تم قبولي بالدبلوم التربوي فرع السلمانية.. تفضلوا يا بنات

[فيزيائيه طموحه]

بنات انا رايحه بعد شوية

احد يبغاني اسأل له عن شي

او اللي ماتعرف مباني الجامعه عادي اقابلها وادلها

[روعـــة الإخـــاء]

ألف شكر أختي تلاوة على التوضيح ريحتيني ربي يريحك دنيا وآخرة
وأشكر كل الأخوات اللي ردو
الله لايحرمكم الأجر

[روعـــة الإخـــاء]

مشكورة حبيبتي فيزيائية طموحة هذا من طيب أصلك..
ياليت ياحياتي تسأليهم عادي لوجيت بعد يوم 9
وهل الدورات والكشف الطبي مطلوبة؟

الله ييسر لك وإذا رجعتي أحكي لنا شو صار معك.. موفقة

[حبي لذاتي قمة أولوياتي ~]

صباحكم رضى وصبر وقناعة ~



فعلاً يارب أفرغ علي ّ صبراً ~

تمت اموري ولله الحمد بخير ،’

قررت اليوم قرارا أفتح لي مدونة خاص بيومياتي في الدبلوم التربوي ~

واسجل كل مايحدث لي بحذافير المواقف وبدقة متناهيهـ بإذن الكريم ،’

[فيزيائيه طموحه]

السلام عليكم

مساء الخير يابنات

انا رحت اليوم وهذا تقريري

وصلت للمبنى الثالث الساعه 8 وربع تقريباً اخذت رقم.. وكان بيني وبين الرقم اللي ع الشاشة 11 رقم

وكان الوضع غريب صراحه

في البداية موظفة وحده والمطابقة بطيئة جداً

بعدين صارو موظفتين ومازال الموضوع بطيء

تقريبا ًالبنت الوحده كانت توقف ع الشباك من عشر دقايق لـ ربع ساعه الا ماندر!

جا دوري الساعه 9 ونص تقريباً واخذت اوراقي وطابقت وكتبت اسمي ورقم جوالي والتخصص اللي انقبلت فيه في دقيقتين بس !

استغربت صراحه ولما سألتها قالت لي لانك مرتبه اوراقك

(حطيت صورة الوثيقة فوقها كشف الدرجات وحسن السيرة وورقة صفحة القبول اللي مكتوب فيها اني مقبولة وصورة كرت العائلة و التعهد اللي اعطونا نعبيه واخر شي ع الوجه الايصال وصورتين شخصية ومسكتهم بكلبس ورق)

يعني العيب في البنات الله يهديهم

مو في الموظفات رغم قلتهم

فيه ارقام وكراسي جوا الغرفه وبرا في الممر

رغم كذا البنات متجمعين عند الشباك !

خلاص احنا بنات كباااار كل وحده متخرجه وجايه تقدم ماستر او دبلوم

حرام فيه بنات كانو مخلين بناتهم في السيارة وواقفين يستنو الدور

ليه اللكاعه اللي مالها داعي؟؟

بالنسبة لأغلب اسئلة البنات في المنتدى...

الكشف الطبي مو مطلوب ولا احد جاب سيرته

الدورات مو مطلوبة ولا جابو سيرتها

بس قالو هاتو التوصيات ان وجدت

الاسبوع الجاي نجيهم عشان ناخذ الارقام الجامعيه عشان نقدر نشوف جداولنا

الاسبوع اللي بعده نستلم البطايق

الله اعلم متى تبدا الدراسة اظن في اسبوع البطايق

سؤال الاخت روعة الاخاء

اخر يوم لمطابقة الاوراق يوم 9 يعني بكرة حاولي تجي لا يضيع عليك

الكشف والدورات مو مطلوبين

وتسلمي ياعيني على الدعوات الحلوة

والحمدلله حمداً كثيراً طيباً مباركاً فيه

[مسرعه بشويش]

انا بعد مثلك بسرعه خلصت لدرجة اني شكيت فيه شي ناقص .. بعدين انتبهت عشاني مرتبه اوراقي بسرعه خلصت

بنات معليش متى تجي بطايقنا يعني كل مره نجي ندخل بالوثيقه ؟؟؟

مســــــرعه بشويـــــــش

[حبي لذاتي قمة أولوياتي ~]

فيزيائية + مسرعة = مبروك ألـــــــــــــــــــــــــــ1000ـــــــــــــــــ ف مبروك على المطابقة عقبال الباقي ،’

[امل وامال]

انا الحمد لله خلصت بسرعة بس الله يعين سألتها عن الرقم الجامعي قالت الاحد .. الاثنين طيب والبطافة ؟؟ قالت الاسبوع الثاني من الدراسة مشاوير الله يعين عليها ..

ماشاء الله اختي اليوم قي الفيصلية اخذت الرقم الجامعي في نفس يوم المطابقة

[فيزيائيه طموحه]

الله يبارك فيك ياحبي لذاتي

وعقبال كل البنات يارب الله ييسر امورهم

[shoshooooo]

بنات انا اخذت مني صورة الوثيقه وكرت العايله والايصال وصورتين شخصيه وعبيت التعهد
ولما سألتهاعن كشف الدرجات وشهادة حسن سيره وسلوك قالت مايحتاج
مدري مو مطمنه؟؟