"طالبات الإنتساب ..تجمعنا للإستفسارات حول الجداول والمواد "تمنياتي لكم بالتوفيق ..

[احلوت دنياي بلقياك]

ميين احسن الاستااذات لهذي المواد
مدخل توجيه نفسي وارشادي مدخل احصاء نفسي ثقافه 4

[غلا الإحساس]

السلام عليكم
انا طالبة إنتساب مستجده في علم النفس
طبعآ ما نزلي الجدول لان لس ماسدت
بس ابغى منكم تنصحوني ايش احسن دكاتره يدرسو مواد في التخصص
ولكم جزل الشكر

:)

[طفله خانها التعبير]

السلام عليكم

حبيت أخذ رايكم في جدولي


الإحصاء النفسي

ثقافه اسلاميه٣

علم نفس نمو << اتوقع هذا اسمه ناسيه :d

اشرايكم بالمواد حلوه وسهلة وتفتح النفس :d

طيب العربي اشرايكم فيه دسم او حلو يعني اضيفه بالجدول

جزاكم الله جير

[طلة ملكه]

السلام عليكم ورحمة الله وبركاته
كيف الحال وش اخباركم عساكم بافضل حال يارب
وكل عام وانتوا بخير
الله يجعلها بداية سنه حلوه وموفقه يارب

شمعة الجامعة والكل ابي وقفتكم معي فجدولي اكيد انتوا عارفييني اصلا مالي غيركم بعد الله
دايم اسوي جدولي بفضل الله ثم بمشورتكم الي عمرها ماخابت
وياربي لك الحمد درجاتي من عالي الى اعلى

انا الحين بقى لي حول 13 ماده ووربي يكتب لي التخرج بس حايسه ولاني عارفه وش احط مواد هالسنه
انا للحين ماسددت بس راح اسدد على اخر الشهر ان الله راد
بس ابي رايكم ياشمعة الجامعه والكل الله لايحرمني منكم يارب

بس اول شي بقولكم حاججه انا معدلي الحين 2,80 وان شاءالله لازم هالترم اوصله لل3 عشان كذا ابي جدولي هالترم فيه مواد اضمن انها ترفع معدلي تكفون طلبتكم الكل ابي وقفتكم معي الله مالي غيركم بعد الله
يالله ببدا الحين واقولكم المواد الي بقت لي وقولولي انتوا وش اضيف
مقرر حر ( 1 )
مقرر حر ( 2 )
ثقافة اسلامية ( 4 )

التوجيه والارشاد النفسي
علم نفس فئات خاصة
علم النفس الجنائي
علم النفس المهني
التدريب الميداني ( 1 )

علم النفس العيادي
التفسير الاسلامي للسلوك
ت_النفسية لوسائل الاعلام
بحث تخرج
التدريب الميداني ( 2 )

بس بقولكم حاجه انا مااخذت ماده ادارة عامة ولاني عارفه وش بديلها هل هو لها بديل من الاصل او بس لغوها كذا
تكفون بنات طلبتكم ابي رايكم فاقرب وقت ممكن بجد حاااااااااااايسه وشايله هم كبير
ودي اتخرج هالسنه بس مدري اقدر والا لازم اضيف ترم بعد
الله يخليكم والله مالي غيركم بعد الله الله لايحرمني منكم انتظركم على احر من الجمر

اختكم المحتاره :- طلة ملكة

[@ هفوات @]

المشاركة الأصلية كتبت بواسطة طفله خانها التعبير السلام عليكم حبيت أخذ رايكم في جدولي الإحصاء النفسي ثقافه اسلاميه٣ علم نفس نمو << اتوقع هذا اسمه ناسيه :d اشرايكم بالمواد حلوه وسهلة وتفتح النفس :d طيب العربي اشرايكم فيه دسم او حلو يعني اضيفه بالجدول جزاكم الله جير

جدولك حلوو بس انتي مستوى ثالث يعني تاخذي ثقافه 2
والعربي مررررره سهل وفي ملخصات بالمنتدى مررره روووعه
ولو تضيفي مدخل علم النفس لجدولك كمان سهل


وبالتوووفيق يا عسل

[ابتسم لتكون اجمل15]

السلام عليكم ورحمة الله وبركاته
كيف حالكم
حبيت اسالكم اقدر اخذ تدرريب 1 مع بحث تخرج
بس لسى مااخذت تدريب 2

[dhomi]

المشاركة الأصلية كتبت بواسطة @سويت روز@ بنات الـــدوره حقتنا مو الشهر الجآي 17 ؟؟ شمعـــه الجآآآمعه مبـروووووك ع الاشرآآآف والله يعينــك .. انآآ مستوى سابع بس متاخره ب 7مواد عن الخطه :) الموآد اللي مأ اخذتها احصـآء .. قيـآس .. منآهج بحـث .. مقدمه في العلـوم .. نصوص نفسـيه .. تجريـبي .. توجيه وارشاد نفسي .. المهـني .. العيـآدي .. التفسير الاسلامي .. ثقـآفه 4 .. الشبآب وقيم الموآطنـه .. تدريب 1 و2 .. والمواد الحره .. تقريبآآ هذي موادي .. ياليت تساعديني ب 5مــــوآد

