بخصوص المكافأه.....

[الفراشه الخجولهmn]

اليوم بروح اودي اوراقي الدي اتش ال بس ايش اخذ معي من الاوراق ؟؟؟؟

وشكرا

[enou]

ياحبيبتي تاخدي 5 اوراق معاكي
1-الخطاب برقم الحساب مختوم من البنك اذا كان حسابك انتي واذا كان حساب احد تاني تاخدي مستند يوضح فيها صله القرابه
2-صوره من الهويه
3-التعهد
4-البيانات الشخصيه
5-ورقه الدي اتش ال
ال3 الاوراق الاخيره اللي هي التعهد والبيانات وورقه الدي اتش ال تلاقيها في الموقع اللي سجلتي منه
فأول الصفحه تلاقي اضغط هنا لطباعه التعهد واستماره الطلب اطبعيها يصيرو 5 اوراق دبسيهم مع بعض ووديها للدي اتش ال طبعا تسلميها لهم مجانا والادمي اللي بياخد الاوراق منك بيشوفهم لك اذا كاملين تمام ولا ناقصين
بس خدي ال5 الاوراق اللي قلتلك عليهم كدا كله تمام ان شاء الله لانو انا عملت كدا ووديتهم الربوع وقاللي تمام
وبس ياستي هو دا
واستني

[الفراشه الخجولهmn]

الف شكر ع الرد الله يسعدك دنيا واخره ويارب يبارك لك في المكافأه.....

شرحك واضح بس صوره من الهويه يعني صوره من كرت العائله ؟؟؟

وانا لمن سجلت بياناتي ماطلعت لي الاصفحه واحده لمن اطبعها تطلع اربع اوراق؟؟؟؟

اسفه تعبتك معي ياعسل

[enou]

العفو حبيبتي ويبارك للجميع ان شاء الله
مافيها تعب ولا شي عادي لازم كلنا نساعد بعض ونفيد بعض
صوره من الهويه اللي هي بطاقه الاحوال حقتك اذا عندك واذا ماعندك بطاقه احوال تاخدي كرت العائله مومشكله
زي ماقلتلك لمن تسجلي بياناتك فأول الصفحه في اضغط هنا لطباعه التعهد واستماره الطلب اطبعيها وحتطلعلك 3 اوراق اول ورقه بياناتك والتانيه التعهد طبعا بعد ماتطبعيها تكتبي اسمك عليها ورقمك الجامعي وتوقعي والورقه التالته ورقه الارساليه حقت الدي اتش ال
كدا تمام صارت فيدك 3 اوراق الورقتين الباقيه اللي هي صوره الهويه زي ماقولتلك فوق والورقه التانيه ياقلبي اذا عندك حساب خاص فيكي تروحي للبنك وتاخدي خطاب برقم حسابك ويكون مختوم من البنك
اما اذا الحساب مو تبعك يعني ممكن حساب مامتك او بابتك اختك اخوكي خليهم يروحو البنك ويجيبو مستند يوضح فيها صله القرابه
خلاص كله تمام ال5 اوراق وديها الدي اتش ال ممكن كمان تحطي صوره من كرت العائله اذا ماكان الحساب تبعك وممكن لاء براحتك بس الافضل تحطيها واذا ماحتاجوها بيقولولك
وسلامتك حبيبتي تستني

[فينا]

أنا حطيت الحساب باسم أخوي وأرسلت خطاب من البنك باسمه ومختوم لكن ماأرسلت صورة من هويته اللي هو المستند اللي يثبت صلة القرابة هل الخطاب يكفي مكتوب فيه اسمه
والله أخاف ماتوصلي المكافأة يعني ماراح يبان انه أخوية اللي يعرف الله يخليكم يفيدني

[طهر الطفولة]

والله يافينا ماعندي فكرة
لكن إن شاء الله توصل ياررررب
و ربي يفرج همك و توصلك إن شاء الله
خلي إيمانك بالله كبير و بدون حد و إن شاء الله تآآصلك لحدك