هل تقبل/ي الزواج بــ .... !!!!!!!

[pinkberry]

السلام عليكم ورحمه الله وبركاته

المره دي اخترت موضوع سهل وقابل للفهم عشان لحد يتنح

الموضوع مستوحي من موقف حصل امس مع قريبتي

الموقف كالاتي :










اتقدملها عريس والراجل ما يعيبو شي وعمرو مناسب ومن عيله طيبه بس ....... مطلق !!!
كان متزوج 7 شهور وطلق وما عندو اولاد
المهم قريبتي دي رفضتو ورافضه تتناقش تماما في الموضوع وانهت النقاش ب ( انا ايش ناقصني عشان اخد واحد مطلق !! اكييد فيه عله !! ) وراح الراجل في حال سبيلو


الان ابغى اناقش عده نقاط

السؤال موجه لكل شاب وشابه لم يسبق لهم الزواج

1- هل تقبل/ي الزواج بـ مطلق/ه ؟ ادعم/ي اجابتك بسبب

2- هل تفرق لو كان المطلق/ه لديه/ا اطفال ؟ ادعم/ي اجابتك بسبب

3- هل نظرتك للارمل/ه مختلفه عن نظرتك للمطلق/ه ؟ ادعم/ي اجابتك بسبب


بالنسبه ليا

كنت حاقول لا سواء كان مطلق باطفال او من غير اطفال او ارمل
بس مو لانو فيه عله !!

لكن زي ما انا حاكون جديده في الحياه الزوجيه ابغى واحد كمان زيي
يعني ابغى واحد يعيش الشي دا اول مره معايا
ما ابغى احس باحساس جديد وهوا ما تفرق عندو عشان ماهي اول مره

طبعا دي وجهه نظري


حبيت اضيف نقطه انا استشعرتها من مجتمعنا :

( من الممكن البنت (البكر) تاخد مطلق بس من المستحيل انو الولد الي ما قد اتزوج ياخد مطلقه )

وانتظر اجاباتكم و اراءكم

وبالمره ,,, كل سنه وانتو طيبين ورمضان كريم

[RHF]

وانتي بصحة و سلامة يا رب

1- هل تقبل/ي الزواج بـ مطلق/ه ؟ ادعم/ي اجابتك بسبب

ممممممم ازا كان مطلق ( ملكة فقط ) ممكن اقبل ، لاكن طالما انو اتجوز وقعد 7 شهور متجوزين ، ما ارضا ، لانو الفكرة مو في وجود العيال ، الفكرة انو دا رجال كان مع حرمة ، ( محا استحمل الفكرة دي )

2- هل تفرق لو كان المطلق/ه لديه/ا اطفال ؟ ادعم/ي اجابتك بسبب

ممممممم عاد كمان عندو اطفال دا ما اقبل النقاش في موضوعو خير شر ، ابغا واحد يكون متفرغ لبزورتي انا بسسس ، ما يكون مشغول ببزورة تانين كمان ، والصراحة ما ابا اولادي يعني يكون عندهم اخوان من ابوهم ، ابغا يكون اولادي ، اول اولاد يجوه في حياتو انا و هو ،

3- هل نظرتك للارمل/ه مختلفه عن نظرتك للمطلق/ه ؟ ادعم/ي اجابتك بسبب

ممممممم شوفي انا قولت اني ما ابا مطلق في كل الحالات ، والارمل زيو ، من ناحية انو كان متجوز و عايش مع حرمة ، ونفس الفكرة حقت الاطفال ، دا غير اني احس المطلق راضي بالطلاق ، واحس الارمل يبغا مرتو لاكن شاء الله و قدرو انو تتوفا ،

مممممممم وبرضو دي وجهة نظر طبعن

[pinkberry]

