بنات جدة أبغاكم في كلمة راس

وفاء · #1 08-09-2005, 01:31 AM

يا بنات عندي سؤال صغير

من خبرتكم في الصوالين و مراكز التجميل مين أفضل ناس (متخصصين)يسووا تنظيف بشرة بشرط يكونوا ( محترفيييييييين ) يعني يعرفوا كيف يتعاملوا مع كل أنواع البشرة

و طبعاً ما يكونوا (ذباحين) في السعر

chocolata · 08-09-2005, 03:40 AM

هلا ياقمر..

ان شاءلله اسألك عن كم صالون واردلك..

سلام ياحلوة..

sroora · 08-09-2005, 07:51 PM

بالنسبه ليا احب مانا manna

مره كوول ونضيفه اسعاها مناسبه احسها يعني اكيد مبالغه شويه بس محترمه ونضيفه اهم شي

أندر.COM · 09-09-2005, 01:13 AM

نصيحه مني روحي نـــــــــــــــواره وانا متأكده مليونين في الميه مره حتنبسطي بالذات اذا بعد ما خلصتي من التنظيف اطلبي قناع اسمو الكلوجين هو شويه غالي بس تطلعي تزغردي من الجمال والله ..
وفي جاك كمان تنظيفهم حلو ...وممكن اذا بدك تنظيف طبي يعني بشرتك فيها مشاكل روحي عيادات التجميل يعني زي العيادات المثاليه وهناك تلاقي في العبداللطيف بلازا عيادات مهتمه بدي الاشياء تابعه لعرفان زي عيد كلينك في بنايه رقم 3 الدور 5 على ما اعتقد هو مكتوب كده تلاقي ..وبس

وفاء · 09-09-2005, 03:04 AM

عزيزتي أندر مرررررة شكراً على اقتراحاتك

قبل كذا رحت عند جاك ديسانج و فعلاً عجبني بس اللي سوت لي قبل كذا راحت و فيه وحدة ثانية و بصراحة ماني مرتاحة أروح لغير اللي جربت عندها.

و نوارة كثير من أهلي يروحوا لها بس خفت من بعد ما سمعت إنهم كم مرة حرقوا شعر ناس و مدري إيش صار مع ناس .. يعني يقولوا مو زي أول.

و بصراحة فكرت في عيدكلينك أو أوباجي بس ما أدري إذا هم اختصاصهم عمليات تجميل بس و لا حتى عندهم تنظيف بشرة ، بس بعد وصيتك اعتمدنا إن شاء الله .. بس تعرفي أحد معين هناك ؟

chocolata · 09-09-2005, 05:32 AM

تم حذف الردود الخارجة عن الموضوع

كما ارجو الالتزام بقوانين المنتدى

يمنع منعا باتاً الخروج عن صلب الموضوع و جعله ساحة للمناقشات الجانبية ( chat ). وسيتم حذف الردود الخارجة عن صلب الموضوع . ما عدا ملتقى الأصدقاء والوناسة .

mooon_14 · 09-09-2005, 06:13 AM

اهلا أختي أروى ..........
تبي نصيحتي انا مجربة روحي نوارة وبس...
مراا محا تندميهما أصلا أفضل شي عندهم التنظيفات والعناية بالبشرة..
أسعارهم امكن ما تعجبك بس من جد شي على مستوى وبنضافة كمان عشان كدا يستاهلو ...
استمتعي وخليكي ريلاكس عيوني ..
تحياتي عزيزتي

triples · 09-09-2005, 08:39 AM

تم حذفه بواسطتي ( أدمن )
واتمنى من الكاتب الإلتزام بالنظام والقوانين .

أدمن

الأماني · 09-09-2005, 11:31 AM

مااعرف كتير في دي الأشياء

بس شوفي صالون ريما

مرة رهيب والله :)

والله يوفقك

NeMo · 09-09-2005, 02:40 PM

نواااارة

العيادات المثالية وعيد كلينك واوباجي دكاترة جلدية اكتر من اي شي تاني

يعني مشاكل جلد وشعر

اتوكلي عاالله وروحي نوارة من جد

بنات جدة أبغاكم في كلمة راس

منـــتـــدى لــــــهــــــا