مارأيكم بتجمع خاص بطلاب الرياض ؟

[يحيى ابراهيم]

السلام عليكم ورحمة الله وبركاته

بعد التحية والتقدير لجميع من يقرأ احرفي المتواضعة


صحيح ان الغالب مننا ضايع ولايدري وش السالفة .. او بالاصح هاجتن فيه هههه وانا اولكم

لكن سألت بعض الاخوان اللي سبقونا بالدراسة .. اغلبهم يقولون توّكل ع الله سبحانه وتعالى وعليك بمدرس لمادتين او ثلاث المواد اللي تحّس انك ماتفهم فيها

بما أني خطة (أ) .. الحمد لله ماعندي مشكلة الا بمادتي الرياضيات واللغة العربية للأسف

والحمد لله لقيت لي مدرّس رياضيات زملائي كثير منهم درس عنده يقولون ممتاز جداً في حي الشفاء .. موعدي معاه اليوم اول حصة .. الملخصات ولله الحمد جابها لي واحد من جدة امس .. وبتجيني بكرة بإذن الله تعالى
وعلى فكرة .. هل يستدعي اني اشتري الة حاسبة معينّة للإختبار والا وش السالفة ؟

الحين انا قاعد ادور مدرّس لغة عربية ههههه داري فيه ناس بتضحك بس صدق انا من جنبها باللغة العربية :(


بعد هذه الخربطة الكثيرة .. اللي بوصل له .. ليش مايكون فيه زي التجمع لنا احنا طلاب الرياض كل طلاب على حسب خطتهم .. يعني انا وخطة (أ) وجميع اللي نفس الخطة نجتمع في هالموضوع مثلاً .. ونتناقش بعض ونطرح لبعضنا افكار او اي شي ممكن يفيدنا في الاختبارات او طريقة الدراسة او مدرسين كويسين او اي شي ممكن ينفعنا


وش رايكم ؟

[faten]

لازم آله حاسبه وممنوع تستخدم التليفون ..
اللغه العربيه أتصور ما تحتاج فيها مدرس ترا مره سهله حرام بس يبغالها اشوية تركيز وانتهينا ..

بالتوفيق ان شاء الله

[يحيى ابراهيم]

يااختي فاتن .. بالنسبة للآله الحاسبة .. امورها سهله ان شاء الله


المصيبة بالعربي .. اليوم جتني الملخصات وقعدت اقرأ فيها .. ياربااااه .. حسيت اني اهبل ما افهم شي ابد

انا انسان جداً سيء في اللغة العربية للأسف :(

[faten]

اللغه العربيه والثقافه الاسلاميه أهم شي نماذج الامتحانات السابقه والله أهم حتى من الملخص لأن الأسئله هي هي ما تتغير أبد وحتى نفس صيغة السؤال والله كوبي بيست هههههه ..

جمع الأوراق وذاكر منها احفظها حفظ

[تاج المشاعر]

تقرير اجتماع طلاب الانتساب بالرياض الثاني عشر

http://www.skaau.com/vb/showthread.php?t=279848

[يحيى ابراهيم]

اختي فاتن

فعلاً سمعت هالكلام من قبل وان السالفة كوبي بيست .. بس مشكلتي لما فتحت الملخص حق العربي وقعدت اقرأ فيه حقدت على الدراسة كلها هههههههه .. الغريبة ولله الحمد اني خلصت الثقافة الاسلامية بكل سهولة .. لانها تقرأ بدون لحسة مخ زي اللغة العربية ومنصوب ومجرور ومرفوع ههههههههه

الله يعين بس شكلي بدور لي مدرس يدرسني هالفترة الجاية





اخوي تاج المشاعر

ماكان عندي والله خبر عن الاجتماع والا كان حضرته

اذا فيه شي جديد عطونا خبر