نقطه بسيطه اتمنى توضيحها في الاحصاء

[انسانه اكثر]

السلام عليكم//اخوني اخواتي الله يعطيكم العافيه بخصوص
The spearman rank correlation coefficient اللي هو شابتر 13-----كيف نوجد الrank ؟
سواء للــx او للــy
لأني والله ماعرفت كيف//اتمنى تفيدوني ربي لايحرمكم الأجر ومشكورين وبالتوفيق للجميع يارب..

[Dreams 2010]

طب شوفي سؤال 13-7 في شبتر 13 ح اشرحلك ع اساسه
عندك عمودين تبع الطلاب اول خطوه ح تاخذي العمود الاول تبع الطالب الاول وترتبيه ياتنازلي ياتصاعدي وكمان العمود التاني متله
تااني خطووه تطلعي الرتبه لكل واحد فيهم يعني مثلا العمود الاول لو رتبتي تنازلي تجي قدام ال20 وتحطيلوه رتبه رقم واحد
قدام ال18 رتبه رقم 2 قدام ال12 رتبه رقم 3 وهكذا لحد ماتوصلين لرقم 2 وتحطين قدامه رتبه رقم8 والعمود التاني نفس الشيء
تالت خطوه ترجعي لنفس السؤال وتجي قدام عمود الطالب الاول اللي كان بدون ترتيب ح تحطي رقم الرتبه اللي سويتها له في تاني خطوه>>> احس شويه بتضربيني
والعمود التاني بالمثل يصير عندك x1 ,x2 عشان تقدري تطلعي منهم d=x1-x2 وعشان تتاكدي انو جدولك صح لو جمعتي نواتج الـd ح تسااوي صفر
وآخر عمود تجيبي دي تربيع وتطبقي في القانوون بس

[طموح بنوتة]

*رتبي الاعداد من الاكبر إلى الاصغر في كلا العامودين
*اطرحي ترتيب العمود الاول من ترتيب العامود الثاني
*ربعي العامود الناتج من عملية الطرح
وبس
*ـ^

[لولو الشهري]

وصح كمان لو رتبتيها من الاصغر للاكبر احسها اسسسهل

[انسانه اكثر]

dreams 2010 يعطيك العافيه ع الشرح الحلو ياقمر طلعت سهله مره بس انا مدلخه D-:
وباقي الصبايا تسسلمون حبايبي مووفقين يااارب (-*