شائعه ام اكيد بخصوص الاحيااء ارجوو الدخول

[روان الشريف]

السلام عليكم

يا جماعه سمعت خبر اليوم وودي احد يعطيني المعلومة الاكيدة يقال بين طالبات الجامعه ان الاحياء بداية السنه الجديدة راح يصير الكتاب كامل من غير تست بانك وفيه اون لاين احد يقدر يأكد لي المعلومة ما عليكم امر

[طالبه حايصه]

ما ادري والله بس احنا سمعنا هالكلام بداية الترم الثاني وماصااار شيييي

[THE HILL]

يب حتى انا سمعت


بس محد عنده الخبر اليقين


اذا قسم الاحياء نفسه يعطوك كلام اليوم بعد ثواني يتغير

[hadeel a]

السلام عليكم
مستحيل تعرفي عن قسم الاحياء شي قبل فترة و تكوني متأكدة منو ..
و انا كمان سمعت ده الخبر بس مو الكتاب بس السلايدات و الاون لاين بونس..

[Majed7]

اتوقع راح يلغوا التيست بانك في الأحياء .. والبونس الـ 10 درجات في الماث .:)

[بنت الضحى]

قسم الأحياء أكثر قسم صدع رؤوس طالبات التحضيري
قبل الاختبار تلاقي قدامك 3 أو 4 تست بانكـات ولا تكتشفي اللي داخل في الاختبار إلا قبله بأسبوع أو أقل(في الدوري الأول)
وداااييما يطلع عندهم أخطاء في التصحيح ويتعبوكم على ما تتعدل
وآخر قسم يطلع الدرجات

أما بالنسبة لكلامكـ >>بدري
احنا في الترم الثاني قالولنا إنو تست بانك + العروض حق الدروس وفي أون لاين بونص لكن محد ذكر الكتاب

[No_0ne]

يب يب يقووووووووووووووووووووولو و ركزي على كلمه يقولو ...
انهم يبو يخلو الكتاب هو مرجع الطلاب و الطالبات الاساسيحيث انهم اعتمدو على التيست بانك بشكل كبير و هذا لا يحقق الاهداف المرجوه من وضع المنهج <<< يمديكم بس على الفصحى :)
بس كل دا يتسدح تحت بند >>> يقوووولوووو <<< تراه مصدر غير موثوق

[ُزمرد]

ما اعرف اهم شيء اني نفدت ب جلدي

الله يسهلكم يارب :)

وان شاء الله تكون إشاعات لا اكثر "

[UNIQUE ....]

أنا طالب دفعة 2010 والدفعة الي كانت قبلنا 2009 كانوا بيذاكروا من الكتاب في الفصل الأول فكانت درجات الطلاب جداً مأساوية ... بعدين عشان يتلافون هذي النقطة وضع التست بانك بس للأسف أنو ماصار أحد بيهتم في المادة ... بس والله العواقت شفناها بأنفسنا لان الاساسيات دخلنا الكليات الطبية وأحنا مانا عارفينها ...
على العموم أحنا سمعنا زي هذا الكلام ... وانوه راح يخلوا الطلاب في دفعتكم يذاكرو من الكتاب ...
بس ماصار ..
لانه مافيه أحد يقدر يذاكر من الكتاب .. حتى أحنا طلاب الكليات الطبية مذاكرتنا من الشيتات .. والكتب تعتبر مراجع ... بس ياليت ينظر في مادة الأحياء لانها مادة جدا مهة ... خاصة لطلاب الكليات الطبية ...
وبالتوفيق للجميع

[دلوعة الملك عبدالعزيز]

حتى انا سمعت من الدكتوره الي كانت تدرسني
والله يستر عليهم