ادارة اعمال دولية

[دودي الامورة]

ياينات الله يخليكم الي تخصصها ادارة اعمال دولية ايش اخدتو مواد حرة واختيارية
كل مااسئل يقولولي من تخصص تاني انا مو فاهمه قولولي اسم المواد الحرة والاختيارية
هادي اخر سنة ساعدوني الله يوفقكم

[E..~]

<~ نفس الحآله

[حسوون العولقي]

انا اخذت ماده اختياريه تخطيط وتنميه الموارد البشريه bus335

مع الدكتور هاني العمري .. ماده جداً حلوه ولها مذكره معتمده للدكتور 33 صفحه

[دروووب]

انا م اعرف اشرح بس بحاول قد م اقدر اوصل لك الفكره

شوفي المواد الاختياريه تكون من مسارات ادارة الاعمال اللي هيه ( تسويق - موارد بشريه )
اما الحرّه ف بتكون من تخصص الإداره العامه ..

بالنسبه للمواد اللي تختاري منها .. تلاقيها معلقه ع البورد اللي عند غرفة الحذف والاضافه .. لآن مو كل المواد بتكون مفتوحه يعني تقدري تضيفيها ..

بالنسبه لي .. اخذت المواد الاختياريه قياده وابتكار - مباديء اداره عامه - وعلوم سياسيه
والحر اخذت مشروعات عامه - حكومه الكترونيه


وشوفي هالموضوع راح يفيدك
http://www.skaau.com/vb/showthread.php?t=450088

وموفقه : )

[Mona ALharbi]

أنا أخذت مبادئ علوم سياسية و أخلاقيات عمل
و باخذ نظام سياسي سعودي الترم هذا إن شاء الله

كلها إختيارية بس أخلاقيات عمل بساعتين و أدور على مادة رابعة


موفقه

[الأستاذ برغش]

المواد الاختيارية من كلية الاقتصاد والادارة 9 ساعات طبعا يعني من اي تخصص بكلية الاقتصاد مثلا ادارة عامة او تنظيم وتطوير او تسويق او موارد بشرية شوفو مواد بالتخصصات هذي ماهي موجوده بالخطه الدراسيه حقتكم وخوذوها

المواد الحرة من كلية خارج الاقتصاد والادارة يعني من كلية الاداب او الشريعه او علم النفس معدل 6 ساعات موووووفقين ان شاء الله

[BesO]

هيا 3 اختياري و 2 حر
انااخدت
اختياري قياده وابتكار و علوم سياسيه
و حر علاقات عامه
باقيلي 1 اختياري و 1 حر
مفكره الترم الجاي اخذ اختياري نظام سياسي سعودي وحر لسه مو عارفه

[دروووب]

المشاركة الأصلية كتبت بواسطة الأستاذ برغش المواد الاختيارية من كلية الاقتصاد والادارة 9 ساعات طبعا يعني من اي تخصص بكلية الاقتصاد مثلا ادارة عامة او تنظيم وتطوير او تسويق او موارد بشرية شوفو مواد بالتخصصات هذي ماهي موجوده بالخطه الدراسيه حقتكم وخوذوها المواد الحرة من كلية خارج الاقتصاد والادارة يعني من كلية الاداب او الشريعه او علم النفس معدل 6 ساعات موووووفقين ان شاء الله

هالكلام ف قسم الاولاد ..
احنا البنات الاختياري من مسارات اداررة الاعمال والحر من اداره عامه : )
م ناخذ شي من برآ الكليه : )

[المتميزة]

سؤال:
بالنسبه للمواد الحرة اقدر اخذ مواد من قسم علم النفس