المشاركة الأصلية كتبت بواسطة rhf وانتي بصحة و سلامة يا رب ممممممم ازا كان مطلق ( ملكة فقط ) ممكن اقبل ، لاكن طالما انو اتجوز وقعد 7 شهور متجوزين ، ما ارضا ، لانو الفكرة مو في وجود العيال ، الفكرة انو دا رجال كان مع حرمة ، ( محا استحمل الفكرة دي ) ممممممم عاد كمان عندو اطفال دا ما اقبل النقاش في موضوعو خير شر ، ابغا واحد يكون متفرغ لبزورتي انا بسسس ، ما يكون مشغول ببزورة تانين كمان ، والصراحة ما ابا اولادي يعني يكون عندهم اخوان من ابوهم ، ابغا يكون اولادي ، اول اولاد يجوه في حياتو انا و هو ، ممممممم شوفي انا قولت اني ما ابا مطلق في كل الحالات ، والارمل زيو ، من ناحية انو كان متجوز و عايش مع حرمة ، ونفس الفكرة حقت الاطفال ، دا غير اني احس المطلق راضي بالطلاق ، واحس الارمل يبغا مرتو لاكن شاء الله و قدرو انو تتوفا ، مممممممم وبرضو دي وجهة نظر طبعن

منوره يا عسل
وجهة نظر احترمها
اسعدني مرورك
وانتظر اراء الباقي

[A7la remo]

الموضوع مرة عجبني ياقمر
حاجاوب على اسئلتك بالتفصيل

1- هل تقبل/ي الزواج بـ مطلق/ه ؟ ادعم/ي اجابتك بسبب
ممكن اوافق وممكن لا ،، على حسب طبعا ماراح اوافق على طول
لازم اسأل واستفسر تمااااام هو ليش طلق مرتو
يمكن يكون هو مو كويس وما يقدر الحياة الزوجية ليش اقوم اورط نفسي معاه ؟ عشان كده يعني ممكن يتأخر الرد في سبيل اني اسال عن كل اسباب طلاقو من مرتو الاولى ..
والسبب اللي قلتيه انتي ماقد فكرت فيه بس صراحة سبب مقنع برضو انه نكون كلنا جديدين عالحياة الزوجية ونجرب كل شي مع بعض ما يكون هو عارف كل شي وانا جديدة ،، عجبني السبب واقتنعت فيه كثيييير

2- هل تفرق لو كان المطلق/ه لديه/ا اطفال ؟ ادعم/ي اجابتك بسبب
مممممم بصراحة ارفض على طوول لو عندو اطفال لانه امهم حيكون قلبها معاهم وهو حرام عليه يمنع امهم من اطفالها يعني لو كان ارمل ممكن اوافق عندو اطفال يعني اكسب اجر فيهم اربيهم واعطف عليهم وزي كذا بس مطلق احسها مرررة صعبة احرق قلب امهم عليهم ..

3- هل نظرتك للارمل/ه مختلفه عن نظرتك للمطلق/ه ؟ ادعم/ي اجابتك بسبب
طبعاااا الارمل غير ،، والنظرة له تكون افضل من المطلق وبرأيي ممكن يلاقي احد يتزوجه اسرع من المطلق لانه هذا قدر ربي وماتت زوجته وممكن يكون حابب يتزوج بس عشان عيالو ما يبغاهم يتربو بدون ام ،، طبعا ايا كانت مواصفات اللي حتجي بدل امهم ماراح تغنيهم عن حنان امهم بس برضو تعطيهم شوية حنان وتحسسهم بالامان ،،، لكن سالفة طلق مرتو ايش حتكوون الاسباب ومين الغلطان ومين سبب الطلاق ،، كل دي الاسئلة لازم القى لها جوااب قبل الموافقة او الرفض ..
تسلمي ياقلبي موضوعك مرررة عجبني وحسيت اني عبرت من قلبي
وانتي بخير وصحة وسلامة يَ رب بمناسبة رمضان
مشكورة يعطيك العافية وتقبلي مروري

[pinkberry]

