بنات أسئلتكم عن مواد , أستاذات , أماكن تدريب ... إلخ

[][ حلا الكون ][]

المشاركة الأصلية كتبت بواسطة تونيا حلم عمري كثيرين مدحوها لكن...... لن أنسى تلك الفتاة وهي تبكي وتقول (سُلب حقي ) طالبت بحقها وكانت تبكي فكان الرد من د. عواطف (بلا مؤثرات ) اللهم هل بلغت اللهم فاشهد يا بنات انا اضطر اذكر مواقف ظلم لما أحد يسألني عن الاستاذات لأن الأهم الدرجات

ايوا والله .. انا مليون في الميه متاكده اني اخده فوق 95 بس اعطتني 84
والمصيبه صحبتي اخده اغلب الحل مني وانا مو داريه وجايبه 93 وانا 84
بجد شيء يقهرررر
حسبي الله ونعم الوكيييل فيها .. ان شاء الله رايحه اراجعها

[][ حلا الكون ][]

انا دا جدولي مالية شركات وموارد بشريه وبحوث عمليات وادارة اعمل دوليه
يالييييييييت الي اخدت اي ماده من دولا تقولي مين احسن استازه وكيف الماده حلوه ؟
وايش رايكم بجدولي ^^

[حلم عمري]

سلم عليكم

يعطيكم العافيه بنات

غريبه تونيا ماشفناها قالت اليوم بتروح الجامعه

الماستر إن شاء الله أنا بتأكد إذا كان أقصى حد للمتخرجه 21 ساعه ولا 24 لمن اروح

حلا الكون

ماليه عند سحر ونسمه أنا جربت سحر وارتحت معاها ورجعت اخذت معاها استثمار عشان خلاص عرفت اسلوبها وعندك نسمه كمان مره يمدحوها يعني كلهم تمام

موارد بشريه ريم مشاط اتوقع مره تمام بس احد يأكدلي الإسم
بحوث عمليات أمل تركستاني /إدارة أعمال دوليه خديجه ضباب


بالنسبه لحكومه الكترونيه استغربت بس عموما في رد ليا قلت اني اخذتها وفي نفس الرد قلت ابغى اخذها بس خايفه (للتصحيح أنا أخذتها بس الظاهر كنت مسكله وقت ماكتبت الرد اللي نفسي أخذها كنت أقصد على محاسبه حكوميه )


عموما في حكومه الكترونيه أنا اتوقع كمان رفعت درجتي شويه هوا بعض الأحيان يصير أخطاء يصحوو على نموذج أسئله مختلف والله أعلم


صح تذكرت الماستر اتوقع زي ماقالت تونيا لازم تعرفي أول مين بتعطيكي بحث وتدريب وتسأليها عن المكان وتشوفي توافق ولالا

ونستنى التقويم ينزل إن شاء الله مايأخروه :(

[تونيا]

أنا هنا ياحلم عمري


أبويه تعب ونقلناه طوارئ , وماراح اذكر التفاصيل عشان لا أخرج عن الموضوع


الأدهى والامر اني مسؤله عن بنات كثير , واتعطلت مشاغلهم بسببي ,, وأنا لي هناك موضوع في غاية الأهميه وحلم عمري عارفه انه مصيري يتعلق بيه ..


لكن بقول ردي الي رديته في الخاص


بكره انا رايحه ,, ولو بموت اموت هناك ,,


وبالنسبه لحلا الكون



والله حرقتي قلبي عليكي

عشان كده أنا أقول دايماً , لو في استاذه انظلم عندها لو حتى وحده ,, خلاص عليها x

لأنك يمكن بكره تكوني مكان هذي الوحده

والي ما انظلموا , أنا ما ألومهم ,, ماشافوا منها ضرر ,, وكمان قالوا كلمة حق ..


