بطاقة تعريفية عن الـ leader و الـ coleader

[do0ody-do]

ي مرحبا و مسهلا ..

اسفرت و أنورت وأستهلت وأمطرت .. نورتنا ومن قوة نوركم قطعوا عننا الكهرباء ..

اليوم راح أشرحلكم بابسط الكلمات مين هما وكيف شغلهم و .. الخ " الليدر و الكوليدر"

الليدر+ الكوليدر عبارة عن " شخص طريف ظريف طويل البال ذو حضور و شخصية قوية عنده قدرة ع التعامل مع جميع انواع المخلوقات الحية و ترتيب الوقت "

الليدر بعبارة ابسط عريييييييييييييييييييييييف الكلاس .. هو الشخص الي راح تكون عنده ارقام الدكاترة الي راح يزبط الجدول معاهم الي راح يستشير الكلاس في مواعيد الاختبارات ممكن يكون فله و يشطح زياده زيي طبعا للبنات الكلام الجاي " و ينظم رحلات للشطر و يحدد موعد في الاسبوع تطلبو فيه من مطعم و ساعات اتهور و اجيب اللاب توب و افلام ونتفرج >> ما شوفتوا شي اوك ..

اشياء لازم يراعيها الشخص الي يبا يكون ليدر :
1- انتا ابدددددددددا منتا فوق كلاسك .. بالعكس انتا بتخدمهم .. فيعني لا تسوي ابو العز و ابضاي و انا الاسد و انتوا القطيع ..

2- عممممممممممممممر العرب " الكلاس" ما راح يتفقوا ع شي محدد خصوووووووصا جداول الاختبارات .. و دايما بناخد بصوت الاغلب و الاقرب للعقل و المنطق ..

3- انتا راح تكون ع اتصال دايم بالدكاترة فاختار الاوقات الصح في الاتصال او و انتا بتاخد رقم الدكتور اسال متا تحب اتصال عليك ؟ .. كدا باسلوب كيوت .. مو " دكتور من متا لمتا ادق ؟! >> فيييييين نحنا في زقاق الحارة ي ابو ..

4- اذا كان في قسم اولاد " التغذية و التمريض ما فيها و دا احححححححلى شي " .. راح تكونوا مضطريين كل ما سويتوا شي للاختبارات تدقوا ع الليدر تبعهم .. و ي ليل ما اطولك ع معاهدات الصلح ..

5- ارقام الدكاترة ابددددددا لا تتسرب و لا انتا ليدر مبزوط " يعني ليدر مهمل "

6- اذا احد حب يساعدك غير الكوليدر لا تطير فوق و ما تسمعله انتا اذنك لازم تنزل حتا لدبيب النمل .. عني انا احساس انثى و الكوليدر هما الي زبطوا جدول الدراسه لاخر اسبوع و انا كنت بس بدق ع الدكاترة .. و نتفق ع الموعد ..

7- اذا صار شي ممكن من قبل الكلاس زي مثلا نصهم ما حضروا محاضره اضافية في وقت البريك راح تاخد ع راسك كلمة زي " فين الباقي انتا ما بلغتهم طيب ناديهم و الخ .. بس عاااااااااااااااااااااااادي take it easy ya 3zezi .. انا قيد اتقفلت في وجهي سماعات و اكلت تهزيء عشان اتاخرنا ع محاضرة .. كنا نحسب انها في الكلاس ..

8- دايما كونوا حنينين و مو لو دكتور زعل و انتا معاك الحق تمدولي البوز شبرين .. عادي انتوا اعتذروا .. و زبطوا الوضع بابتسامه في الوش كل ما قابلتوه .. و بعض الدكاترة روسهم ناشفه يعني بالمختصر المفيد " لااااااا تتقاوح معاه او لا تستمر في تبيين انه هو الغلط " ..

9- الكلاس راح يكون كبير في بعض الاقسام .. فحرام الليدر يرسل رسايل ل45 شخص بان المحاضرة اتغيرت او الدوام يبدا الساعه و ساعات تكون طويلة الرسايل و الفاتورة كولها ع راسه .. الله لا يهينكم فاكرين التقسيم الشجري .. عليكم به .. فيصير عندكم .. ليدر .. كوليدر .. و مجموعة وقدرها 6 اشخاص سب كوليدر

10- ايوا ع المحاضرات لازم يكون عندكم .. قروب غير الليدر و الكوليدر مثلا اربع اشخاص دولا خاصيين لاخد المحاضرات الي برا الكلاس بدل الزحمه الي تصير في الكلاس الاخر .. و تنحط ع الدسك توب تبع كلاسكم ..

و قروب خاص للمكتبه عشان طباعة المحاضرات لان بعض الدكاترة راح يدوكم هي جاهز .. نحنا عملنا فكرة بداية السنة اخدنا من كل بنت 10 ريال .. و استعملناها للمكتبه فبعد ما خلصت جمعنا تاني و هكذا .. بس ما احد ياكل منها لانها امااانه و تكون خاصه للكلاس كامل ..

