الاعتذار عن ترم

[fatoom sweety]

والله الاخوان والاخوات كفوا ووفوا .الصراحة شيء يزعل انك تحولي من كلية جميلة ومستقبلها حلو والكل يتمناها الى كلية ثانية . وانتي لاتخافي انا متأكدة الخوف مسيطر عليكي عشان كدا مو قادرة تفهمي او تركزي بالكس انتي قدها لانك لو مو قدها ما كان قبلوكي فيها :) وانا رغبتي الاولى كانت علوم طبية وبعدين انقبلت علوم تخصص احياء وان شاء الله بحول علوم طبية شفتي كيف كم بنت تبغى تحول لكليتكم !!! انتي فكري كويس واستخيري لو الكلية هذه ما ناسبت (ميولك) بين قوسين ميولك وحسيتي انك ما حبيتيه وحبيتي الحاسب او الادارة وقتها حولي اما عشان صعبة مو عذر :) الله يوفقك ويسهلك يارب ويحقق احلامك واحلامنا واشوفك هناك بالكلية مبسوطة

[asma'a]

لا تخاافي ي عسلة ^^..

أنا مريت بتجربتك بالززززبط :p..

في أول ترم لي بعلاج طبيعي.. كنت أقوول بحوول.. إسألي كل اللي معي في الدفعة (من ضمنهم ودتي مراقبة القسم :$).. كل يووم أجي أقوولهم استحاالة اكمل هنا... وأنوااااع البكاء والإحباااااط وحالاااات نفسية :p..

وماسبت أحد ماقلتلوو عالتحويل :p..

للحين اتذكر دكتورة إيزابيل وأستاذة سراء لما قلتلهم ع رغبتي في التحويل.. كلهم قالولي لسى انتي ي دوبك في البداية.. والترم أغلبوو مواد عامة.. وانتي احكمي ع مواد التخصص بس.. والترم الثاني حيكون أسهل عشان تعودتي ع أسلوب الدكاترة .. ومن ذا الكلاااااااااااام....

قلت في نفسي.. يالله ي اسووم مش خسرانة حاجة.. كملي الترررم وشووفي االنهاية :p..
كملت الترم الأول بعد عنااء وجهد ^^.. بس الحمدلله لقيت ع قد تعبي :p..
واالترم الثاني دخلت ورغبتي فيه قووية.. رتبت نفسي .. وصرت أحاول قد ماأقدر مااأراكم المحاضرات وأقراها أول بأول.. وشوي شوي بديت أفهم التخصص أكثر.. ومع البحوثات اللي كنا نسويها.. ع بساطتها.. إلا إني كنت أتحمس لما أعرف معلومة جديدة.. وأتحمس أكثر في اللابات.. وكان لبعض الدكاترة تأثير ايجابي عليا.. كان بعضهم يحمسك ^^.. - الله يسعدهم وييسرلهم كل خير في الدونيا والآخرة -

وربي ماخلصت الترم الثاني إلا وأنا طاااايرة بالتخصص :$
وأكثر شيء يحمس لما احد يهرج عن شيء وإنتي عندك معلومات عنوو :p..
كنت أتفلسف ع قد ماأقدر :p..

بس ربك شاااء وصارت عندي ظروف وحولت لكلية الحاسب وتقنية المعلومات ^^..
طبعن اخترت هذا التخصص بالذات.. مو عشان أعلى وأحسن كلية بعد التخصصات الطبية :p..
اخترت القسم دا عشااان أعشق الكمبيوتر :p..
ومدام عشقي للعلاج الطبيعي لم يتوج بالتخرج :p.. <== متعوب عليها الجملة دي هع
راح أحاول أبدع قد ماأقدر بكلية الحاسب :$

في بداية تحويلي عانيت نفس معاناتك اللي بتعانيها واللي عانيتها أنا في أول ترم في العلاج :p..
لأن نظام جديد عليا.. بنات جدد.. ....... الخ
وكنت كل ماأشووف بوابة الكلية حقنا أدمّع.. (غير إني فقدت العلاج الطبيعي.. فقدت شووفة بنااات ينحطوو عالجرح يبرررررى)..
لكن الحمدلله أتواصل مع صاحباتي.. :$
ودحين أنا بحاااول أكتشف عالم الحاسب وإن شاء الله أكون مبرمجة آآآآد الدوونيا :p..

وبالنسبة للفسيولوجي.. ترى دي المادة فزيييييييييعة..
إحنا علاج أخذناها ترمين.. الترم الثاااني.. كنت أذاكرها باستمتااااااااع وفيه كتاااب أسلووبه جميل جدن وبسيط ويشرررررح بطريقة حلوة :$ بحاول أجبلك الإسم إن شاء الله ^^.. أنا كنت أرجعلو لما أحس إني مو فاهمة جزئية معينة :$
لكن شووفي حالي كيف كان الترم الأول.. عانيت وأخذت هم المااادة مرررررة عشان كنت أحفظ المعلومات بدون فهم.. -والصراحة ماحاولت أفهمها :p-..
الفسيولوجي مادة جميلة تقريها بتركيز وتفهمييها.. وفيه نقاط معينة تحفظيها.. لكن سياسة احفظي ماحتحببك في المادة وحتكرهك فيها كل ماتذكرتي اللي باقيلك ماحفظتيه^^..

وانتي في الأول والأخير استخيري ووكلي أمرك لربنا وإن شاء الله ربي يقدملك اللي فيه خيير ليكي في الدونيا والآخرة :$

وع فكرة الإستخارة مو إنك تحسي بضيقة ولا مدري ايش وتقولي خلاص دي نتيجة استخارتي :p..
للأسف دا المفهوم عن الاستخارة عند الكل ^^..
الاستخارة هوا إنك تمشي في الموضوع اللي تبيه (انتي افضلي استخيري باستمرارك في التخصص).. وتفضلي تستخيري.. لين ربي يقدملك اللي فيه الخيير.. سواء باستمرارك في التخصص.. أو عدم استمرارك ^^..

وأهم شيء الدعااااااااااااااء..
لا يرد القضاء إلا الدعااااء :$ ^^..

وإن شاء الله ربك يكتب اللي فيه خيير ليكي دونيا وآخرة :$

بالتوفيق ي بطتي :$

دمتـِ بخير ^^..