قرآن كريم..ماده حرة^^

[سحر الوجدان]

السلام عليكم ورحمة الله وبركاته
..
بنات انا حابة اسئلكم عن مادة القرآن الكريم..211
لأني حابة انزلها انا وصحباتي كمادة حرة....

اول اسئلتي..هل رمزها 211isls??

تاني سؤال..ايش المنهج حقها..?
وعلى فكرة اذا فعلاً هذا رمزها..انا طلعت الشعبة الي تناسبني مع
الدكتورة مها عبد القادر الشاطر..كيف اسلوبها وتعاملها..و اختبارتها..??
وحتكون محاضرتها من 8 فأخاف اني اتأخر..هل تحاسب عالتأخير??

وبس طولت عليكم آسفة..
وشكراً مقدماً
لكم ودي
Ф(∩_∩)Ф

[غيم تايه]

وعليكم السلام ورحمة الله وبركاته
القران الكريم 211
هذا الرابط تجربة احد الطالبات جزاها الله خير ،، صحيح مع دكتورة ثانيه لكن يعطيك فكرة تامة عن المنهج
وطريقته ..
http://www.skaau.com/vb/showthread.php?t=332482

[flower life]

ياليت احد يعطينا نبذة عن أ. مها الشاطر

[غيم تايه]

شوفوا افادة روح محلقة
http://www.skaau.com/vb/showthread.php?p=3590591

وشوفوا افادة احلى غدير
http://www.skaau.com/vb/showthread.php?p=4647448

[سحر الوجدان]

شكراً غيم تايه..
بشوف الروابط..

والله يجزاكي كل خيررر
^^

[سحر الوجدان]

flower life ..

انتي منزلة الماده معها..؟؟
اعتقد انو الدكتورة جديدة لان طالعت في قائمة الشعب حقت
الثقافة..ما تعطي ولا مادة غير قرآن وشعبة وحده..

اتمني استنتاجي يكون خطأ ..ونلقي من يعرفها
^^

[flower life]

المشاركة الأصلية كتبت بواسطة سحر الوجدان flower life .. انتي منزلة الماده معها..؟؟ اعتقد انو الدكتورة جديدة لان طالعت في قائمة الشعب حقت الثقافة..ما تعطي ولا مادة غير قرآن وشعبة وحده.. اتمني استنتاجي يكون خطأ ..ونلقي من يعرفها ^^

لا لسسا ياعسل مانزلت بكرا ان شالله بروح انزل

وانا اول مره اسمع اسمها وسألت محد عرفها من صحباتها

أنا نفسي مع أ.ساره روزي بس قفلت شعبتها

وحابه استفسسر
ازا كانت الشعبه مقفله وقلتلهم يحطوني فيها يوافقو عادي والا يخلوني اختار شعبه تانيه والا كيف .؟

[عمرٌ جديد]

حبايبي
أ.مها الشاطر صارت معيدة من بداية السنة اللي راحت ومسكت قرآن وامكن مادة ثانية ماادري

حضرتلها محاضرة واحدة في اول ترم درّست

مااقدر احكم عليها كويس
اسألو عنها كمان

انا انصحكم تاخدوا مع د.هناء أبو داود
أنا أخدت معاها

قراءتها ماشاءالله جدًا (متقنة)
وممتازة في التدريس ..
روحها حلوة وتعاملها محترم ..


أ.سارة روزي
اسألي عنها بخصوص المادة والدرجات لوكان همك الوحيد تجيبي درجات لأني ماجربتها في القرآن
بس أ.سارة كشخص
حتستفيدي منها كثير بإذن الله في حياتك واهم شي علاقتك بربك
وكل اللي عرفها حبها
مريحة جداً


أ. ندى اليماني
جربتها في مادة تانية (عقيدة1) مررررا أخلاق ماشاءالله وتعتبر متساهلة بس ماأعرف كيف في القرآن


وبالنسبة لتوسيع الشعب
اتذكر السنة اللي راحت في الترمين
شعب القرآن وصلت ل 40 طالبة وامكن اكثر
والترم اللي راح شكل الطلب كان على المادة كثير فزودوا عدد الشعب لاكثر من 4
انتي اطلبي من "الملك" جل جلاله و"استخيري" وبعدين روحي وحاولي تطلبي توسيع شعبة

بس قبل ماتاخدوها
اسمحولي اقول شي حبايبي
كل وحدة تفكر هيا اش تبغى
حتى لو اخدتيها كمادة حرة

دي مادة (كتاب الله.)..
مو اي مادة تانية

اول شي تخلصي نيتك لله قبل ماتاخديها..

