سؤال لمن سبقونا !!ساعات المحااضرات؟

[انقلبت حياتي]

صباح الخير على الجميع
انا ولله الحمد انقبلت فبرنامج التعليم عن بعد بس لسى ماسددت دعواتكم ليا بالتيسير
وعندي سؤال
للي درسو وجربوا الوضع فالمحاضرات بالنت!!
الحين قريت انها من 4 الى 10
طيب ياجماعة الخير
يعني من 4 لين 10 ابقى على الجهاز والا قصدهم من انو مثلن هذا الوقت المحدد للمحاضرات
ويعني مثلن يكون فجدولي محااضره احضرها بس
يعني زي نظام الدوام
مثلن اليوم عندي مادة فلنفرض ثقافه حيكون محدد موعد لهالماده وادخل فيه ؟
وبالنسبه للمحاضر يعني يجلس يتكلم ويطلب كل طالب باسمه زي مايعملوا فالكليه
وبيني وبينكم سمعت انو النظام حلو وكذا بس الجميع يشتكي من انو يتنح:(
الله يسعدكم ويرضى عليكم وبالشهر الكريم يوفقكم ويحقق أمانيكم انو تردو عليا وتشرحون ليا
لانو بصراحه متحمسه للنظام آخر أمل لاحلام طموحي فيه بس متزوجه وعندي ولد
وخايفه انو ما اخذ راحتي عالنظام
وبس
دعواتي للجميع بالمغفره والرحمه والعتق من النار من الله إنهُ وهاب سميع

[ŅάҘęḿ ĄlҘōǔd]

اللي عرفتو انو الدواام مسائي يعني من 4 الى 10
لكن مو كلها محاضرات زي المدرسه
لا
زي طلاب الانتظام الطبيعيين

يعني ممكن في اليوم في بس محاضرتين ممكن تلاته
وكمان يوم الخميس في دواام

المشاركة الأصلية كتبت بواسطة حمودي اتصالات يب المحاظرات تكون لايف وليها اوقات معينة حسب الجدول مثل الانتظام تمام لاكن انتي بالبيت وهما تحت الشموس والمحاظرات اغلبها تتسجل لجل يقدرو الطلاب والطالبات يرجعو لها بوقت ثاني وتكون موجودة بنفس البرنامج وفي برامج خارجية بعض الطلاب يستعينو فيها بتسجيل المحاظرات لان احيان الدكتور او الدكتورة تمسك معاهم غلط ومايسجلو المحاظرة ^_* اما بالنسبة للكام والمايك والسماعة حسب كلام زميل بدفعة العام الماضي منتي محتاجة منهم الا المايك والسماعة وقت المحاظرة والكاميرا مهي لازمـ وممكن تقدري تستاذني من الدكتورة بالخروج من المحاظرة او تسحبي عل محاظرة من الاساس لو بتطلعي او شي لاكن الغياب لية فترة معينة مثل الانتظام ولو تعديتي الفترة ينزلك حرمان على المادة

اهم شي توكلي على الله وخلي نيتك طاعته وباذنه تعالى رح تتوفقي ورح تتسهل امورك

[انقلبت حياتي]

تسلمي حبيبتي على الرد
لاخلا ولا عدم
ب انتظار البقيه :)

[انقلبت حياتي]

ايوا تذكرت سؤال اخير ان شاء الله
الله المستعان على كثرت اسئلتي

بالنسبه للمحاضرات ميقال انها مسجله
طيب يعني منلقاها فملفات مضغوطه جاهزه للطباعه
يعني علموني كيف نحصل على المناهج
انا حسب مخيلتي
انو حتكون جاهزه للطباعه ونطبعها ونذاكر فيها
والا مو ؟
تسلمو عالاهتمام

[مغادر]

المحاضرات مثل ما ذكرتي من 4 إلى 10 مساءً وحسب ما قرأنا تكون على فترتين ، أهم شئ تسجيل الدخول وقت المحاضرة حتى ما يسجل غياب لأن فيه حرمان إذا وصل حد معين للغياب ، لكن ممكن تسجلين الحضور أو أحد يسجلك لوكنتي مشغولة ، وبإمكانك متابعتها إذا فضيتي وتنزلينها على الجهاز إذا تبيـن ، بالنسبة للمناهج انتظري حتى تحدد الدكتورة المنهج المطلوب وتطلبينها عن طريق مكتبة خوارزم أو مكتبة جرير .
وهذا رابط مكتبة خوارزم وبالإمكان التوصيل للمكان إلي أنتي فيـــهــ http://www.khawarizm.com/Wasel_displ...%AF&section=31

[سَديم]

والله مره يعقد النظام انا متعقده وراسسسي لف ودخت وصدعت

وهي سوالف منتدى بآقي مآ بدينآ الله يعين بسس
احسسسه بجد متعب ><

[انقلبت حياتي]

حلو يعني فيه مناهج من غير المحاضرات اللي تتسجل
الله يبارك للجميع يارب
اختي سديم
تفاؤلو بالخير تجدوه
الله يوفق لك وييسرها يارب