يـــاشــباب ماهــو انـطـبـاعــكم عــن ((( أجـهـزة الـتـطـويــر )))

[طلال1111]

نموذج ب

كم عدد الفقرات الخطأ انا 50 فقره خطأ و 14 فقره صح

عطونا اجابه ياشباب ... وطمنونا ...

[أبومحــمد]

والله ماأدري وش أقول سهلة ولا صعبة لاكن ماأقول الأالله يعديها على خير أنا نموذج ( ب ) والصح والخطأ مشكلة بين عدد الأجابات بس أتوقع الخطأ أكثر أما بنسبة عن المقالي تحدث عن الجوانب والملامح التطوير في الجهاز الحكومي والأجهزة العاملة في التطوير الأداري في المملكة العربية السعودية؟ أتوقع كذا صيغة السوال حليت أنها علاقة تكاملية وشمولية مرت بمراحل عدة من حيث التنظيم وهيكلة الجهاز والأفراد و..... ماأدري تفرمة المخ ومريت على الأستعانة بالأجانب والخبراء وهيكلة النظام ووووووو مليت الورقة لمين حسيت أني صرت خبير تنظيم أجهزة تطوير أدأري عالعموم طلعت من الأختبار وأنا أقول يالله نعديها ونتخرج وفالي وفالكم جميعآ التخرج. والله الراس للحين مصدع ومالك ياأبومحمد الأ القهوة تفرمت المعلومات موفقين

[طلال1111]

والله انا في المقالي اللي في نموذج جبت ...

اربع اجابات لأربع اسئله مقاليه ... وكتبتها على بعض ...

وهو يختار اللي يعجبه ...

الله يسخر لنا الدكتور ... ويرحمنا برحمتك ... يالله يارب ...

[الاسد88]

تالي نهار انا ما اقصدك ياحبيبي انت حددت في ردك الاول وقلت سهله بالنسبة لي ....

ان اقصد اللي فقع مرارتي برا القاعة ..

[تالي نهار]

المشاركة الأصلية كتبت بواسطة الاسد88 تالي نهار انا ما اقصدك ياحبيبي انت حددت في ردك الاول وقلت سهله بالنسبة لي .... ان اقصد اللي فقع مرارتي برا القاعة ..

عادي يا الغالي وان شاء الله فالك a+

الله ينجح الجميع يا رب

[المنعش!]

هذا الادمي ما ادري وش يبي اسمه عاشق خطا 50 فقره خطا اللهم لا اعتراض

[الفتى العربي]

الله يعديها على خير ..:(

[المسفهل]

انا نموذج د والله الاسئله صعبه مررررررره الله لايقوي هالدكتور قسما بالله تقول يقصد يعطل الطلاب المنتسبين اسئله والله ماتدري وش يبي اها يالقهر انا كتبت له في المقالي النظام المفتوح يجد نفسه بنفسه وقعدت اخرط له وكتبت له اسلوب الاداره بالاهداف كاتبه على الطاوله والتطوير التنظيمي كلهم مع المميزات والعيوب وشفته بعد الاختبار قلت له يادكتور والله حامل هذه الماده اربع مرات قال بالحرف الواحد فيه غيرك حاملها 7 مرات صدمني وبعدها رحت لم العميد وقعدت اتبكبك عنده وقال ابشر بالخير الاعلى الطاري متى بتطلع النتايج حقته الله يقطع عمره

[منتسب فله]

خذوني معاكم ودي اروح على الا f يم القيصريه ههههههههههههههههههههههههههه حسبنا الله ونعم الوكيل وبعدين يا الاسد ههههههههههههه اثاريك معي في نفس القاعه جايبين لنا مراقب غترته 3في 3 سانتي ونص كلامه مصري وتبي تنجح ههههههههههههههههههههههههههههههههه

[برنـ الجامعه ـس]

اللحمد لله

اللحمد لله


والله ما طلعت الين أنتهى الوقت وحطيت كل الي براسي بالورقه عبيت له الصفحتين تقييمي للأختبار أنه متوسط الصعوبه
ويوجد بعض الف والدوران بالأسأله أغلبيت الأجابات بالصح والخطأ تجي سرد زي 7 صح 5 خطأ والباقي على حسب السؤال وكان نموذج أختباري (أ) والسؤال المقالي كان تحدث عن المرحله الثالثة من مراحل التطوير الأداري بالمملكه العربيه السعوديه.



والحمد لله

الحمد لله