ابغى نصيحتكم

[مملكة البنات]

السلام عليكم ورحمة الله وبركاته

كيفكم ان شاء الله تمام

انا لمن كنت صغيرة ولين دحين نفسي اصير دكتورة وامنية حياتي كمان
بس المشكلة انو اللي يبغى يتخصص في مجال الطب مايكون حامل ولافي اي مادة
وانا حاملة مادة وان شاء الله يكون اول واخر مادة اللي راح احملو
ولمن فتح التسكين احترت ايش اختار وانا ابغى الطب
وسالت كذا وحدة يقولوا نفس الكلام انو التخصصات الطبية تتقفل من بدري
لسبب الاقبال المتزايد عليها وخاصة من البنات
في نفس الوقت راضية اللي كاتبو ربنا وفي نفس الوقت ما اعرف ايش اختار من التخصصات
وانا من جد ابغى مجالات طبية
وفي النهاية ابغى نصيحتكم

[aboood__2]

والله سمعت ان العلم الطبيه التطبيقيه .. مستمره الى ما بعد الصيفي ..

لكن تذكري لن يصيبكم لا ما كتب الله لكم ..

[Dr.selly]

اممممم
والله مدري وش اقولك خيتو

بس مررره لا تيأسي

دامك تبي تخصص من التخصصات الطبيه تقدري تعيدي سنه بس اعتقد صعبه عليك

او احتمال ترم مو سنه تاكدي من الموضوع لو حابه

بس انتي في اي ماده حامله ؟؟

[•°بسمہَ خ ـجل°•]

شوفي ياقلبي اول شي استخيري وشاوري اللي تثقي فيهم
ثانيا بما انك حامله ماده وتبغي الصحه فعندك خيار انك تدخلي كلية العلوم وتجيبي معدل عآلي وتحولي ع الصحه
بس تحويلك مايكون مضمون لانو حسب الاماكن الشاغره << اتأكدي اكتر من دا الموضوع

وعندك حل ثاني وهوا زي ماقال اخونا Dr.selly
انك تسحبي ملفك من الجامعه نهاائي وترجعي تعيدي السنه من جديد كطالبه جديده
وبرضو هذا بيعتمد على نسبة قبولك الموزونه اللي دخلتي بيها الجامعه اذا كانت عاليه ففي امل اما لوكانت تحت ال85 فيه امل بس ضعيف لانو ممكن الدفعه الجيه من طالبات ثالث ثنوي يكونوا دوافير ويعبوا المقاعد بنسب عاليه
وارجع واقول
اول شي استخيري
كمان يمكن انتي ميولك ماتكون في الطب او الصحه تكون في شي تاني
في تخصصات كثير في الجامعه لها مستقبل ومستوى اعلى من الصحه
لازم تحضري برنامج التسكين يوم 24 / 4 في قاعة الملك فيصل للمؤتمرات وتشوفي كل التخصصات
الله يختارلك اللي فيه الخير يآرب

[مملكة البنات]

حاملة في مادة الكيمياء

[مملكة البنات]

اول شئ
اشكر aboood ,dr.selly,بسمة >>>>>>>>على ردودكم
ثاني شئ
كل ما ابغى ادور على قسم غير الطب ما احصل
كلية العلوم ما احبها وما احب الرياضيات ولا الفيزياء
وكل ما اقول اذا ربنا ماكتبلي كلية الطب راح ادخل تخصص ادارة بعدين اتراجع
احس نفسي ضايعة

[Dr.selly]

كلام بسمه خجل كفى ووفى خيتو

[مملكة البنات]

واذا ربنا ما اراد ابغى تخصص لها مستقبل ما ابغى اتندم عليه اذا درستها

[miss you]

حاس بك خيتو مع اني الحمد لله نجوت من الرسوب باعجوبة

بس فاقد الامل لان الاقبل زايد عليها وانا معدلي مدري كيف شكله هههههههه

شوفي اذا انتي تبين طب عيدي السنة خيتو

[ووجدداان]

نصيحتي حررام تعيدي سنه علي مااده خذي صيفي الصيفي اسهل بكثيرر مونفس المنهج الي ناخذو اقل وربي يوفقك لكن اذا رجعتي عيدتي السنه والله نفسيااااا تعب ويمكن تحسين خلاص بتعب وياس احنا نحس كذا ولسه اول سنه اصلا مانصدق ننتهي كيف نرجع نعيد اذا مره نفسك طب ادخلي علوم وحولي اذا جبتي نسبه ان شاء الله وواسطه منا ولا منا تجيك ياررب اما اذا انتي مستعده نفسيا تعيدي السنه وعادي الوضع ان شاء الله بنسبالك عيدي <<اهم شي النفسيه لانها تاثر
تشكررات