تجمع لطالبات المستوى الثالث (انتساب) لغة انجليزية

[زهرة لا تذبل]

حبيت اسوي هذا الموضوع عشان يكون تجمع لطالبات الانتساب المستوى الثالث

لاننا مستجدين في القسم وماعندنا طبعا خبرة وكمان بما اننا انتساب فبيكون صعب التواصل شوية بينا وبين بعض

عشان كده سويت هذا الموضوع عشان نقدر نتواصل ان شاء الله ونطرح استفساراتنا طبعا نرجوا الافادة من اخواتنا الي سبقونا وعندهم خبرة سواءا كانوا انتظام او انتساب

حبدا بنفسي عندي بعض الاستفسارات منها :

1_سمعت الكثير من المواضيع المطروحة في المنتدى انه بنات الانتساب يختاروا مواد معينة عشان يحضروها في الجامعة واصحة هذا الكلام ولو صح ايش هيا الكيفية ؟

2_ثاني استفسار سمعت انه في حاجه اسمها oral testيعني اختتبار شفوي او بريسينتاشين
في مادة الاستماع ولازم تروح الطالبة وتقدمه امام الدكتورة برضة ايش صحة هذا الكلام

يعني بشكل اوضح ابغى اعرف نحنا كطالبات انتساب ايش المفروض نعمل وايش المطلوب مننا خلال فترة دراستنا

3_قرات برضة في المنتدى انه اختبارات الانتساب لكلية الاداب حتكون بشيئة الله يوم
26/6/1433هجرية طيب انا يمكن تكون عندي ظروف اضطرارية وما اقدر احضر الاختبارات
بس مني متاكدة من ظروفي هل حتسمحلي او لا فايش هوا الاصلح اني اقدم اعتذار في بداية الترم من غير ما اسدد الرسوم ولا اسدد الرسوم واذاكر عادي واذا ربي يسرلي ادخل الاختبار دخلت واذا ما اقدرت اقدم اعتذار وقتها بس هل حيعيدولي الاختبار ولا حيلغوا الترم وحعتبر راسبة فيه وادفع الرسوم مرة تانية ولا ايش النظاااام بالضبط .

وشكرااااااااااااا وجزاكم ربي الجنه خصوصا نور العمر وام حمدان على مجهودكم الاكثر من رائع في القسم

[nour al3mr]

وعليكِ السلام ورحمة الله و بركــــاته

حيـآك الله أختِ ..

1- الحضور لطالبات الإنتساب في الجـآمعة للمستويات الأولى الى السادسة لا يوجد لان المحاضرات سنتــــــرا
و عند سؤال البعض لرئيسة القسم عن امكانية حضور المحاضرات مع الطالبات فَـ كان الجواب بأنه ممنوع من سياسة القسم

2- في مادة الاستماع و التحدث 1 + 2 يوجد لطالبات الإنتسـاب اختبار شفوي من 20 درجة oral presentation
تحضري من منزلك موضوع و تتدربي عليه و على القاءهـ دون خوف أو أخطاء في القاعدات أثناء النطق
و تقدميه أمام مدرستك بعد الاتفاق معها من خلال الايميل على موعد للحضور

3- مواعيد الإختبارات مدونة في التقويم الجـآمعي لذلك حدثي دائماً التقويم للتأكد أنه لن يتغير
في حال سددتي الرسوم و بدأتي بالمذاكـره بعد إنزال الجدول ولم تتمكني من دخول الاختبارات
يمكنك تقديم عذر مقنع لهم ان تم قبوله ستحول لك المواد كإختبار تكميلي

و إن لازالت أيقونة الإعتذار متاحة .. يمكنك الاعتذار و ستحول الرسوم تلقائياً للترم القادم

موفقــــــة و حيـآكِ بأي وقت

[زهرة لا تذبل]

شكرا نور ربي يسعدك دنيا واخرة

بس ايش يعني اختبار تكميلي ومعليش ممكن تحطي رابط التقويم حق الاختبارات ومشكووورة يا قمر

ويا بنات المستوى الثالث حصلت رااابط مررة روعة اعتقد حيفيد الك ان شاء الله

http://www.skaau.com/vb/showthread.php?t=457588

الي عنده اي اضافة لا يبخل علينا وجزاكم ربي كل خير

[Lily roses]

ان شاء الله انظم لكم دعواتكم لي انقبل بالقسم

[راجي ربه]

معاكم صبايا .. استفدت كثيييييييييير من الرابط تسلموا يا حبايب

[nour al3mr]

حيـآكم جميعاً

هنا رابط التقويم الجـــآمعي

التقويم الجامعي الخاص بالانتســــاب و الإنتظـــــام - الترم الثاني

أما الإختبارالتكميلي فهو تأجيل للاختبار النهائي بعذر مقبول
فبدلا من أن يكون درجتك مكتوب أمامها حرمـآن dn ويتأثر المعدل لانه يعادل الرسوب
سيتم إدراج رمز ic لحين قبول عذرك يحول الرمز لِـ at
و سيتم تحديد موعد للاختبارات البديلة بعد بداية الترم الدراسي الجديد بقرابة شهـــــر

[na3ome]

معاكم وياليت الموضوع يثبت بجد نحتاجه

[بنت خديجة]

انا كمان معاكم الله يجزاكم خير

[راما سامي]

بنات لو سمحتو تعرفو ايش اسماء الاستاذات لكويسات عشان انزل جدولي الله يخليكم لكل مادة انا مستوى 3 في عندي استماع1 وقراءة1 وكتابة 1 ولو سمحتو مطرة انزل مادة من المستوى الخامس فإي اسهل مادة وايش احسن مدرسة لها؟؟

[بنت خديجة]

ليش من المستوى الخامس ايش السبب ما فتحتلك المواد العامة الموجودة في الستوى الثالث لأن انا نزلي كل الموا ماعدا شباب وقيم المواطنة مو راضي ينزل معاية