بخصوص التحويل من الاتنظام للانتسآب !

[Memo lola]

السلآم عليكم

ابي اسال عند التحويل من الانتظام للانتساب متى التقديم عليه
وهل اقدر اقدم التحويل بين الترمين زي الوقت هذا

وشكرا .,

[gucci-991]

التحويل من انتظام لانتساب موجود هذي الفترة انا حولت يوم السبت

[oooDy]

كم المعدل المطلووووب ؟!!!

[بيييسان]

المشاركة الأصلية كتبت بواسطة gucci-991 التحويل من انتظام لانتساب موجود هذي الفترة انا حولت يوم السبت

طيب حبيبي كيف حولتي وين رحتي وبالنت ولا يدوي وقدمتي بس وباقي تستني النتيجه ولا خلاص حولتي ممكن توضحي ياقلبوووو

[نوسو]

تيب لو حولت انتساب ارجع ادرس فمقر الجامعه والا يخلوني فالفيصليه؟؟
وهل ادفع رسوم والالا؟؟
لان معدلي 4.31
بس مره مافي تخصصات بالفيصليه ولاراضين يحولوني عالجامعه وصرت افكر اترك الدراسه

[gucci-991]

المشاركة الأصلية كتبت بواسطة بيييسان طيب حبيبي كيف حولتي وين رحتي وبالنت ولا يدوي وقدمتي بس وباقي تستني النتيجه ولا خلاص حولتي ممكن توضحي ياقلبوووو

انا رحت العمادة وقفت عند الشباك وقلت للموظفة انا ابغى احول انتساب اعطتني ورقة وعبيتها وختمتها
وقيدني مسوية اخلاء الطرف من كلية الاداب في الفيصلية لاني كنت ادرس هناك ..

يعني اذا انتي بالفرع الرئيسي خذي ورقة اخلاء طرف وورقة تحويل من العمادة وعبيها من وكيلة كليتك والامن والسلامة والمكتبة ويوم تخلصي رجعيها ثاني للعمادة محل مااخذتيها وخلاص بتحولك لكن اذا بتغيري تخصصك راجعي كليتك..

[gucci-991]

المشاركة الأصلية كتبت بواسطة نوسو تيب لو حولت انتساب ارجع ادرس فمقر الجامعه والا يخلوني فالفيصليه؟؟ وهل ادفع رسوم والالا؟؟ لان معدلي 4.31 بس مره مافي تخصصات بالفيصليه ولاراضين يحولوني عالجامعه وصرت افكر اترك الدراسه

ياقلبي انتي انا وانتي اتبهذلنا نفس البهذلة ونفس الذل الي شفناه من الجامعة .. انا كان عندي اعفاء قبل مااحول من انتساب لانتظام والحين يستمر معايا بس لو اي شرط ينطبق عليكي تقدري تقدمي وبيقبلوك ان شاءالله ..

انا قلت دام اني برجع انتساب بدخل ادارة واقتصاد احسن من الاداب .. بس لو انتي تبغي تحولي على الجامعة سوي بس اخلاء طرف من الفيصلية وخذي الورقة معاكي على الفرع الرئيسي عمادة القبول الي عند الشبابيك الثلاثة اتوقع تعرفيها وبتعطيكي ورقة تحويل من انتظام لانتساب تعبيها من عمادة خدمة المجتمع وترجعي تروحي غرفة 15 في العمادة عند استاذة فوزية عشان تحذف جدولك وتختم لك وبعدين ترجعي الورقة لنفس المكان الي اخذتيها منه وبتحولك ان شاءالله وياقلبي بتتركي دراستك ومسقبلك عشان نفسيات الجامعة ؟؟!! ليه بالعكس هما كذا ينبسطو انتي معدلك عالي ماشاءالله وماعليكي في اي شي لازم الواحد يواجه عقبات في طريقه والانسان الناجح يتخطاها .. لو ماانتي ناجحة وعندك عزيمة ماكان قدرتي تجيبي معدل وتحولي انتظام

[نوسو]

لا ياقلبي الاعفاء عقدوني فيه قبل قدمت وانا معدلي وقتها 4.55 ولارضيو يعفوني مع اني قدمت لهم كل الاثباتات على ظروفي

[gucci-991]

المشاركة الأصلية كتبت بواسطة نوسو لا ياقلبي الاعفاء عقدوني فيه قبل قدمت وانا معدلي وقتها 4.55 ولارضيو يعفوني مع اني قدمت لهم كل الاثباتات على ظروفي

انا نفس وضعك .. بس ابوي راح قسم الرجال وبعد اسبوع نزل الاعفاء

يعني لو من قسم الحريم انسي لكن لو فيه احد يروحلك من قسم الرجال جهزي اوراقك وقدميها من هناك

[نوسو]

ابوي رجال كبير ماله فالمراجعات والمرمطه
حسبي الله ونعم الوكيل