وش رايكم انسحب من الجامعة وارجع اسجل من جديد رأيكم يهمني ابي مشورتكم أرجوكم

[غلا قلبي]

انا الحين بالمستوى السابع تخصصي ادارة اعمال دولية

تجاوزت 72 ساعه والمتبقي لي 57 ساعة ومعدلي 2,25

وربي ضاقت نفسي من هالمعدل فكرت انسحب وارجع اسجل من جديد وش رايكم

بالأول كانت عندي ظروووف حدتني والله اروح الإمتحان من غير ما اذاكر

والحين صارلي سنة احاول ارفع المعدل يرتفع بنسبة بسيطة وما اتوقع اقدر ارفعه لمستوى يشرف

وش رايكم بالإنسحاب

وعندي سؤال يمكن انه غبي بس انا مره سمعت وحده تقول انها انسحبت من جامعة الملك سعود وطلعت برنت بالدرجات وسجلت بجامعة ثانية نفس التخصص بس ماعملوا لها معادلة لكل المواد أخذوا بس المواد اللي درجاتها جيد جدا وفوق

هل اذا انسحبت من جامعتنا الموقرة بيكون في شيء زي كذا معادلة مواد والى آخره والا اعيد كلوا من أول وجديد ؟؟

[عزوز الطيوب]

روحي جامعه ثانية لان رقم هويتك بيجلس مختزن عندهم

[حبي لذاتي قمة أولوياتي ~]

أولا ً تخصصك مطلوب وبكثرة
ثانياً الدخول للجامعة صار بقدرات وبمتسويات أنقليزي واخبتارات لتحديد التحصيلي
ثالثاً حكاية البرنت صحيحة بس على حسب الجامعات فيه ناس تقبل وتعادل وفيه ناس لأ فشنو يضمنك ان مواد تتعادل

وفكري فيها كثير خلصي وقدمي دبلوم تربوي ودبلوم كمبيوتر والله ترفعي من مستواك كثير

ابداً ماكان المعدل العالي له نسبة في الوظيفة بشكل كبير فيه ناس تعتمد على الاداء والإنجاز

استخيري نصحية مني لكي

تقدري تزودي مادتين او مادة حشان تساعدك في رفع المعدل انا كذا سويت والحمد لله حافظت عليه وبشكل قوي

[ابو خلــود]

إذا انتي بتنسحبين ثم بتسجلين مره ثانية بنفس الحماس اقولك اووووكيه اما معك

اما تقولي بانسحب وباقعد في البيت لا لا لا ما انصحك

اما بالنسبة للمعادلة ، هذي اول مره اسمعها منك ( بس انا اعرف واحد كان في جامعة الملك سعود سحب ملفه من الجامعة ثم الترم الثاني سجل من جديد في نفس الجامعة ولا عادلوله ولا مادة

[غلا قلبي]

المشاركة الأصلية كتبت بواسطة عزوز الطيوب روحي جامعه ثانية لان رقم هويتك بيجلس مختزن عندهم

فيه ادارة اعمال بجامعة ثانية غير جامعتنا ؟؟

[غلا قلبي]

المشاركة الأصلية كتبت بواسطة حبي لذاتي قمة أولوياتي ~ أولا ً تخصصك مطلوب وبكثرة ثانياً الدخول للجامعة صار بقدرات وبمتسويات أنقليزي واخبتارات لتحديد التحصيلي ثالثاً حكاية البرنت صحيحة بس على حسب الجامعات فيه ناس تقبل وتعادل وفيه ناس لأ فشنو يضمنك ان مواد تتعادل وفكري فيها كثير خلصي وقدمي دبلوم تربوي ودبلوم كمبيوتر والله ترفعي من مستواك كثير ابداً ماكان المعدل العالي له نسبة في الوظيفة بشكل كبير فيه ناس تعتمد على الاداء والإنجاز استخيري نصحية مني لكي تقدري تزودي مادتين او مادة حشان تساعدك في رفع المعدل انا كذا سويت والحمد لله حافظت عليه وبشكل قوي

حبيبتي انا أنتساب وتوي اشوف شروطهم ومافيه لا تحصيلي ولا غيره ماغير معدل الثانوية

وانا من خريجات 1424/1425
والسنة اللي راحت كانوا طالبين الشهادة 1420/1421 ومابعدها

عشان كذا فكرت بالإنسحاب الحين وتحسين المعدل

بس كيف اقدر ازود مادتين ؟؟؟

قصدك اقدر اخذ ساعات زيادة ع الساعات المطلوبة للتخرج ؟؟

[غلا قلبي]

المشاركة الأصلية كتبت بواسطة ابو خلــود إذا انتي بتنسحبين ثم بتسجلين مره ثانية بنفس الحماس اقولك اووووكيه اما معك اما تقولي بانسحب وباقعد في البيت لا لا لا ما انصحك اما بالنسبة للمعادلة ، هذي اول مره اسمعها منك ( بس انا اعرف واحد كان في جامعة الملك سعود سحب ملفه من الجامعة ثم الترم الثاني سجل من جديد في نفس الجامعة ولا عادلوله ولا مادة

هلا اخوي ابو خلوود

والله انا اللي فكرت فيه انسحب وارجع اسجل وعندي حماس كبيييير وبقوة خصوصا اني صرت خبرة في المواد والأستاذات وطريقتهم غير نماذج الأسئلة

يعني مو زي قبل ندخل واحنا ماندري وش السالفه

بس انا اللي ابيه يحمسني اكثر انهم يسوون لي معادلة مواد للي درجاتها حلوه عشان اخلص بسرعه

وحتى لو مايسوون معادلة اانا كل اللي ابيه يرتفع المعدل

لأنوا كل ما تقدمت بالمستويات والمواد صعب المعدل يرتفع بسرعه ويوصل للي يرضيك

[توووتو]

حبيبتي نصيحة لا تنسحبين انا اعرف ناس انسحبوا ومارجعوهم لان معدلاتهم مررة نازلة
كملي والي اللة كاتبة بيصير
موفقة

[ابو خلــود]

هلابك غلى قلبي

اجل انا اايدك وبقوه على انك تنسحبين وتعودي تسجلين مره ثانيه , بس لاااااازم اول سنه يكون معدل فوووق 4.5 ولا قسم بالله لأفقع وجهك لو ما طل معدل حلووووو

بس انتبهي قبل ما تنسحبين استفسري عن التقديم مره ثانية من الجامعة ’ بانه يقبلونك او لا لأنك انسحبتي


والله يوفقك دنيا وأخره

[غلا قلبي]

المشاركة الأصلية كتبت بواسطة توووتو حبيبتي نصيحة لا تنسحبين انا اعرف ناس انسحبوا ومارجعوهم لان معدلاتهم مررة نازلة كملي والي اللة كاتبة بيصير موفقة

والله قلقتيني بهالخصوص

ارسلت معاملة استفسر وان شاءالله الاقي رد يبرد القلب

شكرا ع المرور يالغلا