كمان كدا يكون في شخصين .. خاصيين بالايميل و رسايله .. و متفرغين له .. يعني في دكتور راح يقلكم راح ارسله في الايميل .. ف ع طول تدوه ايميل الشخص دا .. " لاااااااااااااازم كدا بعد ما تستقروا باسبوع يجيبوا ورقمه كل واحد يكتب فيها اسمه - ارقامه البيت الجوال الخ - و الايميل " .. و تنطبع بعدد الكلاس ..

11- لازم كل صباح كدا تشغلوا الكمبيوتر تنزلوا شاشه العرض تشغلوا الداتاشو .. طيب في عله في شي ما .. بسورعه كدا تكونوا لهلوبين " يعني خفيفين الحركه " .. و تفتشوا عن كلاس تاني و تسالوا الشوون او تبلغوا الدكاترة ان الكلاس اتغير .. و دايما انتبهوا من الفيروساااااات ..

12- ياااااااااااااااااااااااارب تكونوا قد المسؤلية .. ^^ .. و ع فكرة مرا بسيط شغل الليدر بس عشان الهرج كتير تحسوه كدا ملغوص و مدري كيف ..

عقبال ما نشوف الليدرات الجدد ي رب ..

تحياتي .. ..

[Qotaiba HBK]

شكراً ع التوضيح .. موضوع راح يفيد المهتمين بـ هالشيء ..

وعن نفسي ما أبغى < - كأنهم فكروا فيك ههههـ ..

[مظلومة التحضيري]

مرة شكرا على الموضوع الزيز والله أستمعت في القراءة

[THE HILL]

ابغى اصير ليدر ^______________^




شكرا ياا عسسل من زمان كان نفسي افهم شغلتهم

[بسمة تشرين]

شغلتهم متعبة الله يعينهم
شكرا على التوضيح حتى نحن كمان نعرف ايش شغلتهم وايش في يدهم وايش واجب عليهم
يعني يالي فوقي مافي رحمة هههههه

[سمسم2010]

الله يعينهم شغلتهم مرهـ صعبه

مشكوره دودي

[مشمشانا]

دودي ياااااااااااااا سكرتي ماااااااااااااااااااااااااااااره شكرا ع الموضوع اللزيز زيك يا صبحتي
نورتي الكلية ^^

طبعا دودي شرحت لكم دور الليدر وهوا دور ماااااااااااااااااااره مهم و الليدر ماااره مااااره بتتعب
لازم الكل الكل يساعدها و يشيل معاها مو معناتو انها الليدؤ يعني مسؤولة عن كل كبيرة و صغيرة
و انتو تاخدو كل شيء بارد مبرد لا طبعا لازم تتعاونو معاها لا تنسو انها طالبة زيها زيكم
ربي اعطانا ليدر ماااااااااااااااااره عسل و بجد بجد احسن ليدر مرة تعبت وكل وحدة بالكلاس
حاولت تساعد بشيء الشغل لازم يتقسم على الكل و اتروكو لليدر حكاية الدكاترة
لازم تكونو يد وحدة عشان تكونو دفعة حلوة قلوبها على بعض و تساعد بعض

[do0ody-do]

المشاركة الأصلية كتبت بواسطة بسمة تشرين شغلتهم متعبة الله يعينهم شكرا على التوضيح حتى نحن كمان نعرف ايش شغلتهم وايش في يدهم وايش واجب عليهم يعني يالي فوقي مافي رحمة هههههه

[do0ody-do]

المشاركة الأصلية كتبت بواسطة مشمشانا دودي ياااااااااااااا سكرتي ماااااااااااااااااااااااااااااره شكرا ع الموضوع اللزيز زيك يا صبحتي نورتي الكلية ^^ طبعا دودي شرحت لكم دور الليدر وهوا دور ماااااااااااااااااااره مهم و الليدر ماااره مااااره بتتعب لازم الكل الكل يساعدها و يشيل معاها مو معناتو انها الليدؤ يعني مسؤولة عن كل كبيرة و صغيرة و انتو تاخدو كل شيء بارد مبرد لا طبعا لازم تتعاونو معاها لا تنسو انها طالبة زيها زيكم ربي اعطانا ليدر ماااااااااااااااااره عسل و بجد بجد احسن ليدر مرة تعبت وكل وحدة بالكلاس حاولت تساعد بشيء الشغل لازم يتقسم على الكل و اتروكو لليدر حكاية الدكاترة لازم تكونو يد وحدة عشان تكونو دفعة حلوة قلوبها على بعض و تساعد بعض

و انا وين رحت ؟! .. يوم الاتنين راح اشوفك .. وافتحها كاراتيه عليك

[ابتسامة الزهر]

صح كمان الليدر لازم يكون لها اتصال بليدر الأولاد
يعني تعرف كيف تتعامل مع الجنس الآخر صح
ويكون قلبها جامد ^^
هل تتغير كل سنة ؟؟؟ولا وحدة طول السنين ؟؟؟