إذا حبيت حط حدود..أناحبيت دون حدود وشوف اللي تكبدته

[tota7]

ثلاث سنين وانا اخطط لهذا اليوم يابوسعود
تيسر حالي وجاهز أوفي وعدي بوقته
وفجأه جتني تتعذر تقول تأخرت الوعوود !!
وانا مستغرب واسمع كنه وعدها خنته ؟!
حسبت انها تمازحني وتتصنع جفا وصدود
ضحكت بوجهها من قلب معنها بايخه النكته

وقـــــالت
ارضى بالواقع قلبي ماهو المعهود
تغير كل شئ صوبك نصيبي ما اظن انته
كنت بيوم محبوبي ولكن ما اظن نعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترى ما خنتك بغفله ولا كلمته وشفته
صراحه اهلي قالو لي بإنه ولد اصل وجود
وجتني امه بالصوره وكلمات المدح اخته
سكت وقلت هي فرصه ما دام الجود فالموجود
وقالوا كل من حولي علامات الرضا سكته
وانا فكرت دام امه واخته ما عليهم زود
اكيد اني براضيهم اذا وافقت واخترته
واراضى اهلي واخواني مدام انه الفرح مقصود
عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود
اوافق وعتذر باجر واقول الراي غيرته

تبي تشرحلي المنقووود تصدق عاد يابو سعود
تبيني اقتنع وارضى بحالٍ عمري ما عشته
انا ماني بقايلها عسى يفرش ثراها ورود
بعد ما حطمت قلبي وطعم الموت جربته
عسى بفستانها اشواك وفي ثوبه عقارب سوود
ونارٍ تحرق الكوشه وتحرق بيتهم حتى
وموت بليله الدخله يبرد حرتي ياكود
ولا احس انها بحضنه يلامس خد لامسته
علي اهون اذا ماتوا ولا بنفس السرير ارقوود
ترى صعب علي اتخيل اللي ما تخيلته
عسى قاع الثرى يقسى ويتحول صخر جمرود
وحفار القبر يرفض يسوى فوق مقدرته
ترى دفنت عديم الذات تلوع حتى جبد الدود
ومن خان العهود ومات تعاف حتى مقبرته
عسى ربي يجازيهم بحبل من مسد ممدود
يعلقهم من اطرافه وفوقه نار وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردت فعل والله ابشري بردود
بدعي دامني حي وبغرس لدعا نبته
وبسقيها نزيف القلب ودمع ما رحم الخدود
وتكبر والثمر ثاري من اللي خانني وصنته
انا نذر علي اكتب وافجر هالقصيد ارعوود
وسمع كل بشر صوتي عجبته ولا زعلته
واردد للي يسمعني اذا حبيت حط حدود
انا حبيت دون حدود وشوف الللي تكبدته
ثلاث سنين انا ابني .. وجت صوره بكل برود
خذت مني شقى عمري وحلمٍ قلت حققته !!
ثلاث سنين انااخطط لهذا اليوم يابو سعود
وتوافق من كلام اخته وصوره اربعه بسته
مما راق لي ..

[سنفورة موت]

يالله لاتبلاناا بهيك موقف يسلموو خيتو راقت لك والله بعد راقت لي ربي يسعدك*_*

[نوونووالحلووه]

يسلموووووووو ياقمررر

[قمر جهينه]

لااااااااااا ياويلي الله يبعد عنا الحقد

حلوووه بس مررره أليمه

تقبلي مروري

[tota7]

المشاركة الأصلية كتبت بواسطة سنفورة موت يالله لاتبلاناا بهيك موقف يسلموو خيتو راقت لك والله بعد راقت لي ربي يسعدك*_*

وإياك ياعسل
اسعدني مرورك العطر

[tota7]

المشاركة الأصلية كتبت بواسطة نوونووالحلووه يسلموووووووو ياقمررر

ربي يسلمك ياعسسل
نورتي الموضوع

[tota7]

المشاركة الأصلية كتبت بواسطة قمر جهينه لااااااااااا ياويلي الله يبعد عنا الحقد حلوووه بس مررره أليمه تقبلي مروري

اميييييييين يارب
بس والله من حرته :)
حلاتها بألمها
اسعدني مرورك الرائع
منوره

[مشعل العجمي]

كنت بكتب رد
شفت ابوسعود بطلت غيريه

بعد متزوج إن شاء الله ناوي اسمي ولدي سعود

[قلبي أماراتي]

قصيدة جداً رائعه صراحه محد يلومه اذا ذاق معنى الحب .. الله يصبر قلبه على مابتلاه بهالادميه (عديمة الاحساس) شكرا لج على القصيدة عيبتني وايد وصح لسان قايلها

[tota7]

المشاركة الأصلية كتبت بواسطة مشعل العجمي كنت بكتب رد شفت ابوسعود بطلت غيريه بعد متزوج إن شاء الله ناوي اسمي ولدي سعود

ياهلا وغلا بخوي الروح
مو مصدقه عيوني "أبو سعود" شخصيا يقرا حروفي
انت تدري انك من اهم الاشخاص اللي يهمني اسمع رايهم
ههههه ولعيونك اغيره
امممم يصير ابو العنود هههه شرايك بس؟
عشان لاخرب القافيه :)
دخولك هالقسم بحد ذاته مفاجأه اسعدتني بشكل ماتتخيله
نورت الموضوع بطلتك
وبنتظر ردك
دمت بكل خير :)