افيدوني في تحويل القسم ضروووووووووووري؟؟؟؟؟

[هــــايدي]

أنا ابغى أحول من الحاسب

وابغى قسم في كلية الاقتصاد والادارة ويكون متاح للي درسوا المسار العلمي والادبي

و ابغى اسهل قسم في الاقتصاد والادارة

ويكون باللغة العربية

ومواده سهلة وواضحة

الله يخليكم ساعدوني وافيدوني
اذا عندكم معلومة عن هذا الشئ

واش اسوي بهذا الترم؟؟؟
اقدر اعتذر عنه واتخصص من جديد؟؟؟؟؟؟؟؟؟؟؟؟؟؟؟

[мαѕooяy]

التحويل بين كلية وكلية
موجود في الاودس حتلاقي خانة فيها التحويل
رتبي التخصصات حسب ماتبغي ،
بالنسبة لتخصصات الإدارة ، بالزبط ماقدر افيدك ،
تقريبا كل مسارات الإدارة يقدروآ يدخلوآ العلمي ، لاتقلقي ،

[بدون اسم؟؟]

اختي هايدي انا بانصحك نصيحه ااخت لاختها

الترم هذا شايفينه احنا كلنا صعب لاننا في البدايه لاتجعلي هاذا مقياس ع باقي الاترام ..عارفه هاذا الترم شبيه

بالتحضيري لاكن ع التخصص.... فكري واستشيري قبل اتخاذ اي قرار ..

قبل كل شي استخيري عشان ربي يسهل عليك

(صراحه لو تبين تتخصصين في الاقتصاد والاداره قسم يناسب العلمي المحاسبه )

[deathpain]

المشاركة الأصلية كتبت بواسطة هــــايدي أنا ابغى أحول من الحاسب وابغى قسم في كلية الاقتصاد والادارة ويكون متاح للي درسوا المسار العلمي والادبي و ابغى اسهل قسم في الاقتصاد والادارة ويكون باللغة العربية ومواده سهلة وواضحة الله يخليكم ساعدوني وافيدوني اذا عندكم معلومة عن هذا الشئ واش اسوي بهذا الترم؟؟؟ اقدر اعتذر عنه واتخصص من جديد؟؟؟؟؟؟؟؟؟؟؟؟؟؟؟

أنصحك أختي بإعادة التفكير ،، لأنك لن تجدي قسماً ممتعاً مثل الحاسب
لن يوجد قسم يتميز بالسهولة التامة ولا يوجد مثل هذا الشيء في الجامعة ،،
كل قسم فيه الصعب والسهل ،،
المواد إلي عندنا عسل ومافيها شيء،
البرمجة: مادة جميلة جداً يبغالها فهم وتطبيق فقط !!
الأساليب: بكل بساطة أشياء بديهية ولغة إنجليزية
حوسبة: المادة هذه هي أساس جميع علوم الحاسب، صحيح إنها دسمة لكنها تعتمد على الحفظ أول بأول
الإحصاء: مثلها مثل البرمجة تعتمد على حل التمارين بشكل دائم عشان تتعودي عليها !
والله يكتب لك إلي فيه خير إن شاء الله

[هــــايدي]

الله يجزاكم خير يا мαѕooяy
ويا بدون اسم
قسم المحاسبة سهل؟؟؟؟؟؟؟
وموادة باللغة العربية؟؟؟؟؟؟؟؟
يقدر يدخلع المسار العلمي ولادبي؟؟؟

وشكراً

[هــــايدي]

بس أنا خلاص ماعاد اتحمل
راحتي النفسية أولى

وانا من النوع اللي ما احب اتعب كثيييير
وبالذات اليوم المحاضرااات توووووووووووووحفة حسيت كأني توي طالعة من بطن أمي من الغباء

[deathpain]

صدقيني ،، اتعبي دحين ترتاحي بعدين هذي قاعدة في الحياة !!
وصدقيني بنات المنتدى ما راح يقصروا معاكي لو محتاجة شرح أو مساعدة، لازم نمر بصعوبات أثناء المرحلة التعليمية ولكن مو معناته نيأس ونستسلم !!
أنا أتكلم عن نفسي شخصياً مستعد أساعدك بإلي أقدر عليه ،، الحاسب قسم مميز لن تجدي مثله !
في الأخير القرار قرارك وأنا نصحتك وإنتي فكري واستخيري،،
الله يوفقك ويسهلك أمورك
أخوكِ عبدالكريم

[мαѕooяy]

اذا حتحولي من الحاسب بس لانوآ صعب
صدقيني كل الاقسام حتلاقي فيها صعوبة ،
الحاسبات مجالاته مرآ حلووو ، صحيح الادارة برضه لها مستقبل
لكن مو نفس قيمة الحاسبات ،
مو مشكلة تواجهي الصعوبة من اولها ، بحكم اننا مبتدئين ،
لكن بكرره مرآ رح يسهل عليكي ، صحيح ماقلك هو في كرف شويتين ،
طيب اذا مرآ مرآ ادخلي اي اس ، يدمج بين الإدارة وبين الحاسب
ومع ذلك ممتع وحلو وتتعلمي البرمجة ،
/
ربي يوفقك ان شاء الله ،
بالنسبة للمحاسبة ، ماعرف والله لكن ، اللي اعرفه انو تخصصات
الادارة بالنسبة للعلمي صارت انقلش

[asma'a]

بدون اسم - مسووري - عبدالكريم .. كلاااااااااااااااامكم ميييييييية ميييييييييييية ^^..

هايــــدي..

أنا كمان أأكدلك ع موضوع الاستشااااارة والاستخااااارة .. ^^

وإذا ع التعب حتى انا مااحب اتعب نفسي :p ..

لكن في بالي هدف ونفسي اوصلووو ^^..

يمكن الهدف اللي في مخي سخيف :p ..

لكن بمجرررد ماحطيت دا الشيء في مخي .. حسيت نفسيتي صارت أحسن بفضل الله تعالى وحسيت إني بديت أعطي ^^..

انتي اسألي نفسك .. ايش ابا اكون بعدين ؟؟ ايش ابا اشتغل ..؟؟

وامسكي ورقة وقلم واكتبي السلبيات والايجابيات للحاسب والتخصص الثاني اللي تبي تحولي لييه ..

واذا انتي بتهررربي من الحاسب عشان صعب .. اقوولك أعطي نفسسسسسك فررررصة كمان..

وصدقيني عشان أول ترررررم في التخصص حاسين بضياع .. لكن بعدين لوو مشينا أول بأول حتسهل علينا أشياء كثير ^^

وربي يكتبلك اللي فيه خيير ليكي في الدونيا والآخرة ^^..

وبخصووص التحويل .. قبل اسبوعين سألت عمتي ع التحويل .. قالت انو لازم تكون ع اقل شيء دارسة ترم في تخصصها .. وبعدين تحووول.. عشان حيكتبوو "محول من كلية الى كلية أخرى" ^^.. وقالت مدري لوو صار تغيير في دا الموضوع :p ..

وإنتي اسألي العمادة في الموضوع دا قبل ماتعتذري ^^..

بالتوفيق حبيبي :$

دمتـِ بخير ..

[هــــايدي]

شكرا لكم