ممكن شرح في ELi104

[البتول 2010]

السلام عليكم
ممكن تشرحون لي حاجتين بالانقلش
في يونت 7
Lieral and Idiomatic

Separable and Inseparable

وشكرا اكون ممنونة لكم

[البتول 2010]

بليز ساعدوني

[البتول 2010]

مالكم نية تساعدوني :/

[البتول 2010]

وينــــكم ؟؟ لو حطيته بالاداري ابرك

[تذكري يديك يوم تشهد عليك]

up لعيونك

[فلسوعه]

شرح phrasal verbs
أول شي معنى كلمة literal حرفي
ومعنى كلمة idiomatic اصطلاحي
_________

phrasal verbs
طبعن هي 4 أنواع
النوع الأول والثاني والثالث ممكن يجوا بمعنى حرفي أو بمعنى اصطلاحي
النوع الرابع دائما يجي بمعنى اصطلاحي
الكلآم ذا موجود صفحه 144 في شرح القاعدات في الكتاب

النوع الاول
verb + particle (no object)v
فعل + حرف ( لآ يوجد مفعول به في الجمله )

مثال على المعنى الحرفي literal
he went out
هو خرج

مثال على المنعنى الاصطلاحي idiomatic
the fire went out
النار أنطفأت

وباقي الأمثله موجوده عندك في الكتاب في صفحة 144 عند شرح قاعدة الـ phrasal verbs
_________________

النوع الثاني
verb + particle + object
(separable )
فعل + حرف + مفعول به ---> لآحظي هنا في مفعول به
والحرف والفعل هنا قابل للانفصال يعني تقدري تفصلي الفعل عن الحرف وتحطي بينهم المفعول بين بعض
ذحين يوضح مع المثال

مثال على المعنى الحرفي letiral
I put up the picture
أنا وضعت الصوره

مثال على على المعنى الاصطلاحي
I put up my sister for the night
أنا استضفت أختي لليله

طيب نجي نشرح ايش يعني قابل للانفصال
مثال
I put up the picture
بإمكانك تفصلي بين كلمة put وكلمة up وتخلي المفعول the picture بينهم
وحيكون كذا المثال
I put the picture up
وبكل المعنيين الحرفي والاصطلاحي

وكمان تقولك القاعدة دائما وحطي تحت دائما 624784548 خط
دائما اذا كان المفعول ضمير يجي بين الفعل والحرف دائما
مثال
I put it up
وأطلعي على باقي الأمثله اللي في صفحة 145
______________

النوع الثالث
verb + particle + object
(inseparable )
فعل + حرف + مفعول به
ولآ يمكن فصل الفعل عن الحرف أبدًا

مثال على المعنى الحرفي
she came across the room
هي عبرت الغرفه

مثال على المعنى الاصطلاحي
she came across an old friend
هي التقت بصديقه قديمه

وزي ماقلت سابقا هذا النوع غير قابل للانفصال أبدا حتى لو كان المفعول به ضمير

وباقي الأمثله موجوده في صفحة 145

____________

النوع الرابع والأخيــــــــــر
verb + particle + particle
فعل + حرف + حرف
وهذا النوع يجي بالمعنى الاصطلاحي تقريبا دائمًا

مثال
I'm looking forward to it
أنا أتطلع له
لآحظي كلمة looking هي الفعل وكلمة forward هي حرف وكلمة to برضو حرف

وأحفظي كلمات الـ phrasal verbs كويس زي اسمك بالمعني الحرفي والاصطلاحي
لأني أذكر انهم جابوا منها في الاختبار

وان شاء الله أكون قدرت أفيدك
وان أصبت فمن الله عز وجل
أما اذا اخطأت فمن نفسي ومن الشيطان
موفقه ان شاء الله
دعواتك

[البتول 2010]

الله يوفقك ويسعدك