المعاملات الالكترونية : يستهبلون ولا يستهبلون ؟

[عبدالاله الفقيه]

مشكلتي باختصار إني قدمت على كلية رابغ من دون ماأفكر

استخرت

وفي النهاية غيرت رأيي وقررت أغير تخصصي إلى إدارة عامة

رحت الجامعة ومافي شي غريب جلست أستنى طابور لحد ماجا دووري والنهاية ان الموظف رد من دون نفس ومن دون مايطالع حتى وقالي إن التحويل عن طريق النت ولازم تقدم معاملة الكترونية

مع هذا كله ارتحت ع الآخر لانو بيكون أسهل علي من الروحة والمرمطة كل يوم للجامعة

المهم قدمت معاملة والحمدلله بس أحسها تسكيته من الجامعة للطلاب الغلابة زي حالتي شوفو الصور وبتفهمون قصدي



هذي أول معاملة أرسلها لهم وماجاني منهم رد حتى هذي اللحظة

طبعآ أنا صبرت أربع أيام على أمل يردون بس لاحياة لمن تنادي وبعدها أرسلت هذي المعاملة



كتبت نفس الكلام من المعاملة الأولى وتمنيت ألقى منهم تجاوب ولو بسيط وهذا اللي صار

بس ردهم مبهم، ماأعطوني مدة عشان أعرف متى أراجعهم ولا حتى أي تلميح وصبرت أكثر من أسبوع وأنا كل يوم أدخل لعل وعسى ألاقي المختص رد مرة ثانية بس للأسف مالقيت الا تطنيش وعرفت ان عبارة (جاري دراسة المعاملة) كانت تسكيته

أنا بعد هذا كله مايأست وقررت أرسل معاملة جديدة استفسر فيها عن المعاملتين اللي قبل وجاني رد منهم عجيب وغريب شوفوه بس لاتنصدمون^^



أقص يدي إذا المختص حقهم قرأ المعاملة

اللي يبغى يعرف ردة فعلي بعد ماقرأت ردهم الخطييييييييييير ينزل تحت

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*


تلوموني فيهم ؟

خلاصة الموضوع : بلا مختص بلا عمادة بلا خرابيط

مالها الا الواااااااااااسطة

[جـــروح]

هههههههههههه <<< جامعه نص كم

الله يعينك والله حيهجولوك هجولة الين تطفش

[علو الهمم]

نفس حالتي في البداية بدون تفكير وكان نفسي فعلا بكلية ادارة الأعمال رابغ

بس لما فكرت واستخرت ما ارتحت لين حولت للإقتصاد والإدارة بجدة

انا عني رحت الجامعة قالو لي قدمي معاملة عن طريق النت أنا كذبت عليهم

قلت قدمت ومن اسبوعين ماجاني الرد لإن شفت طلاب يعانو فعلاً من عدم الرد على المعاملة

رحت من مكتب لمكتب وانتظار ومرمطة لكن مافكيت روحتي من الجامعة والحمدلله غيرو كليتي

وان شاء الله يحولوك بإسرع وقت

[ميامن العمري]

هههههههههههههههه الله يعين شكلوا الموضوع اتوماتيكينا (جآريٍ دراسه المعاملهٍ)ههههههههه
والله مثل حالتك كل ماارسل نفس الرد هذا .......الله يصبرنا ...موفق

[ShaDoOoO]

نفــــــــــــــــــــــٍس الحااااالة اللة يعين
حسبي اللة ونعم الوكيل

[جعل عيني ماتبكيك]

لا والله مالوومك الله يلوم الى يلوومك

وربي بجد شي يقهرر
لاكن مالك الا الصبر

وان شاااااااء الله ربي يحلهاا بس انت روحلهم وقوول لي شهرر ارسل والرد نفسه

الله يعينك ...

[عاشق الشطرنج]

عجبنى المقطع الاخير هههههههههههه بجد حلوووه

[*ام حمودي*]

لا يا جماعه لا تفقدو الامل اصلا كلمة جاري دراسة المعامله مو رد هذي الجمله تطلع اوتوماتيك للي يرسل المعامله ومعناها انو المعامله وصلت لجهاز المختص وممكن اذا ما رد عليك او طول معناته انو عندو معاملات كثير انتو لا تستعجلو اصلا ما يردو بسرعه يعني لازم يأخذو مده من 4 ايام لغاية اسبوع وشويا ولو رد المختص عليك على طوول تجيك رساله ع الجوال انو تم الرد على معاملتك بس اصبرووو لا تستعجلووووو وانا من جهتي اشوف انو افضل شي انو الواحد يراجع الجامعه بنفسو لاي سبب احسن له لان المعاملات دايما تكوون ردودهم عليها يا تسكيت يا تصريف وموفقين دعواتكم اتخصص انقلش..

[Ibtisam]

ياليت احد يفيدنا اذا فعلا ردو على معاملته

[واقعية]

بالنسبة لهل يستهبلون والا يستهبلون لا ابشرك طلعو يستهبلون

وبالنسبة للمعاملة ماجبت شي جديد ياخوي انا راسلتلهم 3 معاملات هالشهر ولا جاني رد ابدا كله جاري دراسة الحالة قصصدي المعاملة

وبصراحة فطست ضحك عليك لما قلت استخرت وما ارتحت للموضوع والله انك ابن حلال وربي بيكفيك شرهم عشان كده ربي ماخلاك ترتاح

وصدقني ربي يحبك لانك بتحول من هالكلية اسال مجرب

الله يوفقك ويوفقنا جميعا ~