ود.زينب
د.زينب ماتشرح تمام وأسئلتها سههلة زي ماقالت "وحشتني أيامك"
أما د.خالدة شرحها مررة حلو بس أسئلتها فيها لف شوية

واسألي كمان وتأكدي

[وحشتني ايامك]

زينب طيبه وتحذف لك يومين من الغياب بعذر اوبدون عذر بس خالده شديده وشرحهاتمام وتفهمك المنهج مزبوط صاحبتي تقول كذ خالده ماحبيتها انا درستهامع زينب وماده السياسه بوجه عام اسئلتها يبغالها تركيز وفهم اكثرمن الحفظ وفيها تحويرللكلام بس ذاكريها اول باول تضمني الفل مارك

[IS_girl]

شكرا على الرد...بس عارفة انا ابغى مادة سهلة..يعني ماااذاكرها الا ليلة الاختبار
اهم شي تكون الاسئلة مو من الشرح..اذا كانت من الكتاب او الملخصات فكدا اوكي ومو مهم مين تشرح كويس اذا كان بتيجي الاسئلة من الكتاب ومدام فيه مرجع

[Nk655]

الماده في الغالب تعتمد على الفهم اكيد الحفظ لو دور بس مو زي الفهم اتمنى اكون افدتك .. اعن نفسي كنت احضر كل المحاضرات وافهم وسرت ازاكر قبل الاختبار بيومين فقط للمراجعه و جبت في الماده 91 اتمنى اكون افدتك ..

[تكفيني ذكراك]

طيب كيف ماده النظام السياسي السعودي سهل ولا وعن ايش يتكلم وكيف الاستازه امل عرب كيف اسلوبها

[Nk655]

النظام السياسي السعودي من اسمها تتكلم عن الانظمه الداخليه في المملكه من مجلس شورى و مجلس الوزراء وطريقة الحكم . الخ... ما اقدر افيدك عن شطر الطالبات لاني طالب