هلا فيك اختي سويت روز

ايه الدورة التأهيليه للمستوى 6 الى 8 تبدء من الشهر القادم بتاريخ 17/11

وبخصوص موادك حاولي تضيفي المواد الي لها متطلب

اعطيك خياري الي انظر انه الافضل لك بإذن الله

الاحصاء _ وتابعي بالجامعه لو امكن يضيفوا لك القياس بعد ...ممكن ماترضى باول مره بس بالتي واللوتيا ممكن تنزلها

اضيفي التجريبي _نصوص _ وثقافه 4 _

ولك الخيار اذا حابه تضيفين المواد الجديده وحده منهم

مع انه يفضل تأجيلها لترم الجاي ...لانه مانعرف طبيعة المواد الجديده ومين ممكن يعطي المواد من اساتذه ..غير ذلك بتكون الاسئله للاختبار النهائي جديده ماعندك اي خلفيه عنهاااا


ولكــن ارجع اقولك اذا بامكانك زيارة الجامعه مع بداية فتح الحذف والاضافه ... لاضافة القياس واشرحي لهم ظروفك

لانه مثل ماتعرفين من بداية الاحصاء متطلب لاهم مواد القسم بدء من القياس ثم المناهج ثم التدريب 1 ثم تدريب 2 وبعدها واخر شيء بحث التخرج

ولايمكنك تتخطين مادة من هذي المواد دون انجاز الماده الي قبلهاااااا الى ان تجتمع معاك اخر مادتين منهم الي هي تدريب 2 وبحث التخرج

واسال الله لك التوفيق والنجاح
واتمنى اكون ساعدتك بما ينفعك

اختك / ام دحوووم

[dhomi]

المشاركة الأصلية كتبت بواسطة احلوت دنياي بلقياك ميين احسن الاستااذات لهذي المواد مدخل توجيه نفسي وارشادي مدخل احصاء نفسي ثقافه 4

حياك الله اختي "حلوت دنياي يلقياك"

عزيزتي اسماء الاستاذات الى الان مانزلت ...ولكن انتظري نزول الاسماء وان شاء الله يكون عندك وقت كافي تستشيري بهالخصوص
لانه صعب نحدد لك استاذات واحتمال يتغير نظام الاستاذات هذا الترم

انتظري عزيزتي
وان شاء الله نفيدك
واي استفسار ابشري

اختك / ام دحوووم

[dhomi]

المشاركة الأصلية كتبت بواسطة غلا الإحساس السلام عليكم انا طالبة إنتساب مستجده في علم النفس طبعآ ما نزلي الجدول لان لس ماسدت بس ابغى منكم تنصحوني ايش احسن دكاتره يدرسو مواد في التخصص ولكم جزل الشكر :)

وعليكم السلام

هلا وغلا فيك اختي الغاليه "غلا الاحساس"
وحياك الله في قسم علم النفس
اتمنى لك رحله موفقه ومشوار علمي ناجح ..فهنيئاً لك الانتساب للقسم ..واتمنى ان يهنئ القسم بتواجدك وبتعاونك مع اخواتك

بخصوص الاستاذات عزيزتي جميعهم فيهم الخير والبركه ...ولكن لكل استاذه اسلوبها الخاص
انتظري لين تسددين وينزل لك جدولك ...وبإذن الله الاخوات راح يفيدونك

وبالمناسبه المواد رائعه وبسيطه وروعتها اذا اخذتي بمذاكرتها بجد ومتعه معاً
اسال الله لك التوفيق

ودمتي بحفظ الله
اختك / ام دحوووم

[dhomi]

المشاركة الأصلية كتبت بواسطة طفله خانها التعبير السلام عليكم حبيت أخذ رايكم في جدولي الإحصاء النفسي ثقافه اسلاميه٣ علم نفس نمو << اتوقع هذا اسمه ناسيه :d اشرايكم بالمواد حلوه وسهلة وتفتح النفس :d طيب العربي اشرايكم فيه دسم او حلو يعني اضيفه بالجدول جزاكم الله جير

وعليكم السلام

حياك الله اختي الغاليه
بخصوص المواد الي ذكرتيها حلوووه وتحتاج منك الاستذكار اول بأول

الاحصاء رائع اذا طبقتي المسائل وكررتي حلها ...راح تلاقينها سهله جدا ..
ولكــن اذا كنتي مستوى الثالث او الرابع اتوقع عليكم الالتزام بالخطه الدراسيه

وهذا الي انصحك فيه اضيفي الساعات المسموح فيها والي تقدرين على انجازها والتزمي بالخطه يساعدك بالتخرج سريعا بإذن الله

واتمنى لك التوفيق
اختك ام دحوووم