تسميات المركبات

[المـآضية بأمر الله]

السلام عليكمـ ورحمة الله وبركـاته

أنــا تـــعبــــــــــــــــــــت مو قادره أفهم كيف أسمي المركبات الايونيه والتساهميه ومدري ايش دخلت مواضيع سحر البيان وبرضو مافهمت ذاكرتها 3 ايام ومافهمت شيء ومخلص يوسف زويل برضو مافهمت ياليت أحد فاهمها يشرحلي هيا بطريقه سهله

[lushi]

up

رديت للرررررفع ><


إن شششششششاء الله أحد يفيييييدك .. ! ~

موووفقه = )

[Majed7]

http://www.skaau.com/vb/showthread.php?t=280684&page=3

شوفيـ هالصفحه إذا ما فهمتيـ تكلميـ وأشرح لك هيا .!

[مضيعة في الجامعة]

ان شاء الله تستفيدي من الرابط اللي فوق
بالتوفيق خيتوو

[المـآضية بأمر الله]

مااجد مافهمت
كيف أعرف عدد الاكسده ليش المغنسيوم أكسده وحده مو اتين
وفيه شيء تاني
FeO >>>>> Iron (II) oxide

Fe2O3 >>>>> Iron (III) oxide
ليش حطت مرا 2 ومرا 3 الخطوط دي هيا صح تبع الاوكسين ؟
سؤال Ide ليش اضافها للاكسجين مااضفها لل Iron انا كيف اعرف

المركبات الجزيئيه خلاص فهمتها

[د. هدّولا]

شوفي ياستي ..

انتي دحين عنك نوعين من المركبات ..

IONIC , MOLECULAR

حلوو !

طيب نجي للأيونيك دي الحلوة تحتها بنتين حلوين
اللي هما لمن يكون للعنصر تكافؤ واحد
ولمن يكون للعنصر أكتر من تكافؤ

تمام كدا !!!
طيب لمن يكون تكافؤ واحد
زي كلوريد الصوديوم ..

الكلور والصوديوم الاتنين عندهم واحد تكافؤ بس

طيب كيف التسمية راح تكون
انتي شوفي كلوريد الصوديوم
تحت كل كلمة بالعربي اكتبي الانجليزي حقها فيصير
sodiom chloride
الشق السالب في اليمين والموجب في اليسار
سهلة مافيها شي

حلوو !

طيب نجي للي تكون عندها اكتر من تكافؤ
زي الايرون ( الحديد )
عندو +3 و +2
زي الميركوري ( الزئبق )
عندو +1 و +2
زي الكوبر ( النحاس )
عندو +1 و +2

^
تحصليها في الجدول الكبير داك

المهم دي راح تختلف في حاجة اللي هي ان تسميتها راح تكون بالأعداد الرومانية
مثلا لو كان عندنا كلوريد الحديد
اممم لو نبغى الحديد أبو +2
راح يكون الاسم
iron (11) chloride

اول شي الشق الموجب
بعدين العدد الروماني
بعدين الشق السالب

لو مثلا يبغى الحديد أبو 3
راح يكون
iron (111) chloride

وكدا تطبقي مع الباقي
اول شي موجب بعدين أيت تكافؤ بعدين الشق السالب

.....

طيب لو فرضا جابلك
شق مو عنصر زي
الامونيوم اللي هوا
NH4

وجابلك معاه الكلور

راح تعاملي الشق كأنو عنصر زيو زي أي شي
سواء الشق كان موجب أو سالب

طيب كيف التسمية تكون بالاول ولا التاني !!
راح تكون بالأول لأنه الامونيوم ماعنده الا تكافؤ واحد ...



....
دي بالنسبة للأيونية
لو شرحي كان كويس ويفهم قوليلي كملي

[د. هدّولا]

^
بالنسبة للواحدات ( 11 )
قصدي تكون كدا ( || )


يعني مو الرقم 11
لا الرقم اتنين بالروماني

[rano00nah]

أهلن . .

::



تسميهـ الــ . .
transition ls ( انتقآليهـ )


fe


من العنــآصر الانتقآليهـ ( يعني لهآ أكثر من تكآفؤ واحد )

عندو +2 & +3

و نعرف انو تكآفؤ الــ O أكسجين = 2-

:

لمن يكون المركب زي كذآ

fe2o2
<<< نقسمـ ع 2 . . ( زي مــآ درسنــآ ×_× ) . .

نسير

FeO بس احنآ عآرفين انو الـ fe كآن باثنين التكآفؤ . .

عند التسميهـ

( الأعدآد بالطريقه الألمآنيهـ )

Iron (II) oxide

و الاثنين هاذي للـ fe مو للأكسجين ^.^

:

و الثآنيه نفس الحكآيهـ . .

::

و في مثآل ثاني في الكتآب . . عن الــ
Mn
لهـ 3 تكآفؤآت ( 2+ & 3+ & 4+ ) . .

و نفس الحكآيهـ بنسميهـ بالأعدآد الألمآنيه =$

: :


ان شا الله وضحت . .

و التسميهـ للمركبآت التسآهمهـ تكون بالأعدآد الاغريقيهـ ( اليونآنيه) اللي هيآ في جدول 2.4

بالتوفيق . .

[د. هدّولا]

ليش حطت مرا 2 ومرا 3 الخطوط دي هيا صح تبع الاوكسين ؟

الخطوط دي تبع الحديد
مو الحديد عندو أكتر من تكافؤ
طيب نحن لمن كنا بالعربي نسمي
كنا نقول الحديدوز او الحديديك
هما ماعندهم كدا
فيحطوها على أنها رقم عرفتي !!

سؤال Ide ليش اضافها للاكسجين مااضفها لل Iron انا كيف اعرف

ال ide ماتنضاف الا للشق السالب بس
واذا كان عنصر بس يعني اكسجين فلور كلور بروم وطقتهم
لكن لمن يكون شقوق مثلا فوسفات كبرتات وطقتهم ماتحطي ide

[المـآضية بأمر الله]

يب
يب
مرررررررررررا كووويس وربي فمهت منك بسرررررعه ربي يســـــــعدك
طيب اشرحلي المركبات الجزئيه أنا فهمتها شويه <<معليش بتعبك