تطبيقات احد يفهمني بليز

[doojy]

الاتنين مع بعض

[&كيمو&]

اوك

بسم الله الرحمن الرحيم

نبدأ من الناحية المحاسبية

الحين مثلاً انت تبي تشتري ايباد 2 من مبلغ تجميعه من المكافأة الجامعية
ولو فرضنا انه 200 ريال

طيب راح تسحبي قسط شهري وتحطيه في مكان تجمعي فيه الفلوس
طيب
الشهر الأول القسط 200 << اخذتيه وحطيتيه في مجمع الفلوس الي بتاخذي فيه الأيباد
الحين في الشهر الأول صار التالي :
القسط المسحوب = 200 >>>> المجمع = 200
الشهر التاني :
القسط المسحوب = 200 >>> المجمع = 400

200 القسط الأول + 200 القسط التاني

في الشهر التالت :
القسط المسحوب = 200 >>> المجمع = 600

وهكذا إلى أن نتوصل لقيمة الأيباد 2 وناخذه

الفكرة كذا يعني طريقة القسط والمجمع

في الأصل الثابت يتم عمل نسبة استهلاك تقديرية بـالقسط الثابت
أو المتناقص أو مجموع ارقام السنوات أو أو أو

المهم في كل سنة يتم أخذ القسط ووضعه في المجمع إلى ان ينتهي العمر الإفتراضي
للأصل الثابت ومن ثم تتصرف فيه المنشأة سواء ببيعه أو اعادة تشغيلة أو أو أو

المهم أن فكرة المجمع كما في المثال السابق ولكن بفرق بسيط
أنه يكون بالسنوات ولس بالشهور

فهمتي هذه النقطة ؟؟؟

[doojy]

ايوا فهمت كدا لين هنا

[&كيمو&]

أوك

الحين نبغى نعمل هالفكرة على الإكسل

راح نعمل أول عمود لعدد السنوات
والعمود الثاني للتكلفة القابلة للإستهلاك
يعني قيم الألة - قيمة الخردة << قيمة ثابتة طوال العمر الإنتاجي
والعمود الثالث لنسبة الإستهلاك
الأعمدة السابقة ما تحتاج لعمليات حسابية
العمود الرابع راح يكون لقسط الإستهلاك كل سنة لوحدها
قسط الإستهلاك = نسبة الإستهلاك × التكلفة القابلة للإستهلاك
العمود الخامس راح يكون مجمع الاستهلاك
يعني في أول سنة = القسط الأول
السن الثاني = القسط الأول + القسط الثاني
السن الثالثة = القسط الأول + القسط الثاني + القسط الثالث
وهكذا


العمود السادس راح يكون للقيمة الدفترية
تكلفة الألة - قسط الاستهلاك

في السنة الأولى = تكلفة الألة - قسط 1
السن الثانية = القيم الدفترية - قسط2 أو تكلفة الألة - ( قسط1+قسط2)
وهكذا


فهمتي هالنقطة ؟؟

[doojy]

طيب نسبه الاستهلاك ماهي موجوده في السؤال ؟؟؟

[&كيمو&]

في القسط الثابت نسبة الإستهلاك كالتالي :

نسبة الإستهلاك = ( تكلفة الألة - الخردة ) ÷ العمر الإنتاجي

هذي اشياء في 101 لازم تكوني عارفتها


اذا باقي اي استفسار اطرحيه

[doojy]

طيب قسط الاهلاك ليه مانحسبو بالدوال ?

[&كيمو&]

طيب هو نفس الحكاية لو حسبتيه بالدوال
بس حبيت اوضح لك من فين جاء

على فكرة النسبة في القسط الثابت تكون ثابتة
يعني لو مثلاً نسبة القسط الأول 20%
راح تكون باقي النسب لكل سنة 20%
وكمان الأقساط متساوية اذا القسط الأول 1000
القسط الثاني راح يكون 1000
هذا بالنسبة للقسط الثابت

[doojy]

اها اوكي شكرا اخوي واسفه اني ازعجتك وتعبتك معايا والله يعطيك العافيه ويوفقك ويسعدك يارب ويجازيك خير ويجعلو في ميزان حسناتك

[&كيمو&]

العفو يا أختي مافي اي ازعاج ولا تعب
الله يجزاك كل الخير على دعواتك الحلوة

واذا احتجتي لأي مساعدة لا تترددي في الطلب
ان شاء الله نقدر نساعد

بالتوفيق للجميع
كل الود
&كيمو&