طالبات المستوى الثالث ....( لتكن البداية بضاعة ليست مزجاة ).. ((متجدد)) ..!!

[شــــــوزن]

هلا مروة

مو المشكلة هذي الحيرة
هي اللي تتعبنا

شوفي قرري قرار سريع في اقرب مادة لنفسك

واتوكلي ع الله ياعزيزتي ..

ربك بيسرها ..


قدامنا وقت

اهم شي لاننتظر السنترا


نبدا من دحين

يعني مواد الانجلش نبدا ترجمة فيها حتى لو ترجمتي يونتات ماهي معانا في الاول والاخير حنستفيد
لأن الترجمة وحفظ الكلمات من صالحنا

بالنسبة للمواد الثانية
زي الثقافة مااتوقع حيكون محذوف كثير
احنا نذاكر المهم المهم
وربك ييسرها

اهم شي نكسب وقتنا

مابقي كثر اللي راح يابنتي << قلبت مسلسل كويتي

[nour al3mr]

^
شوزن
أطلعي على قسم الملخصــــآت
الأعضاء في فترة ترجموا بعض القطع لكن ما أفتكـر لاي مستوى هل الثالث أو الرابع

ربي يوفقكم

[ام حمدان]

مروره

ياعسل

لو مستواكي كويس في القرامر وعندك مخزون مفردات كويس فتوكلي على الله وخذي الكتابه وان كان العكس فاجليها وماراح تتاثر خطتك كثير لان ماهي متطلب غير لمادتين او 3

بالنسبه للمناهج اضمن لك انها الcollege مكتبة الاصلاح على تواصل مع ادارة القسم وقالوا المقرر عليكم هي نفسها مناهج العام + احد الطلاب سال دكتور ماده القراءه عندهم وقال ان المنهج نفسه ماتغير ومعروف طلاب وطالبات الانتساب يدرسوا نفس المنهج خاصه في المستويات 3و4

فروحي اشتري الكتب وابدي مذاكره


ولا تنسوا قسم الملخصات مليئ بالمواضيع الي تفيدكم في موادكم اطلعوا عليه


موفقين

[شــــــوزن]

بارك الله فيكم جميعاً ..



بالنسبة للكتب حق التخصص

انا لقيتها الثلاثة في مكتبة دار حافظ سعر الواحد 35 ريال


بس مصورة

وتصوير واضح ..



اش كنت ابسأل كمان

اممممم


نسيت ^_^

[مروره]

شوزن ..اي والله مابقي كثر اللي رااح من جد فعشان كذا ماراح انتظر السنترا اللي كأنها (رفع عتب )
صح شوزن ..انا سمعت انه فيه كتاب فوكابلري تشتريه مع المناهج اشتريتيه ولا سمعتي عنه ؟؟

أم حمدان ....بس قوليلي يعني الواحد فين يروح من جمايلكم ...الله يريح بالك انتي ونور ويرضى عليكم وويرزقكم من حيث لاتحتسبووووون
ويجعلنا واياكم ووالدينا ممن يظلهم الله بظله يوم لا ظل إلا ظله


بس الله يسعدك انتي ونور جهزوا الصبغه فيه بوادر شيب في راسي من دحين
وحده تشتريها والثانيه تصبغها وووخلصناا مايأمر عليكم ظالم^_^

[nour al3mr]

^
ولاعليك نعمل يوم الصبغ العالمي ههههههههههههههـ الله يسعــدك

كتـآب الفوكابلري تشتروهـ منفصل .. واعتقد انه مطلوب منكم
أما الطلاب لا ماهم مطالبين فيه =)

[شــــــوزن]

ايوا لقيت الكتاب في المكتبة
ونفس السعر

وحشتريه اليوم باذن الله


مروة اذا حابه نبدا سوا
ماعندك مشكلة
تراني قدعه ^_^ << بفتح الدال




بالنسبة ليا انا الحمدلله كنت ادرّس بنات ثانوي خلال الثمنية سنين اللي راحت ادرسهم نحو
عشان كذا خليت العربي لبعدين عشان اضمن باذن الله اني ازيد معدلي
واخذت دحين الششي اللي اقدر عليه
الثقافة بديت مذاكرتها
وباينه انها لطيفة << الله يتمم يارب ^_^ مو بعدين انفجع

الفكر الفلسفي
يتكلم عن الفلسفة في ضوء الاسلام ومن الهرج هذا
وان شالله انو تناوله يكون خفيف ع القلب

امممم المواطنة وطنية وكلام من حق الوطن وماالى زالكا ^_^
مافي مشكلة ينحفظ كلو لاجل الوطن اللي يكرف ابونا رسوم ^_*

وكفى الله المؤمنين القتال

ها كيف .. جدولي يجي ولا مايجي ياااعالم ؟!!!


انا حسوي لنفسي جدول من يوم السبت ابدا فيه مذاكرة باذن الله



وربكم يعييييييييييييين


نور وام حمدااان

الله يكتبلكم اجر كل حرف تكتبوه

[nour al3mr]

شوزن

جدولك تمام ماشاء الله و ربي يحفظك يعني عندنا مدرسة لغة عربية =)

الله ييسر امرك =)

[شــــــوزن]

^

احم احم

مين ناداني ؟؟

<< محّد يكبّرلها راسها ويقول مدرّسة هههههههه


والله يبشروا اللي يبغوا مدرسة عربي ..

الحصة بريال ونص << النص يجيني قبل الريال هههههه

[nour al3mr]

ينفع في الكولا هههههههههههههههههههـ ربي يسعد قلبك ياشيخه ويزيدك فضل ونعمه