بنااات بخصوص فيزياء عامه الي كانت مسار اداري تدخل ضرورري

[miss jojo]

السلام عليكم ورحمه الله وبركاته
كيفكم ياحلواااات؟؟؟بدخل في الموضوع دايركت <<مرره ماعندها وقت هع
بنااات اليوم حضرت كلاس فيزياء110 شعبتي aa طبعا الكلاس اغلبو سنه تحضيريه امكن 8 بنات الي زي حالتي انتظام ..
المهم الاستاذه سالت مين الطالبات الانتظام وسالتنا هل انتو مسار علمي ولا اداري قلنالها اداري قالت انتو ماتدرسو 110 في منهج ثاني لطالبات الانتظام مسار الاداري (يعني طالبات الانتظام مسار اداري لهم منهج مبسط وهذا اول ترم يطبقو الشي هذا) ..
طبعا قالتلنا روحو عند رئيسه قسم الفيزياء ورحنا وقالتلنا الكلام هذا انو منهجنا غير عن العلمي وخلتنا نسجل اسمنا ورقمنا الجامعي وموعد المحاضره وقالت بيفتحو شعب بحيث ماتتعارض مع الجدول وطلبت نراجعها الاحد ..البنات الي شعبتهم aa ومسار اداري يروحو مبنى العلوم عند رئيسه قسم الفيزيا ء تسجل اسمها لانو هيا طلبت نقولكم ..
بس انا حابه اسال في شعبه ثانيه للفيزياء هل الكلام دا ساير معاهم ولا بيدرسو فيزياء 110 ؟؟

[battota]

انا اعطوني فيزياء الترم اللي فات

وصح منهجنا مختصر اكتر منهم

[Alaa Al ghamdi]

^^
فين مختصر
اخذنا نفس منهجهم واختبرنا معاهم
بس تقلك الكلام جديد لهم منهج مختصر

عموما شي جيد وشدي حيلك
موفقين يارب

[Nice mimo]

سووري يابنات بس مافهمت
يعني انا كنت مسار اداري في التحضيري واتخصصت محاسبه يعني مسار علمي
هل يعني انو الفيزيا اللي المفروض ادرسه غير عن العلمي ولا كيف
سوووري

[Nice mimo]

وسؤال تاني معليش يا miss jojo تحكيلي ايش حكتلكم الاستاذه عن الفيزياء وايش الكتاب اللي اعطتكم هو وبليز اللي يعرف لا يبخل

[فتاة اقرأ]

الكلام اللي بتقوله الاخت صحيح

لان انا الاسبوع هذا كله ما اخذت فيزياء

وصحباتي راحوا سالوا رئيسة قسم الفيزياء في مبنى العلوم

وقالت لهم نفس كلامك وانهم يبلغونا ^__^

[همس البنفسجْ]

وهـ وناااسة يعني ان شاء الله كتاب اصغر من الفيزياء حق بنات العلمي

انا برضوا هذا الاسبوع ما اخذنا محاضرة ابد

انتم مع سناء اباظة ؟؟

[miss jojo]

battota لا ياعسل المنهج غير عن الترم الي فات سار خاص بالاداري يعني كتاب تاني اظن..
Nice mimo ياحلووه انتي مسار اداري في السنه التحضيريه ودحين تخصصتي محاسبه او اي قسم علمي في الاقتصاد والاداره ومطالبه انو تاخدي فيزياء ع حسب اختيارك لكن الفيزياء مو نفس منهج العلمي في السنه التحضيريه يعني فيزياء 110 احنا لينا نظام ثاني الين دحين ماقالوا شي بس قالو انو الكتب غير وكدا وراح تكوون مبسطه ان شاء الله ..ان شاء الله اكوون وصلتلك المعلومه
همس البنفسجْ يب مع سنااء اعطت محاضرتين يوم الاثنين واليوم وهيا الي قالتلنا ع الموضوع هذا..

[Nice Heart]

الله يبشرك بالخير ان شاء الله يبسطوه

انا مرا خايفة من الفيزياء

كيف حسيتي المنهج سهل ؟

لانو انا كمان ما اخذت ولا محاضرة

[miss jojo]

المشاركة الأصلية كتبت بواسطة nice heart الله يبشرك بالخير ان شاء الله يبسطوه انا مرا خايفة من الفيزياء كيف حسيتي المنهج سهل ؟ لانو انا كمان ما اخذت ولا محاضرة

والله المنهج حسيتو سهل يعني الصراحه الدكتورره شرحها مرررره حلو لكن اذا بيبسطو اكثر ماراح نقول لا
بالتوفيق للجميع ان شاء الله ..