ساعدوني في تسجيل اختبارات القياس لا يوجد سعه

[سوسو 10]

السلام عليكم ورحمة الله وبركاته
ساعدوني بالله عليكم الله يفرج همكم كل ما ادخل اسجل في اختبار القدرات يقولي لا يوجد في سعه وانا ابغا اسجل في جده في جامعة الملك عبد العزيز ولا كلية التربية وغير جده مرررررررررررررررررررررررره صعب ما اقدر اسجل في الاختبار والمشكله بكره اخر يوم كيف الحل بالله الي عنده حل يسعفني

[reeeemoooo]

إذا ماتبغي يفوتك الإختبار سوي زيي وسجلي في اي مكان غير جدة وبعدين سددي وارجعي على الإنترنت وشوفي إذا في إمكانية اعملي تعديل وراح يتأكد لك الإختبار في المكان اللي عدلتيه .. انا سويت زي كذا سجلت في جامعة ام القرى في مكة ولمن سددت عملت تعديل لأن لقيت فيه انتظار بكلية التربية بجدة وماصدقت وحولت الحمدلله ..

انتي جربي تختاري مـكـــــــة وحتى لو ماصار تعدلي على جـدة الله يعينك تروحي مكه ولا تشيلي هم تراها قريبه .. وصدقيني إذا لقيتي في مكة معناته مكتوب لك تختبري في مكة وأكيد فيها خير لكي .. وبالتوفيق

[عماد الحسن]

إجابة الأخت ممتازة ،، وهي الحل الوحيد مع مركز القياس الذي امتلآت بعض الشعب عندهم من أول يوم ، المفروض تسجلي بسرعة في أي مكان وبعدها تدخلي على حسابك لتعديل البيانات بشكل متكرر.

[طموحهـ ولكنـ]

هو فعلاً مافي سعة الشعب امتلت بعد يومين من فتح التسجيل . و عمادة الدراسات العليا ماقصرت وطلبت من المركز فتح شعب زيادة وماشالله فتحوا لنا في جامعة عفت . وماشالله امتلت في غضون يومين .

طيب سجلي بمكة . وبعدين حاولي التعديل لجدة . ومااعتقد ان تلاقي مكان . باستثناء اذا احد عمل تعدل ونقل لمكان ثاني خارج جده .

الله يعينك ,,

بالتوفيق ..

[سوسو 10]

اشكر
reeeemoooo
الاستاذ/عماد الحسن
طموحهـ ولكنـ
اشكركم جمعياً على المبادره في الرد ولكم منا دعوه صادقة على تفاعلكم
الحمد الله سجلت في مكه زي ما قلت اختي reeeemoooo وبعدين الحمد الله سويت تعديل وسجلت ولله الحمد في جامعة الملك عبد العزيز وكذلك اختبار الانجيليزي سجلت ولله الحمد في كلية التربية وهذا فضل الله علينا وبالتوفيق لكم جميعاً

[reeeemoooo]

المشاركة الأصلية كتبت بواسطة سوسو 10 اشكر reeeemoooo الاستاذ/عماد الحسن طموحهـ ولكنـ اشكركم جمعياً على المبادره في الرد ولكم منا دعوه صادقة على تفاعلكم الحمد الله سجلت في مكه زي ما قلت اختي reeeemoooo وبعدين الحمد الله سويت تعديل وسجلت ولله الحمد في جامعة الملك عبد العزيز وكذلك اختبار الانجيليزي سجلت ولله الحمد في كلية التربية وهذا فضل الله علينا وبالتوفيق لكم جميعاً

بالتوفيق أختي