انطباعكم عن اختبار اجهزة التطوير الاداري

[تالي نهار]

والله صراحه اسئلة سهله جدا جدا 60 سؤال صح وخطأ و 20 سؤال اختيارات

والسؤال المقالي يقول تكلم عن التجربة الثالثة والاخيرة لتجربة المملكة في التطوير الاداري
سؤال سهل جدا

الله يوفق الدكتور

[طلال1111]

نموذج وش يخوي

أ او ب

[مرساال]

وين سهل الله يهيدك

اختبار طوويل والوقت ما كفى

انا نموذج أ
اتوقع اغلبها خطاء

[تالي نهار]

انا أ وفعلا اغلبها خطأ

[لعبتي]

الاسئله الموضوعيه مثل بعض يا شباب
الاختلاف في المقالي فقط

[الاسد88]

بصراحة اللي يقول الاختبار سهل هذا واحد يبي يرفع ضغطنا .. وين سهل الله يرحم والديك .. واللي يقول عندي سهل معقولة نبلعها لانه حكم على نفسه .. والله ياهو اختبار ناااااار ..
والمصيبة اني ما اقدر استوعب السؤال .. اعيد قرائته اكثر من مرة عشان استوعب .. فكيف بالحل ...... ما ادري ليش هذا الدكتور معقد ..

بعد ما خرجنا من القاعة لقينا الدكتور عاد قالو له الشباب يادكتور نبيك تساعدنا قال ولا يهمكم راح اساعد الجميع .. بعدين سأل الشباب اللي موجودين كيف الاسئلة ياشباب .. قالوا بصوت واحد سهلة يادكتور كأنهم حافظينها حفظ ها الجملة .. قلت يمكن ذولا متفقين معه .. طليت فيهم الا وهم كثير ومنهم واحد ملتحي ( مطوع ) جالس يدعي للدكتور والله يادكتور اسئلتك سهلة مرة الله يحفظك .. قلت في نفسي يامن شاتك بوز يسجل فيك هاتريك .. وين سهله يا مالك الــ
المهم يا اخوا ما ذبحني الا الدكتور المراقب في القاعة كل شوي يذكرنا بالوقت بعدين قال انتهى الوقت وهو باقي 11.53 >>> يكذب عيني عينك لا ويقول عطيتكم 5 دقايق من عندي ( مكرمة ) ..

المهم ياشباب ادارة العلاقات العامة طلت نتائجها ولحد دور لها هههههه

الله يوفق الجميع ،،

[VIP-2020]

والله ياشباب الاسئلة كانت صعبة جداجداجداجداجداجداجداجداجدا

مع العلم اني مذاكر المادة بشكل ممتاز

وجاوبت على اكثر من نموذج اسئلة قبل الامتحان بدون ما ارجع للمذكرة

وبكل امانة انصدمت من اسئلة الدكتور اليوم

الى درجه اني اقرأ الفقرة اكثر من خمس مرات لعل وعسى ان افهم معناها

بالاضافة ان الدكتور المراقب مزعج جدا في التذكير بالوقت والبطاقات وتغيير المقاعد (قلب القاعة ساحة حراج)

عاد ديني ودين الازعاج (القروشة) اثناء الامتحان

والحمد لله على كل حال

ونسأل الله التوفيق

[ولد الهلاليه]

أبغى اسئلة الاختبار الله يرضى عليكم تكفوون

m.3.3.3@hotmail.com

[نايف1]

اخوي تالي نهار

هل ممكن تذكر لنا بعض الاسئله او اذا احد سربها او صورها محتاجينها للترم القادم

[أبو حارث]

الحمد لله على كل حال

أول مرة أجلس لنهاية الوقت في مادة نظرية

بصراحة مع أحترامي لكل اللي يقولوالأسئلة سهله

أول مرة أشوف أختبار فيه أكثر 95% من الأسئلة غير مباشرة وملفوفه

صدقوني حتى السؤال المقالي غير دقيق تحدث عن التنسيق بين الأجهزة الإدرية في السعودية

لو سمحو بإدخال الكتب أتحدا أحد يجيب أكثر من70 درجة لأن أغلب الأسئلة تحتمل الوجهين ( صح و خطأ )

والله تمنيت الدكتور يسأل عن وضع الأسئلة عشان أفرغ اللي في قلبي عليه

الله يعديها على خير

ويارب ننجح ونتخرج

وفالكم التوفيق دنيا وآخر