هل تعرف منتسب متخرج !؟ اذا تعرف أثلج صدورنا ..

[مشآرِي ..]

السلام عليكم ورحمه الموضوع وبركاته ..


مابي اكثر كلام بالموضوع نبي الي يعرف احد تخرج من انتساب سواء كآن التخصص وتوظف بوظيفة على شهادته الجامعية يقولنا سالفته أو وظيفته عشآن نرتآح لأن الكلام الي سمعته عن الشهادهـ مايسّررِ وأبي اتأكد من بدرِي ..


بالتوفيق

[ساكو]

اغلب اللي اعرفهم موظفين ..
لكن ابوي درسها انتساب وأخذ الماستر والدكتوراه انتظام وللحين
كل مايقدم على وظيفه تعليميه يقولون البكالوريوس انتساب ومانقبلها !!
والشركات لها تخصصات معينه بالشهاده سواء انتساب او انتظام ..
عمي انتساب وبشركه وماعطوه عليه نقطه ولا شئ لان تخصصه علم الاجتماع
ومايشوفنه مهم بالنسبه لهم ..
لكن الحكومي لو الشخص موظف يعطونه عليها ترقيات ولازم يكون تقديره جيد
اقل من كذا رح يكون كأنه مادرس ..
حبيت اوضح الصوره من جميع الجهات سواء موظف او غير موظف ..

[ĐДЯЌ ✖ ДŊĝỆŁ]

المشاركة الأصلية كتبت بواسطة ساكو اغلب اللي اعرفهم موظفين .. لكن ابوي درسها انتساب وأخذ الماستر والدكتوراه انتظام وللحين كل مايقدم على وظيفه تعليميه يقولون البكالوريوس انتساب ومانقبلها !!

الوظائف التعليميه لازم انتظاام..~ وهاذا شي معرووف من زمان

لان صعب يدرس الطلاب وهو واخذها انتسااب..~

وكمان التخصصات الادبيه صارت مشبعه ومتـآكل عيش..~

فقط تخصص الانجلش لانه فيه نقص علشان كذا يقبلوا الانتساب..~

........

بس جميع التخصصات الثانيه..

لو يآخذ بعدها الماستر او الدكتوراه انتظام..~

فهيا تحل محل الشهادة الجامعيه.~

وبيكون طالب منتظم..~

..

اهم شي انك تشيل كلية الاداب من راسك..~

وانت بترتاح مستقبلا..

لانك تقدر تآخذ بعثه وتتوظف في جميع الشركات..الخ.

[مشآرِي ..]

المشاركة الأصلية كتبت بواسطة ساكو اغلب اللي اعرفهم موظفين .. لكن ابوي درسها انتساب وأخذ الماستر والدكتوراه انتظام وللحين كل مايقدم على وظيفه تعليميه يقولون البكالوريوس انتساب ومانقبلها !! والشركات لها تخصصات معينه بالشهاده سواء انتساب او انتظام .. عمي انتساب وبشركه وماعطوه عليه نقطه ولا شئ لان تخصصه علم الاجتماع ومايشوفنه مهم بالنسبه لهم .. لكن الحكومي لو الشخص موظف يعطونه عليها ترقيات ولازم يكون تقديره جيد اقل من كذا رح يكون كأنه مادرس .. حبيت اوضح الصوره من جميع الجهات سواء موظف او غير موظف ..

معقولة يعني الوالد الحين موظف على شهاده الثانوي ومعه كل هالشهادات !؟

[WLD KSA]

اذا كان موظف في قطاع حكومي ونزلت ترقيات تكون له الاولوية في الترقية ويمكن اول ما يسلم الشهادة يرفع بطلب ترقية

لكن اذا كان بيقدم على وظيفة تعليمية ما ياخذون غير الانجليزي فقط ..

و القطاع الخاص على حسب يمكن يرفعونه فوق ويمكن يخلونه مثل ما هو القطاع الخاص ما يتحكم فيهم احد يعني مثل ما تقول دولة داخل دولة

بتوفيق

[ابوالياس00]

انا اعرف مجموعة موظفين في بنوك وكان التقديم بشهادات الأنتساب وكانت ادارة وأقتصاد

[مشآرِي ..]

الله يعيـن .. :(

[fna]

فيه ناس اخذوا انتساب وصاروا مدرسين

بس تخصصهم انجلش باقي التخصصات الوضع مختلف

[دارس1431]

وعليكم السلام ورحمة الله وبركاتة

بالنسبة للشهادة فهي معتمدة وهذا على حسب كلام وزير الخدمة المدنية وانة لا فرق بينها وبين الانتظام ^^
لكن بعض الجهات تشترط في التقدم عليها أن يكون انتظام وهذا من حقها كما قال وزير الخدمة المدنية ^^
وفي النهاية ياخوي الرزق عند رب العالمين ^^
لا تفكر في مستقبل الشهادة ^^
فكر في مستقبلك وأبدع في تخصصك وعليك بالتخصصات المطلوبة في سوق العمل ^^
والباقي على رب العالمين ^^
مع العلم أن لو حسبناه على كذا ففية ناس كثير معهم شهادة جامعة انتظام والى الأن عاطلين ^^
يعني الأن الكل في الهواء سواء ^^

شكرا اخوي ^^

[مشآرِي ..]

الله يعين ..

معقولة ولاا واحد توظف على شهادته بجهه حكومية شيء مقلق الصراحة

ان شاء الله خير