المشاركة الأصلية كتبت بواسطة a7la remo الموضوع مرة عجبني ياقمر حاجاوب على اسئلتك بالتفصيل 1- هل تقبل/ي الزواج بـ مطلق/ه ؟ ادعم/ي اجابتك بسبب ممكن اوافق وممكن لا ،، على حسب طبعا ماراح اوافق على طول لازم اسأل واستفسر تمااااام هو ليش طلق مرتو يمكن يكون هو مو كويس وما يقدر الحياة الزوجية ليش اقوم اورط نفسي معاه ؟ عشان كده يعني ممكن يتأخر الرد في سبيل اني اسال عن كل اسباب طلاقو من مرتو الاولى .. والسبب اللي قلتيه انتي ماقد فكرت فيه بس صراحة سبب مقنع برضو انه نكون كلنا جديدين عالحياة الزوجية ونجرب كل شي مع بعض ما يكون هو عارف كل شي وانا جديدة ،، عجبني السبب واقتنعت فيه كثيييير 2- هل تفرق لو كان المطلق/ه لديه/ا اطفال ؟ ادعم/ي اجابتك بسبب مممممم بصراحة ارفض على طوول لو عندو اطفال لانه امهم حيكون قلبها معاهم وهو حرام عليه يمنع امهم من اطفالها يعني لو كان ارمل ممكن اوافق عندو اطفال يعني اكسب اجر فيهم اربيهم واعطف عليهم وزي كذا بس مطلق احسها مرررة صعبة احرق قلب امهم عليهم .. 3- هل نظرتك للارمل/ه مختلفه عن نظرتك للمطلق/ه ؟ ادعم/ي اجابتك بسبب طبعاااا الارمل غير ،، والنظرة له تكون افضل من المطلق وبرأيي ممكن يلاقي احد يتزوجه اسرع من المطلق لانه هذا قدر ربي وماتت زوجته وممكن يكون حابب يتزوج بس عشان عيالو ما يبغاهم يتربو بدون ام ،، طبعا ايا كانت مواصفات اللي حتجي بدل امهم ماراح تغنيهم عن حنان امهم بس برضو تعطيهم شوية حنان وتحسسهم بالامان ،،، لكن سالفة طلق مرتو ايش حتكوون الاسباب ومين الغلطان ومين سبب الطلاق ،، كل دي الاسئلة لازم القى لها جوااب قبل الموافقة او الرفض .. تسلمي ياقلبي موضوعك مرررة عجبني وحسيت اني عبرت من قلبي وانتي بخير وصحة وسلامة يَ رب بمناسبة رمضان مشكورة يعطيك العافية وتقبلي مروري

نورتي الموضوع
عجبني ردك و كلامك منطقي سبب الطلاق هوا المفتاح للاجابه !!
التمست من كلامك انك تحبي الاطفال وحنونه عليهم ( عكسي تماما )
وبالتوفيق وان شالله نشوفك عروسه وتتزوجي واحد لسه بكر

اسعدني مرورك يا عسل :)

[RHF]

لسسسسا بكر ؟؟

بينك ارحمي نفسسسسسسسسسسسسك

ههههههههههههههههههههه

قال لسا بكر قال

ايشبها حتتجوز حرمة عشان تقوليلها كدا :(

[pinkberry]

المشاركة الأصلية كتبت بواسطة rhf لسسسسا بكر ؟؟ بينك ارحمي نفسسسسسسسسسسسسك ههههههههههههههههههههه قال لسا بكر قال ايشبها حتتجوز حرمة عشان تقوليلها كدا :(

رهف هههههههههههههه
كلمه بكر تطلق على الانسان الذي لم يسبق له الزواج سواء كان بنت او ولد

[A7la remo]

المشاركة الأصلية كتبت بواسطة pinkberry نورتي الموضوع منور بوجودك فيه حبيبتي التمست من كلامك انك تحبي الاطفال يب يب احساسك صحيح ياقلبي احب الاطفال ويعجبني اتكلم والعب معاهم << واكبر دليل شوفي بياناتي ايش ناوية اتخصص باذن الله وبالتوفيق وان شالله نشوفك عروسه وتتزوجي واحد لسه بكر الله يقلع شيطاااانك يا بينك لحد يسمعك من الشباب صادقة رهف حاتزوج رجال والا حرمة الله يرزقنا الازواج الطيبين المطيعين يااارب ويرزق الشباب البنات الطيبات المطيعات اسعدني مرورك يا عسل :)

وانا سعيدة باجابتي ياقلبي ،، ربي يسعدك

[coOola]

ما أدري وش فيكم كل يوم موضوع زواج

[A7la remo]

المشاركة الأصلية كتبت بواسطة pinkberry رهف هههههههههههههه كلمه بكر تطلق على الانسان الذي لم يسبق له الزواج سواء كان بنت او ولد

من جد
والله معلوومة جدييدة على بالي الكلمة بس للبنات عشان الشغلات الخطيرة اللي تسير لهم
اول مرة اعرف انه حتى الشباب اللي اول مرة يتزوجوا تنقال الكلمة دي لهم
تسلمي عالمعلومة الجديدة
تشكرااتي ياحلوة