ينفع احول الى كليه الاداب؟؟

[إن غدا لنظيره قادم...]

مساء النور للكل
انا كنت اداره اعمال وقبل لايبدا الترم حولت اداره
وحسيت اني محستفيد من الاداره
فهل يمكن احول للمره التالته واغير الى كليه الاداب(علم نفس)؟؟؟؟

[إن غدا لنظيره قادم...]

upppppppppppppp

[*sweet smile*]

اذا كان مكتوب لك محول من كلية في الاوديس

فما اتوقع ينفع تحولي الى كلية الاداب

و بخصوص التخصص انا افضلك خليكي على الادارة

لانوا عموما كلية الاداب ماله مستقبل غير فقط التدريس

و علم النفس هو حلو التخصص و مرة ممتع بس للاسف مستقبله الوظيفي محدود جدا

و عموما ..
افضل تخصصات موجودة في الجامعة و لها مستقبل وظيفي حلو
هي كلية الادارة و الاقتصاد

هذا من وجهة نظري و من اللي اشوفه في الجامعة

بالتوفيق ^-^

[إن غدا لنظيره قادم...]

مافهمت ؟؟؟؟
محول من كليه

[خالد المالكي]

روحي الجامعه وهما يفيدوك اكثر

وللرفع لو كان في احد لو جواب

ولكن نصيحه صغيره ولك ان تقبلي او الرفض

ابحثي عن ابداعاتك في التخصص المرغوب لديك اولاً

وبالتوفيق

[*sweet smile*]

محول من كلية ‏
يعني قد سبق تحولتي من كلية الى كلية ثانية
عادة تكون مكتوبة في ايقونة معلومات عامة اللي بالاوديس
بس اذا كاتبين مستجدة تقدري تحولي ‏
و تابعي التقويم عشان تعرفي موعد التحويل ‏

[smile3]

يب ياقلبي عندك الحرية انك تحولي من تخصص للتخصص ومن كلية للكلية بس اهم شي يكون معدلك عالي..

بس انا اتفق مع سويت سمايل كلية الاداب مالها مستقبل تخصصتها نفس تخصصات كلية التربية باستثناء علم النفس وعلم الاجتماع..

وبالنسبة للعلم النفس مجالاتو جدا محدودة,,,

بس انا اقولك ع حاجة تفيدك...

http://www.kau.edu.sa/

ادخلي ع الرابط وادخلى ع كل الكليات وتلاقي التخصصات لما تفتحي ع التخصص

حتلاقي ايقونة مجالات العل او مجالات التوظيف حاجة زي كدا...

افتحي عليها واطلعي عليها..

وتاني شي شوفي انتى ميولك انتى ايش تبغي بس كمان فكري بمستقبلك وفكري انتى بعد دراسة (التخصص المعين)

فين حيكون مجال عملك شوفي المجال دا يتفق معاك ومع ميولك ومع ظروفك ولا لا..

اتمنى اكون افدتك ياقلبي

وبالتوفيق

[طموحي الامتياز]

الله يكتب لكِ اللي فيه الخير
ماعندي فكرهـ ... ان شششاء الله يجي اللي يفيدك

بسسس نصيحه لاتضيعي وقتك
بالتنقل بين التخصصات
شوفي التخصص اللي ترتاحي فيه
واستقري
وبالتوفيق ياآآآآآآآآربــ

^____^

[إن غدا لنظيره قادم...]

الله يوفق الجميع انتو كلكم حتقولو متررده وماعرف اش ابغا
لكن لازم تعرفو انو انا رغبتي الاولى طب واني اكمل ماجستير
ماحصلي مع اني متوفقه ومعدلي كامل بالثانوي
الله ماراد
فدخلت الاعمال اول بالغلط انضغطت الايقونه
واالاداره دخلتها عشان وحده وقتها مافكرت بالستقبل الانسان يغلط بس المهم انو يصلح غلطتو
وعلم النفس ابغاه عشان ممكن اكمل ماجستير وممكن اصير دكتوره
صحيح ماقدر احقق حلمي الاول الطب
بس ممكن احقق جزء منو
وانا ابدا مافكر بالشغل اهم شئ عندي الدراسه
ومره ثانيه اشكركم

[طموحي الامتياز]

المشاركة الأصلية كتبت بواسطة إن غدا لنظيره قادم... الله يوفق الجميع انتو كلكم حتقولو متررده وماعرف اش ابغا لكن لازم تعرفو انو انا رغبتي الاولى طب واني اكمل ماجستير ماحصلي مع اني متوفقه ومعدلي كامل بالثانوي الله ماراد فدخلت الاعمال اول بالغلط انضغطت الايقونه واالاداره دخلتها عشان وحده وقتها مافكرت بالستقبل الانسان يغلط بس المهم انو يصلح غلطتو وعلم النفس ابغاه عشان ممكن اكمل ماجستير وممكن اصير دكتوره صحيح ماقدر احقق حلمي الاول الطب بس ممكن احقق جزء منو وانا ابدا مافكر بالشغل اهم شئ عندي الدراسه ومره ثانيه اشكركم

الله يوفقك ياآآآآآآآآربــ ويكتب لك اللي فيه الخير
بما انك مخططه وحابه تكوني دكتورهـ
صدقيني حتصيري ...~
وانا مثلك ماافكر بالوظيفه قد ماتهمني الدراسه
بس برضه الواحد لازم يأمن مستقبل
ويختار تخصص يناسبه ..~
ويناسب ميوله وطموحه
.
.
لعله خير لك انك مادخلتي الطب
وعلم النفس مثل ماقلتي اذا كملتي ماستر
حتكوني اختصاصيه نفسيه
ششششي حلللللو .
.

افضل شي انك تروحي الجامعه
وتسألي عن التحويل .
واسسسال الله العلي العظيم
ان يكتب لك اللي فيه الخير ويوفقكـ