وأنا ماجربتها , والي قلته شي بعيوني شفته , وفي النهايه كلام غيري ,, موكلامي ,, وما اقول إلا الله اعلم


(يعلم خائنة الأعين وما تخفي الصدور )


وصحيح كل كلامك حلم عمري عن الأستاذات الي ذكرتيهم

اعتمدي يا حلا الكون وخليكي في شعبهم

بس أهم شي يكونوا هما الي يعطوا هذا الترم


واخيراً ,,


العفو عبير الوجدان , العفو روبي 18

[ورد ..]

المشاركة الأصلية كتبت بواسطة سحــوره الله يجزاكم كل خير بجد استفدت من موضوعكم انا كمان عندي بحث وتدريب دا الترم الله يعيننا ويسهل علينا في احد يعرف بناااات تسويق اتخرجو اقدر استفيد منهم

+1

........

[خوخه]

السلام عليكم
يارب يسهلكم وسهل عليا دا التيرم اللي المفروض ان شاء الله انه يكون تخرج اذا قبلو يعطوني 24 ساعه
عندي 2 مواد حره
و2مواد اختياريه
و3 مواد اساسيه
(ادارة مشاريع صغيره - ادارة اعمال في ثقافات متعدده - ادارة موارد بشريه e)
والبحث والتدريب
والغريب انه عندي في الخطه عدد الساعات الكامله 129
والساعات المكتسبه اللي عندي 104
مع 24
=128
من في جات دي الساعه الزايده
لمن قارنت الخطه مع المواد اللي ماخدتها لقيت انه عندي ماده بساعتين
وفي الخطه تغير مسماها لمهارات التفكير ب 3 ساعات
اش الحل هي السبب
ترى مره مضايقني الموضوع
نفسي اتخرج هذا التيرم

بصراحه جدا شوقتيني بأني اتعرف عليك تونيا
الله يسعدك وينورلك اللي في بالك
واسأل الله العظيم رب العرش العظيم بأن يشفي والدك
وطهور لا باس عليه ان شاء الله


(اللهم إني لا اسألك رد القضاء ولكن اسألك اللطف فيه )

[تونيا]

ياحبيبتي ياخوخه


شكراً على دعاءك

والله ونعم الاخت الي أتشرف بيها


ومكافأةً لك خذي البشاره


أنا وكلنا زيك


مطلوب مننا 128 ساعه بس

مع انه في خطتنا زي ماذكرتي 129

لأن 129 هذي تنطبق على الخطه الجديده


المهم بلا ما ادوشك بكثر الكلام


ما عليكي ولا نص ساعه


اعتمدي وفااااااااااااااااااااااالك طيب

[حنو123]

حابة أسأل عن المواد هذي:
مبادئ المحاسبة 1
لغة عربية 1
مبادئ الاقتصاد الجزئي
لغة انجليزية متقدمة1
احصاء الاعمال

ياليت تعطوني نبذة عن هذي المواد

ومين أحسن الاساتذة اللي يدرسوا هذي المواد

وكمان أنا ناوية أحول حاسب ايش تنصحوني أخذ مواد

غير الثقافة والعربي

تكون مشتركة بين الادارة والحاسب

وحبيت اسال لغة انجليزية متقدمة اسهل من التحضيري ولا أصعب

وشكرا مقدما

[تونيا]

يا بنات ياألطف الكائنات


دوووووووووووووبي جايه من الجامعه (الحمدلله ما مت )



وسألت على كل شي


أولاً الدوره ما راح تبدأ دحين , ولسه ماقرروا متى تبدأ , مشغولين بالحذف والاضاف للانتظام

وبعدها الامتحانات البديله

وبعدها السنترا

وبعدين يفكروا في دورة الانتساب


يعني عندهم ستين شغله وشغله وانتوا اخر شغله

والرسوم نفس الشي


وانتي يا(الماستر هدفي ) لو كنتي( تخرج) مسموح لك قد ما تبغي من ساعات

غير كده لا

[خوخه]

الله يسعدك ياتونيا ويديك الف عافيه
والله يرفع قدرك في الدنيا والاخره