الرجاء الدخول لكل البنات اللاتي تخصصن m.i.s دفعة 2010

[بنت ناس وقلبي ألماس]

السلام عليكم ورحمة الله وبركاته...

كيفكم يا حلوات وكيف الإجازه معاكم؟

ومبروكين على التخصص إن شاء الله يكون تخصص خير علينا...

طبعا زي ما انتوا عارفين في عندنا مادة اسمها أساسيات البرمجة cpcs206 ما نزل لها شعب فياليت كلنا نروح يوم السبت عند الشؤون عشان يفتحون لنا شعبة على الأقل لأنها مادة تخصص وما ينفع تتأجل للترم الجاي...


يا ليت اللي تبغى الماده ترد بأي كلمة في هذا الموضوع عشان لو كان العدد قليل ماراح يفتحون شعبه لهذه الماده.

والله يسعدكم ويجعل التوفيق حليفكن في الدارين..

[smsm12]

وعليكم السلام ورحمة الله وبركاته
انا ان شاء الله حروح

[بنت ناس وقلبي ألماس]

^^^^
هلا والله ,, حياك الله

[Alaa Al ghamdi]

معاكم ان شاء الله
مدري ليش مافتحوها يمكن مافي اساتذة للمادة
كنت متحمسه للمادة وتوقعت صباح تمسكها

[نوره الغامدي]

من جدك تتوقعي يأجلوها السمستر الجاي !!؟؟؟ ..

إيش اللي معاهم هذووول ؟ مع نفسهم بس يصير عندي 4 مواد !!


أبغى أدرسها أنا زينا زي باقي الأقسام الثانية و لا احنا عيال البطة السودا !!


رايحة إن شاء الله نشوف النهاية معاهم :@

[أنثى وحيدة]

معاكم باذن الله

[RoOoDy]

معـآآآآآآآآآآكـم ^^
بس فيـن نتقـآبل والسـآعة كم ؟

[بنت ناس وقلبي ألماس]

^^^^^^^^
نتقابل عند الشؤون الساعه 8 أو 9 على حسب ما يكونوا الموظفات موجودين ونكلم آمال بلهيد

[My World]

معااكم باذن الله

لازم يفتحونها لنا موب بكيفهم
مادة تخصص وهي متطلب لمواد السنة الجااية
فما لهم حجة انهم ياجلونها لنااا


ان شاء الله اشووفكم ..~ يانظوميااات :/ كشخه الاسم

[تذكري يديك يوم تشهد عليك]

السلام عليكم
كيف حالكم ؟ ومبارك عليبكم التخصص
بما إنكم يابنات النظم هنا
قلت بسألكم ومايحتاج أفتح موضوع كامل عن سؤال
وهو على كم وقف معدل تخصص نظم معلومات
أنا من بنات دفعة 11 ومرررررة أبغى أتخصصه إن شاء الله
عشان لو كان يطلبوا معدل عالي أشد حيلي من بدري
وجزيتم خيرا ..