المفروض انك تخرجي من المادة وانتِ -بعون الله- حافظة جزئين 28 و 29
وحيكون التجويد عندك و ومخارج الحروف اتحسنت بشكل (كبيييير)
واذا ربي فتح عليكي واجتهدتِ حتتقنيهم..
حتسير قراءتك قريبة للشيوخ القراء مرا وحتى تسيري تقدري تصححيلهم لو غلطوا ^^

-لو اخلصتِ نيتك لله انك تبغي تحفظي وتتقني القراءة من اجله-
ما اخبي عليكي المادة حتاخد منك اكبر مجهود خلال الترم لانو الحفظ حيكون مكثف للي مو حافظين
وحتبذلي مجهود اكبر في التجويد واتقان المخارج
لانو التعب حيكون منك وعشان نفسك... عشان انتِ تتقني التجويد
الاستاذة ماحتجري ورا كل وحدة لانو البنات كثير


لكن الاختبارات التحريرية -بالنسبالي- ابسط شي في المذاكرة بالنسبة للمواد الثانية..

اطلبوا من الله ومارح يخيبكم واسألوه الاخلاص
واستخيروا واتوكلوا..


الله يتولى أموركم يارب.. :)

[سحر الوجدان]

المشاركة الأصلية كتبت بواسطة .. Flower life .. لا لسسا ياعسل مانزلت بكرا ان شالله بروح انزل وانا اول مره اسمع اسمها وسألت محد عرفها من صحباتها أنا نفسي مع أ.ساره روزي بس قفلت شعبتها وحابه استفسسر ازا كانت الشعبه مقفله وقلتلهم يحطوني فيها يوافقو عادي والا يخلوني اختار شعبه تانيه والا كيف .؟

اها..
بما انك تبغي مع استاذة سارة حطي شعبتها..وقولي للمرشدة تضفلك هية
في حال اتوسعت الشعبة يحطوكي معها..واذا لا يسير يحطوكي مع مها..
يعني اكتبي الشعبتين في ورقه الحذف والأضافة..بس تقولي للمشرفة الأولوية لشعبة ا سارة
وربنا يخترلنا الخير وييسر امورنا
^^

[سحر الوجدان]

المشاركة الأصلية كتبت بواسطة عمرٌ جديد حبايبي أ.مها الشاطر صارت معيدة من بداية السنة اللي راحت ومسكت قرآن وامكن مادة ثانية ماادري حضرتلها محاضرة واحدة في اول ترم درّست مااقدر احكم عليها كويس اسألو عنها كمان انا انصحكم تاخدوا مع د.هناء أبو داود أنا أخدت معاها قراءتها ماشاءالله جدًا (متقنة) وممتازة في التدريس .. روحها حلوة وتعاملها محترم .. أ.سارة روزي اسألي عنها بخصوص المادة والدرجات لوكان همك الوحيد تجيبي درجات لأني ماجربتها في القرآن بس أ.سارة كشخص حتستفيدي منها كثير بإذن الله في حياتك واهم شي علاقتك بربك وكل اللي عرفها حبها مريحة جداً أ. ندى اليماني جربتها في مادة تانية (عقيدة1) مررررا أخلاق ماشاءالله وتعتبر متساهلة بس ماأعرف كيف في القرآن وبالنسبة لتوسيع الشعب اتذكر السنة اللي راحت في الترمين شعب القرآن وصلت ل 40 طالبة وامكن اكثر والترم اللي راح شكل الطلب كان على المادة كثير فزودوا عدد الشعب لاكثر من 4 انتي اطلبي من "الملك" جل جلاله و"استخيري" وبعدين روحي وحاولي تطلبي توسيع شعبة بس قبل ماتاخدوها اسمحولي اقول شي حبايبي كل وحدة تفكر هيا اش تبغى حتى لو اخدتيها كمادة حرة دي مادة (كتاب الله.).. مو اي مادة تانية اول شي تخلصي نيتك لله قبل ماتاخديها.. المفروض انك تخرجي من المادة وانتِ -بعون الله- حافظة جزئين 28 و 29 وحيكون التجويد عندك و ومخارج الحروف اتحسنت بشكل (كبيييير) واذا ربي فتح عليكي واجتهدتِ حتتقنيهم.. حتسير قراءتك قريبة للشيوخ القراء مرا وحتى تسيري تقدري تصححيلهم لو غلطوا ^^ -لو اخلصتِ نيتك لله انك تبغي تحفظي وتتقني القراءة من اجله- ما اخبي عليكي المادة حتاخد منك اكبر مجهود خلال الترم لانو الحفظ حيكون مكثف للي مو حافظين وحتبذلي مجهود اكبر في التجويد واتقان المخارج لانو التعب حيكون منك وعشان نفسك... عشان انتِ تتقني التجويد الاستاذة ماحتجري ورا كل وحدة لانو البنات كثير لكن الاختبارات التحريرية -بالنسبالي- ابسط شي في المذاكرة بالنسبة للمواد الثانية.. اطلبوا من الله ومارح يخيبكم واسألوه الاخلاص واستخيروا واتوكلوا.. الله يتولى أموركم يارب.. آمين اجمعين :)

من كلامكم عن ا هناء حبيت اني اخذ معها...
بس للأسف وقتها ما يناسبني..
وعلى فكرة حمستني اني انزل الماده اكثر

جوزيتي خيرا"
^^