سؤااااااااااال مهم بليييييييز ردوو عليا

[NoOona ..]

السلام عليكم ورحمة الله وبركاته


دحين تقديمي بكرا بجامعة طيبة وجامعة الملك عبدالعزيز
انا راح اروح بكرة جامعة طيبة وادا قبلوني الحمدلله
ادا ماقبلوني عمتي بجدة ينفع تديهم صورة طبق الاصل للشهادة وعلى ما انزل أوديتهم الاصل
ولا ماااااينفع


بلييييز ياليت ألاقي إجابة أكيدة وشاااافية



ودي واحترامي

[دافئ الإحساس]

اللي اعرفو لازم تكوني انتي موجوده

وانتي الاصل والمتطلبات وكلو

بالتوفيق

[khalid altaif]

لا ماينفع اختي

استخيري وتوكلي على الله واختاري الانسب لكي

[ɑ я ἱ ɛ ɩ ♥]

الانسب لكي جامعة الملك عبد العزيز
جامعة طيبه مايمدحوها ابدا
الله يوفقك للخير وين ماكان

[عبدالرح ـمن]

التقديم في أي جامعة لابد من حضور شخصي للطالب إلا إذا كان هناك عذر ويتم تقديمه إلى ادارة القبول والتسجيل وتتم دراسته عبر لجنة
..
الآن الساعة 1 و 7 دقايق صباحا يوم الأحد
اذا قصدك على بكرا يوم الإثنين
فيمديك تجين جدة وتقدمين
اما اذا قصدك على اليوم الأحد فإذا كان فيه امكانية حجز وكذا فيكون مناسب
علما انو فيه شيء مهم، انو اذا كان مثلا موعدك الساعة 11 وجيتيهم الساعة 8 صباحا
رح تخلصي موضوعك عادي
المهم انك تجي في نفس اليوم اللي فيه موعدك
^^ هذا كلو بخصوص انو اذا تقدري تجي على جة او لا
..
بانسبة للدراسة في الملك عبدالعزيز
اظن الجامعة هنا كلياتها اكثر وتخصصاتها اكثر كمان
وفرصة الطالب او الطالبة يلتحقو فيها
استخيري الله قبل شيء
واذا كانت ظروفك هنا في جدة حتكون كويسة من ناحية السكن والمواصلات وكذا
وشيء انتي رح ترتاحي له
فهو فرصة حلوة
لكن اذا ظروفك ما تسمح وحسيتي انك ممكن تخفقي لأي سبب من الأسباب
فقدمي في جامعة طيبة .. برضو جامعة طيبة جامعة كويسة ومتميزة في المجالات البحثية والقائمين عليها حريصين على تطويرها كثير، والجامعة خرجت لنا ناس كبار في مجتمعنا
كلها حلوة
ادرسي خياراتك من الناحية الدارسية والنفسية والأسرية والإنتاج اللي ممكن تنتجيه في كل جامعة
وبعهد كذا قرري
وبعد كذا استخيري
وتوكلي على الله
..
ربي يوفقك

[NoOona ..]

طيب انا موعدي في الاتنين الساعة ١٠
عادي اقدم لجامعة الملك عبدالعزيز الساعة ١
يعني على بال ما اوصل ؟؟؟

[عبدالرح ـمن]

يوم ايش موعدك؟

[عبدالرح ـمن]

اختي كان موعدها يوم السبت الساعة 11
راحت لهم الساعة 10 وخلصت موضوعها بسرعة
وسألتهم : قالت انا موعدي الساعة 11 كيف كذا؟؟
قالو عادي مو مهم المهم انو تجين في نفس اليوم

[NoOona ..]

انا بكرة الأحد الساعة 10 في جامعة طيبة وجامعة الملك عبد العزيز ؟؟؟؟

[عبدالرح ـمن]

طيب اذا قررتي جامعة الملك عبدالعزيز فياليت ما توصل الساعة 12 الظهر إلا وانتي وصلتي الجامعة
اذا تقدري تلاقي حجز تعالي مباشرة في اقرب فرصة
او تعالي عن طريق البر بعد صلاة الفجر مباشرة
ورح توصلي على موعدك تقريبا
..
ربنا يكون بعونك
وتوصلين بالسلامة
وعام دراسي سعيد