تحويلي من انتساب لتعلم عن بعد (( تجربتي ))

[عبدالله 7z]

السلام عليكم ورحمة الله وبركاته . . . الموضووع مبين من عنوانه ما ابي اكثر كلام على الفاضي حبيت انقل لكم تجربتي لعل حد يستفيد منهااا وخصوصا اللي مو من جده مثلي . . . المهم انا بصراحة من الترم الثاني وانا خاطري احول تعلم عن بعد المهم خلصت الترم الاول وارسلت معاملة الكترونية وقلت فيها اني ابي احول المهم رد علي المختص انك ما تقدر تحول الا نهاية الترم في شهر 7 . . . المهم انا ما كنت صامل ولا بحثت ورا الموضوع خليته على وجهه شهر 7 شهر 7 . . . والحين صراحة بعد ما خفظو رسوم التعلم عن بعد وصارت زي الانتساب زاد حماسي وقلت لازم احول المهم ارسلت معاملة الكترونية وشرحت فيها وضعي اني من خارج جدة ولا اقدر اجي للجامعة رد علي المختص وقال لي التحويل في بداية الترم ولازم تجي العمادة مكتب د/عابد واذا ما تقدر تجي وكل احد يجي عنك . . . ما عجبني الرد فتحت ايميلي وقلت خلني ادز ايميل ان جت والا ماني خسران شي كتبت ايميل لعميد القبول والتسجيل المشاط وشرحت فيه اني بعيد عن جده ولا اقدر اجي عشان احول وارغب في التحويل المهم والله ما قصررر ارسلت الايميل البارحة الساعة 12 تقريبا واليوم جتني رسالة على جوالي لقد تم تغيرر ملفك الدراسي جامعة الملك عبدالعزيز ما صدقت صراحة وش هالسرعة في الاستجابة خشيت على الادوس ولقيت اني مغير لتعليم عن بعد ولله الحمد . . . ادري كثرت حكي بس عشانكم عشان تستفيدوو مع تمنياتي لكم بالتوووفيق الداائم . . .

[Rorry]

ياسلام ..

ودي احول انا ولا عرفت لمين اتوجهه

المشكلة مستحية من الدكتور المشاط ..

طفشته في حياته بككثرة الاستفسارات ..

الان ارسل واشوف ..

شكرا عالافادة جُزيت خيرا ...

[الشهري خليل]

الله يعطيك العافية يا أخ عبدالله ....أطني ايميل الدكتور مشاط وشكرا...

[عبدالله 7z]

روري دام هذا من حقك فلا تستحي بس ما ادري قسم البنات هو نفسه المشاط والا واحد ثاني . . . اخوي خليل الله يعافيك وبالتوفيق ان شاء الله وهذا ايميل المشاط اللي انا مرسل له asmashat@kau.edu.sa . .

[ام البطلات]

هذا رقم الدكتور داود مشاط
0505523700
وهو وكيل التعليم عن بعد
اما د /اسامه
من ضمن عمادة القبول والتسجيل في التعليم عن بعد
وكلهم بصراحه مخلصين ومتعاونين مرررررره عسى ربي يسعدهم.

[الغيوووره]

طيب ممكن احد يكتب لي ايميل المشاط اللي يرد على استفساراتكم ضروووووري

[بلاك بيري2]

انا مو فاهمك

انتا غيرت لتعليم عن بعد علشان ماتقدر تجي جده...

.............

ماسويت شي اخووووي

راح تجي جده بالغصب على لاختبارات النهائيه

كانك منتسب,,ماغيرت شي
....

واذا قصدك اختبار مناطق

انتا متعدي السنه التحضيريه..

وــآعتقد انو اختبار المناطق للتحضيري فقط

مو للمتخصصين....

[سمر اليافعي]

بلاك بيري الا استفاد بالتعليم عن بعد فقط الحضورايام الاختبارات يعني 6مرات على حسب المواد
اما الانتساب حيحضر شهر كامل لانه قبل الاختبارات يعملوا ايام للشرح والملخصات وتكون بالحضور للجامعه اتمنى فكرتي وصلت وبالتوفيق للجميع يارب

[Rorry]

لا احنا كلية رابغ عندنا اختبارات مناطق للتخرج ان شاءالله مو زي باقي الاقسام..

المهم انا سويت نفس ماقال الاخ صاحب الموضوع وجاتني رساله فعلا اليوم الصباح ..

""تم تغير بيانات ملفك الدراسي" ....!!!!

وفتحت الاوديوس وماتغير شي لسى مكتوب انتساب والاقسام والتخصصات هيه هيه ..

وش يعني ...؟؟؟

[حمودي اتصالات]

الف مبروك التحويل ياااغلا

وإن شاء الله تتوفق في التعليم عن بعد لين تاخد البكالوريوس

واتمنى اللي بيستفسر عن التحويل يستفيد من تجربتك

وبالتوفيق إن شاء الله