يعني مالنا تخصصات لها ولا انا اللي ماعرف ؟؟

[N O R E T A]

حبيبتي شوفي شي يناسب ميولك :)

كليه الاداره والاقتصاد علييها طلب بالهبببل .. يعني حطي احتمال انو ممكن لا سمح الله ما يقبلوكي

وصارو يحددو معدلات عااليه عشان كثره الطلب عليها

افتحي موقع الجامعه وشوفي كل كليه ايش فيها مواد اجلسي اقرأي نبذه عن التخصصات

احسك ما فكرتي تقري عن كليه الآداب او الاقتصاد المنزلي ههههه

شوفي يا حلوه الآداب عندك التاريخ والجغرافيا <<طبعا معروفه زمان انها اقسام الفاشلين خخ

بس دحين لا ،، صار عندهم مسارات وحركات

زي التاريخ فيلو مسار سياحه

والجغرافيا اعتقد ٣ او ٤ مسارات

إقرآي عنهم
...

وعنك الاقتصاد المنزلي

فيه دراسات طفوله / اداره سكن ومؤسسات

وعندك كليه الاعلام .. قسم صحافه


...

ادعيلي يا قمر رديت عليكي وانا عندي اختبــار بكرا ^^ وان شاء الله اكون افدتك

[..عـ أنثى ـذوبة..]

شدي حيلك اذا ودك بقانووووووووون ياعسل ,,

حطي ببالك 4 ونص وانتي طالعه ولا ع ادارة عامة ع طول او كلية اداب

[ياسمين..]

عذبة الاطباع.. سمعت عن دا التخصص كتيير وانه مطلوب بس انا ماشوفت اني اميل له ابدا...تسلمي الله يوفقكــ

نوريتا..تسلمي اللــــــــــــــــــــه يوفقك يارب ويسهلك انا شوفت التخصصات التانية بس احسها مالها مستقبل وفكرت بتصميم داخلي بس طلع <<للعلمي...وانا الحمدلله معدلي ان شالله يدخلني اي قسم ابغاه..

عذوبة انثى..كيف انتي مرتاحه بقسمك مدري احس اذا مارح ادخل قانون راح افكر بأدارة عامه..
بس معدلي يدخلني ان شالله بس اخاف تكون دراسته صعبة واتورط..


الله يوفقكم ويسهلكم يااارب تسلمووووووووا..

[..عـ أنثى ـذوبة..]

ياقلبي .. انتي خشي ع الخطة وشووفيهاااا .. تناسب ميووولك ولا لا ..

احنا ناخد كم مادتين من قسم المحاسبة والقانون ومادة من قسم السياسة ..

وكل قسم فيه السهل والصعب ..

للاسف انا احب قسمي عشان كدا اخاف امدحلك اياه وما يعجبك ..

وع فكرة استاذات القسم كثير منهم كويسات ع تجربتي لمده ترمين ..

عموما كليتنا عليها الطلب .. وميووووووولك هو المهم حطي عندوو عشرة خطوووط

نصيحة مني ..والله يوفقك

[ياسمين..]

كان نفســـــــــــــــــــــــــــــــــــــــــــــــ ــــــــــــــــــــــــــــــــــــي ادارة خدمات صحية ومستشفيات

بس مرررة انقهرت بعد ما قالوا ماينفع وماعاد سرت اعرف ايش ادخل...

[ياسمين..]

مررررررررررررررررره ضايعه وعندي اكتئـــــــــــــــــــــــــــــــاااب

[جامعية طفشانة]

لا تيأسي في كليات كثير تخصصاتها حلوه
وزي ماقالو البنات أدخلي أقرأيها في الموقع
واهم حاجه تكوني انتي فعلا حابته لأنو لو دخلتي قسم بس كذا راح تتعـــــــــــــــــــــــــبي

..
وأنـآ عن نفسي قسمي / درآسـآت طفولة
وبالتوفيق يـآرب :)

[ياسمين..]

الله يوفقك يارب
وانا كدا لسة اقرى واستفسسسسر وياكتر اسئلتي..

[N O R E T A]

يا عسل ما يهم اللي له مستقبل وبس

الاهم انه يناسبك ويريحك وتخلصي منو بمعدل عالي

فيه كثير راحو ورا المستقبل واتدحدر معدلهم دحدره

وبعضهم من ٠٧و ٠٦و٠٥ الين دحين ما خلصو .. لانهم دخلو تخصص له مستقبل

بس هما ما كانو حاسبين حساب انهم يقدرو يكملو فيه ولا لا بعد سنتين او ثلاثه سنين

ما قدرو يكملو وحولو للتخصصات اللي كانو يتريقو عليها

انا اتكلملك من واقع تجربه .. جلست سنه ونص في تخصص بعدها غيرتو والله يكتبلي الخير ان شاء الله :)

انا ما اقولك كذا عشان ازعلك .. بس ابغاكي تفكري بالحاضر كمان مو بالمستقبل بس

[ياسمين..]

بالعكس يا قمرابداااا مازعلت كلامك صوووح الصوووح لاني مريت بنفس دي التجربه في الثانوي ضيعت سنة بين العلمي والادبي عشان كدا اسأل كتيير خايفه اتورط تاني ..

طيب انتي ايش تخصصك وكيف تخصصك مطلوب ولا؟؟
اعطيني فكرة عن كليتك ؟؟؟؟

خاااااااااااااااااااااااااااااااااااايفة؟؟؟؟