انطباعاتكم عن اختبار ستيب اليوم

[مدام ميشيل]

المشاركة الأصلية كتبت بواسطة proxy السلام عليكم . الإختبار كان أقرب الى السهل , الألفاظ سهلة ومفهومة , القرامر بعد كانت سهلة . بس الريدنق كان مررررة طويييييل وفيه قطعة طويييييلة الى الأن مدري عن أيش كانت تتكلم . جزء الإستماع حلو بس كان سريع شوي والمايك عندنا في القاعة كان يشوش . كمان سالفة الجدول هذا مدري وش حكايته . عموما هو ما بين سهل إلى سهل ممتنع . كل الي نحتاجه إننا ندرب أكثر على القراءة والإستماع , وندرب نفسنا على الحل السريع , لأن الوقت مررة ضيق . والله يوفقنا كلنا ونجتاز , ما أبغى أدخل مرة ثالثة << يجيني توتر إذا ذكرت شكل الأسئلة .

انا معاااااك في كل اللي قلتيه وازيد عليك في نقطه واحده بس اللي هي البرررررررررررررررد

كان شي مو طبيعي

[شتاء يختزن الرعود]

المشاركة الأصلية كتبت بواسطة MesSsk شتااااااااء ياليتك تعطينا اسماء الكتب بالتفصيل +اسم المؤلف كامل + ايش المهارات اللي تنميها هالكتب ولو فيه له كتب الكترونية ..تعطينا روابطها <<معليش عارفه اسئلتي كثير بس عاد مالنا غيرك .. واحنا عاملين زي الغريق اللي يتعلق بقشه

كتب سليمان سليم مزيد Foundation 1 و Foundation 2 كتب جدا ممتازه تنمي جميع المهارات تجمع بين الاستماع والقراء والقرامر ,,

المؤلف عنده كتب كثيره باللغة الانجليزيه وكل كتاب موضح عليه المهاره اللي يطورها ,,

والكتب اللي حضرت انا منها هي

Foundation 1 intrgrated Skills,Low Intermediate, First Edition.

Foundation 1 intrgrated Skills, High Begining, First Edition.

هذي الكتابين لتطوير جميع المهارات ( استماع , قرامر ,قراءة , مفردات ) مستوى متقدم وابتدائي كتبت لك حتى رقم الطبعه.. مزوده بسي دي بس انا ماحصلت اسطوانات معاها ,,

يمكن تحصليها عند طلاب الجامعه المستويات الاولى ,,

بغيت احط لك رابط او صورة بس للاسف مالقيت شي يخص هالكتابين والموقع محذوف ,,

وعلى فكرة مو مترجمة ولافيها حرف عربي بس استعنت بدكشنري واتبعت الطريقه الموضحه في الكتب عشان تطوير مهاره معينه واستخدمتها استخدام جدي وعملت لي قاموس خاص فيني بالكلمات الجديده اللي تمر علي ,,

حسيت عقلي توسعت مداركه باللغه مع هالكتابين وخاصة بجزء القراءة ..

وابدا يالغلا اسألي مابدا لك ماراح تتعلمي بدون ماتسألي ..

,,

المشاركة الأصلية كتبت بواسطة حبي لذاتي قمة أولوياتي ~ لأنك جربتي مرتين وهذي ثالث مرة ترى تفرق كثثثثير من أول مرة ل3 مرة صح ! وعلى سالفة التعهد مافيه قسم !! وبصراحة أبغى افيد الكل فليه ما أعلم الاسئلة كيف تكون على الأقل الطريقة أو الصيغة ياترى وصلتي بسرعة على البوابة والمبنى ؟؟؟

,,

اي نعم يالغاليه تفرق عدد المرات وكثرة التكرار يؤدي إلى الاتقان بس برضو التحضير للاختبار بجديه واختيار المرجع المناسب له أكبر دور ,,

الحمد لله كنت اعمل سكان للقطعه بالاختبار وعلى طول افهم حول ايش تدور مع ان مفرداتي مو ذاك الزود بس طورت مهارتي بالقراءة ..

وايوه يالغاليه أنا بأعلم عن طريقة الاسئله واجزاءها بس محتواها بصراحة افكر بالامانه كنت ما ابغى اوقع بس مرت المراقبه وقالت وقعي الاقرار كنت ناويه اعلم وافيد غيري ..

ورغم هذا مافي شي بيمنعني افهم واشرح طريقة الاسئلة وطريقة الاجابة..

واحب اقول للجميع لو تدربتوا صح لا عاد يهمكم شي بس افهموا الاختبار عشان تعرفوا كيف تحضروا له وعلى ايش تركزوا ..

وابشرك دخلت دغري على البوابه مثل الزبده المتزحلقه وكنت اتذكر كلامك يسار ويسار الين دخت هههه شكرا لكل من ساعدني ..

وسواء جبت الدرجه او ماجبت أنا راضيه عن حالي لأني متطمنه ومتأكده اني ماقصرت في حق نفسي وهذا أهم شي ..

وكل شي بيد الله واحنا مانعمل الا بالاسباب ..

آسفه لو تأخرت توي واصله من السفر ..

..

[عماد الحسن]

ماشاء الله عليكم ،، إن شاء الله كلكم تنجحوا بامتياز في الاختبار،
موفقين إن شاء الله وجزاكم الله خيراَ لهذه المشاركات في المنتدى.