طـالـبـات خـطـة ب- تم تعديل العنوان

[gohst711]

اما بالنسبة للموضوع فأحب اقول أن إختبار اللغة الإنجليزية اليوم لطلاب خطة ب صعب جداً جداً جداً وهو ليس موجة لطلاب انتسباب مبتدئين وإنما موجة لطلاب الماجستير لصعوبته .
مع العلم أنني درست في معهد الإدارة بالرياض وكانت اللغة الإنجليزية مكثفة وكنت الصيف الماضي خارج المملكة لمدة اربعة أشهر ونصف لتعلم اللغة الإنجليزية وحصلت على دورات تدريبية في معاهد خاصة للغة الإنجليزية داخل المملكة ومع هذا كلة لم اتمكن من الإجابة إلا على 24 سؤال من مجموع الأسئلة والبالغة 60 سؤال .
واما للطالبات وكلامهن عن سهولة الإختبار والوعد يوم النتائج ، إلا إذا كان اختبارهن يختلف عن اختبار الطلاب فأقدم أعتذاري لهن .
وفي النهائية احب اشكر جميع الدكاترة الذين شاركو في وضع اسئلة امتحان التوفل لخطة ب

الرجاء حسن اختيار الكلمات فنحن في منتدى اكاديمي

تم التعديل

يلدرم

[بنت الرياض]

تكفون بنات لحد يرد عليه

[riyadh]

كلامك صحيح اخوى اختبارنا اليوم كان فوق مستوى الاشخاص المبتدئين الواحد مايمدح نفسة بس انا يوم شفت الاسئلة وبدية اجاوب عليها حسيت الى حاطها يبى الناس تطلع من الجامعة بصراحة مفردات الكلمات عجيبة غريبة اتوقع بالمستوى الثانى اذا الله وفقنا نبى ندخل نظام الاحتراف بالماده ونجيب لنا طلاب من الجامعات البريطانية او الامريكية ..

ولا بعد العالم الى ما حلو الا 40 سؤال من زين الطباعة وترتيبها الله يخلف بس ..

[المنتسب الجديد]

انا ماادري هذا موضوع والا مقدّم على وظيفة انت ؟

الاسئلة واضحة ومو صعبة وكثير من اللي اعرف جاوبوا ومرتاحين ،،

تكفى بنستفيد المواضيع اللي كذا بعد الاختبارات خذ راحتك ،،

>> مشرف

[طالبه متوهقه]

اقووووووووووول الاختبار للمستوى المبتدى في اللغه لو اختبار ثنوي طلع اصعب


الحمدلله الاختباااااااار soooooooooooo Easy

[حرامي الدجاج]

كلامك حبيبي صحيح .... انا زميلي اختبر محلي ومحد انتبه له ومعاه التوفل ويقول الله يعني اللي اختبر هذا اختبار مو مال سنه تحضيريه واشتكي من الوقت .... فديته شكله حل عدل

[الـمـقـاول]

بنت الرياض لا فعلا الاختبار اليوم صعب جدا .. اجل يعطينا مثال يقول بيتر دزنت ستدي انقليش .. هي كانت قو تو ذا اكزام << على ماعتقد كذا


ثم يجيب كم جمله مرادفه لهالجمله يقول اختر الصحيحه منها !! جيت ابترجم لنفسي هالجمل الي حاطهن كل ترجمه العن من الثانيه !!



الفراغات الي يقول املاهن بالكلمه المناسبه الي اعتقد بالصفحه الخامسه فيه كلمات لو ادور بكتاب الريدينق كله منيب محصلهن الا بعد مادوخ مرتين من التعب !! ليه ؟؟ حنا انتساب ومانطالب اسئلتنا تصير وات از يور نيم لالا ابدا بس المفروض من الي حط الاختبار لا يرخي الحبل ولا يشده لاننا سنه اولى تحضيريه وانتساب انتساااااااااااااب يعني ناس متخرجه من زمان بالثانوي يحطون لنا كتاب كننا طلاب قسم لغه انقليزيه !!


وانا بصراحه حاس بكل طالب مقهور منن البنات هنا من جد كل ماقلنا الاختبار صعب طبت علينا بنيه هنا وقالت والله انه سهل والله انه شربة ماء ياطيب يام سهل انتي ورا مادخلتي انتظام دام فيك كل هالجود بالدراسه بصراحه هي وحده من ثنتين ياان اسئله البنات تختلف عن اسئلتنا او بصراحه انتم مكانكم اعتى جامعات العالم دام فيكم هالمستوى من الذكاء والجود بالدراسه


كنت اقول بعدي اربع من خمس صرت اقول بعدي وحده من خمس والله يستر

[فتى المدينةMW]

:

وكلامك صحيـــــح

أمـــــــــا بالنسبه للطالبات خخخخخخخخخخخخ لاتعليق وإختبارهم صعب جدآ

[طالبه متوهقه]

يا شباب قاعتنا 70% خلصوا قبل الوقت وش يعني ؟؟؟


حتى المراقيه قااالت شكل الاختبار سهل



مشاء الله الله يجعل اختبار بكره سهل مثل اليوم

[شيريFBI]

اول شيء انامتاكدة مية بالمية ان الاسئلة تختلف بين البنات والاولاد..

انا اليوم طلعت قبل الوقت ب 10 دقائق..
انا ما انكر انو في كم سؤال فيه لفة وصعوبة..
بس 90 بالمية الاسئلة كانت واضحة وسهلة..
ونحنا مالنا مصلحة ان نكذب والا نبالغ ان الاسئلة كانت سهلة..ممكن اعرف ايش راح نستفيد لو هايطنا على قول الاخ كاتب الموضوع..اعطيني شيء واحد راح نستفيد منه..

ويوم اختبار المبادئ كان الاختبار سهل وصعب..على حسب النموذج..انا النموذج الي جاني كان فيه صعوبة بس الي جاه لصديقتي كان سهل جدا..

يوم اختبار مهارات الاتصال..النماذج كانت جدا سهلة وما فيها ولا صعوبة بس كان ضيق الوقت هو الي مصعب الاختبار..

واليوم الانجليزي..كثير من البنات طلعو وهم فرحانين ان الاسئلة سهلة ومريحة..وهذا ما يمنع انهم غلطو في بعض الاجابات بس الاجابات الصحيحة كانت اكثر..

وبعدين ترى التفوق قدرات مو يعني انك انت ومجموعة من الشباب ما حليتو زين وشفتو مجموعة حلت معناها انهم يهايطو او يبالغو..
اخوي اتمنى انك تنتبه لعباراتك انت وبعض الاخوة قبل ما تتلفظو فيها..