جامعة الملك عبدالله للعلوم والتقنية ....

[seham alwead]

المشاركة الأصلية كتبت بواسطة همس المشاعر واذا ان شاء الله صار لي وقت بقولكم عن المقابلات والاختبارات بالتفصيل

بانتظارك ... يعطيك العافية..

[اللمار]

ما شاء الله همس المشاعر

كفيتي ووفيتي

الله يوفقك إن شاء الله ويسهل امورك

[اللمار]

طبعا الطلاب وطالبات الضعيفين في اللغة يعطونهم كورسات تقوية الى ان يتحسن مستواهم ومن ثم يبدون في الدراسة

همس المشاعر هل انتي متأكده من نقطة انه الطالب اللي ضعيف في اللغة ممكن يعطوه تقوية
أنا حضرت قبل فترة لقاء في الجامعة مع موظفين القبول من كاوست
ولما سألنا المسئول عن القبول قال ممكن نتنازل عن المعدل لكن
اللغه ما نقدر نقبل بأقل من 79 في التوفل

ياليت تأكدي لنا هذا الموضوع مع الشكر الجزيل

[همس المشاعر]

اي متأكدة خاصة اني ماحققت العلامة اللي طالبينها باللغة

وتاكدت من مسؤلة القبول ومن الدكتورة اللي امتحنتنا انجليزي طبعا الاختبار اسمه ميتشقان يقيس مستواك لو طلع بعلامة اقل يعطونك تقويه لمدة شهر وعلى حسب الدكتور اللي يعطي اللغة قالي ان عنده كلاس يبدا في 14 اغطسطس

لمدة شهر و محاضرات لمدة 10 ساعات يوميا ويقوون جوانب الضعف فيك

ثانيا من كلامي مع دكتورة نجاح اكدت لي ان اهم شي توفر مشرف وان الطالب يكون متمكن علميا من مادته واما اللغة فتنحل مشكلتها مع الكورسات لو ما حققتي العلامة بعد الكورسات او ما اثبتي جدارتك وجديتك في الدراسة يتخذ اجراءات اخرى بحقك

[العصماااااء]

موفقة أخت همس الله يتمم لك على خير و يوفقك :)

[غريبه بدنيتي]

همس

الله يوفقك وينفعك بعلمك...

[نادر في زمن]

سلام عليكم اولاًابارك للي انقبلوا وانصحهم بالإستخارة لله فانتم مقدمين على خطوة مهمة في حياتكم عسى الله يوفقكم يارب وحبيت صراحه منكم حفاظكم على دينكم ومبداكم هذي النوعية تكسب احترام الناس
ثانيا حابه استفسر للي مقبول في جامعة الملك عبدالعزيز يحقله التقديم

[همس المشاعر]

طبعا يحق لاي احد التقديم على المنحة الدراسية

[روآن..!]

السلام عليكم

أخيراً لقيت موضوع عن كاوست....!!!!

قصدي يعني كمان ناس مقدمين عليها تعبت وانا ادور :(

الله يخليكم جاوبوني :(

خلاص تخرجي قريب ..

دحين انا سمعت ان التسجيل للسنه الجايه حيبدأ في آخر سبتمبر تقريباً

طيب هما حياخدوا معدل الترم اللي راح اللي هو قبل التخرج صح؟ لو نزل طيب ايش الوضع << لا قدر الله!

كمان التوفل لو ما يمديني اختبره قبل التسجيل اقصد قبل سبتمبر ، عادي اختبره في سبتمبر او بعده ؟
هل لازم لما اقدم تكون كل اوراقي مخلصه؟ لأن الترم اللي راح في بنات - حسب كلامهم - وقت التقديم كانو لسه يختبروا!! بس بعدين اختفوا البنات و ما ادري ايش صار فيهم :(

طيب دحين هي قائمه على الابحاث ، انا ما عندي ولا بحث..! كيف الوضع؟

الدراسه حتكون محاظرات ولا بات مو؟

مين يختار موضوع البحث؟ هل لازم اكون مقرره من البدايه ولا الدكتور المسئول عليا مثلا هو اللي يحدد؟

معليش لو اسئلتي غبيه بس لأن من جد تعبت وانا ادور على احد يرد عليا..

الله يوفقكم و يسعدكم اللي يعرف يجاوب.. :)

بالتوفييق

[همس المشاعر]

بالنسبة للتقديم عادي تقدمي حتى لو ماعندك لغة وحتى لو ما تخرجتي بعدين يختبرونك عندهم لو ماجبتي الدرجة المطلوبة يعطونك كورسات تقوية

بالنسبة للتقديم عادي قدمي ولو نزل عن الممتاز ما اعتقد ياخذونك لازم معدل البكالوريس عالي


اما البحث او الرسالة فهم نظامهم مقررات وتقدري تقدمي على ماستر ومايكون عندك مشرف بس تشدي حيلك لان لازمهم معدل مرة عالي عشان تقدري تكملي دكتوراة عندهم

الماستر تقريبا سنتين وفي الاخر بحث هم بعدين يحددونه